ಪ್ರಧಾನಿ ಮೋದಿ ಜೊತೆ ಅಧ್ಯಕ್ಷ ಬಿಡೆನ್‌ ಫೋನ್‌ ಸಂಭಾಷಣೆ:‌ ಭಯೋತ್ಪಾದನೆ ಮಟ್ಟ ಹಾಕಲು ಪಣ!

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಹಾಗೂ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಅವರು ಸೋಮವಾರ ದೂರವಾಣಿ ಮೂಲಕ ಮಾತುಕತೆ ನಡೆಸಿದ್ದಾರೆ. ಬೈಡೆನ್‌ ಅಧ್ಯಕ್ಷರಾಗಿ ಪ್ರಮಾಣ ವಚನ ಸ್ವೀಕರಿಸಿದ ಬಳಿಕ ಉಭಯ ನಾಯಕರ ನಡುವೆ ನಡೆದ ಮೊದಲ ಮಾತುಕತೆ ಇದಾಗಿದೆ. ಈ ಕುರಿತು ಟ್ವೀಟ್‌ ಮಾಡಿರುವ ಮೋದಿ ಅವರು, ''ಪ್ರಾದೇಶಿಕ ವಿಷಯಗಳು ಮತ್ತು ಭವಿಷ್ಯದಲ್ಲಿ ನಮ್ಮ ಆದ್ಯತೆ ಏನಿರಬೇಕು ಎಂಬ ಕುರಿತು ಮಾತುಕತೆ ನಡೆಸಿದೆವು.

ದ್ವಿಪಕ್ಷೀಯ ಸಂಬಂಧ, ಹವಾಮಾನ ಬದಲಾವಣೆ, ಭಯೋತ್ಪಾದನೆ ಮಟ್ಟ ಹಾಕುವುದು, ಜಾಗತಿಕ ಆರ್ಥಿಕತೆ ಸರಿ ದಾರಿಗೆ ತರುವ ಕುರಿತೂ ಚರ್ಚೆ ನಡೆಸಿದೆವು. ಅಂತಾರಾಷ್ಟ್ರೀಯ ನಿಯಮಗಳಿಗೆ ಅನುಗುಣವಾಗಿ ನಡೆದುಕೊಳ್ಳಲು ನಾವಿಬ್ಬರೂ ಬದ್ಧರಾಗಿದ್ದೇವೆ,'' ಎಂದು ತಿಳಿಸಿದ್ದಾರೆ. ಇನ್ನು ಶ್ವೇತಭವನ ಬಿಡುಗಡೆಗೊಳಿಸಿರುವ ಹೇಳಿಕೆಯ ಪ್ರಕಾರ, ಉಭಯ ನಾಯಕರು ಇಂಡೋ-ಪೆಸಿಫಿಕ್‌ನಲ್ಲಿ ಮುಕ್ತ ಹಾಗೂ ತೆರೆದ ಚಟುವಟಿಕೆ ಉತ್ತೇಜಿಸಲು ನಿಕಟ ಸಹಕಾರವನ್ನು ಮುಂದುವರಿಸಲು ಒಪ್ಪಿಕೊಂಡಿದ್ದಾರೆ.

ಇದರಲ್ಲಿ ನ್ಯಾವಿಗೇಷನ್ ಸ್ವಾತಂತ್ರ್ಯ, ಪ್ರಾದೇಶಿಕ ಸಮಗ್ರತೆ ಮತ್ತು ಕ್ವಾಡ್ ಉಪಕ್ರಮದ ಮೂಲಕ ಬಲವಾದ ಪ್ರಾದೇಶಿಕ ಬೆಳವಣಿಗೆಗೆ ಬೆಂಬಲವಿದೆ ಎಂದು ತಿಳಿಸಿದೆಶ್ವೇತಭವನದ ಹೇಳಿಕೆಯ ಪ್ರಕಾರ, ಜಾಗತಿಕ ಸವಾಲುಗಳ ವ್ಯಾಪ್ತಿಯೊಂದಿಗೆ ನಿಕಟ ಸಂಪರ್ಕದಲ್ಲಿರಲು ಮತ್ತು ಯುಎಸ್ ಮತ್ತು ಭಾರತವು ತಮ್ಮ ಜನರಿಗೆ ಮತ್ತು ತಮ್ಮ ರಾಷ್ಟ್ರಗಳಿಗಾಗಿ ಒಟ್ಟಾಗಿ ಏನನ್ನು ಸಾಧಿಸಲಿವೆ ಎಂದು ಎದುರು ನೋಡಬೇಕೆಂದು ಉಭಯ ನಾಯಕರು ಒಪ್ಪಿಕೊಂಡರು.

‘ಮೋದಿ ವಿರುದ್ಧ ಮಾತನಾಡಿದರೆ ನಿಮ್ಮನ್ನು ಬಿಡಲ್ಲ’; ಮಲ್ಲಿಕಾರ್ಜುನ ಖರ್ಗೆಗೆ ಜೀವ ಬೆದರಿಕೆ..!

ಇನ್ನು ಜಾಗತಿಕ ಸವಾಲುಗಳ ವ್ಯಾಪ್ತಿಯೊಂದಿಗೆ ನಿಕಟ ಸಂಪರ್ಕದಲ್ಲಿರಲು ಮತ್ತು] ಅಮೆರಿಕ ಮತ್ತು ಭಾರತವು ತಮ್ಮ ಜನರಿಗೆ ಮತ್ತು ತಮ್ಮ ರಾಷ್ಟ್ರಗಳಿಗಾಗಿ ಒಟ್ಟಾಗಿ ಏನನ್ನು ಸಾಧಿಸಲಿವೆ ಎಂದು ಎದುರು ನೋಡಬೇಕೆಂದು ಉಭಯ ನಾಯಕರು ಒಪ್ಪಿಕೊಂಡರು. ಅದರ ಜೊತೆಗೆ ಮ್ಯಾನ್ಮಾರ್‌ನಲ್ಲಿ ಕಾನೂನಿನ ನಿಯಮ ಮತ್ತು ಪ್ರಜಾಪ್ರಭುತ್ವ ಪ್ರಕ್ರಿಯೆಯನ್ನು ಎತ್ತಿಹಿಡಿಯಬೇಕು ಎಂದು ಅಮೆರಿಕ ಅಧ್ಯಕ್ಷ ಮತ್ತು ಪ್ರಧಾನಿ ಮೋದಿ ನಿರ್ಧರಿಸಿರುವುದಾಗಿ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಕಳೆದ ತಿಂಗಳು ಮೋದಿ ಅವರು ಬೈಡೆನ್‌ ಮತ್ತು ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್‌ ಅವರಿಗೆ ದೂರವಾಣಿ ಕರೆ ಮಾಡಿ ಅಭಿನಂದಿಸಿದ್ದರು.