ಪ್ರಿಯಾಂಕಾ ಗಾಂಧಿ ಮನೆಯಲ್ಲಿ ಭದ್ರತಾ ವೈಫಲ್ಯ : ಪ್ರಕರಣಕ್ಕೆ ಬಿಗ್‌ ಟ್ವಿಸ್ಟ್‌ ನೀಡಿದ ಟೈಮ್ಸ್‌ ನೌ ತನಿಖೆ !

ಹೊಸದಿಲ್ಲಿ: ಎಸ್ಪಿಜಿ ಭದ್ರತೆಯನ್ನು ಕೇಂದ್ರ ಸರ್ಕಾರ ಹಿಂಪಡೆದ ಬೆನ್ನಲ್ಲೇ ಪ್ರಿಯಾಂಕಾ ಗಾಂಧಿ ಮನೆಯಲ್ಲಿ ಭದ್ರತಾ ವೈಫಲ್ಯ ಸಂಭವಿಸಿದೆ ಎನ್ನಲಾದ ಪ್ರಕರಣಕ್ಕೆ ಈಗ ಹೊಸ ಟ್ವಿಸ್ಟ್ ಸಿಕ್ಕಿದೆ. ಪ್ರಕರಣದ ಕುರಿತು ಟೈಮ್ಸ್‌ ನೌ ಸುದ್ದಿವಾಹಿನಿ ನಡೆಸಿದ ತನಿಖೆಯಲ್ಲಿ ವಾಸ್ತವದಲ್ಲಿ ನಡೆದಿದ್ದೇನು ಎಂಬುದು ತಿಳಿದು ಬಂದಿದೆ.

ಭದ್ರತಾ ನಿಯಮಗಳನ್ನು ಉಲ್ಲಂಘಿಸಿ ಪ್ರಿಯಾಂಕಾ ಗಾಂಧಿ ವಾಸವಿರುವ ನವದೆಹಲಿಯ ಲೋಧಿ ಎಸ್ಟೇಟ್‌ನಲ್ಲಿರುವ ಮನೆಗೆ ಪ್ರವೇಶಿಸಿದ್ದ ಕಾರಿನ ಬೆನ್ನುಬಿದ್ದು ತನಿಖೆ ನಡೆಸಿದ ಟೈಮ್ಸ್ ನೌ ವಾಹಿನಿಗೆ ಅಸಲಿ ಸತ್ಯದ ದರ್ಶನವಾಗಿದೆ.

ಪ್ರಿಯಾಂಕ ಗಾಮಧಿ ಮನೆಗೆ ಪ್ರವೇಶಿಸಿದ್ದ ಕಾರಿನ ಮಾಲಿಕ ನಿಖೇಶ್‌ ಸಿಂಗ್‌ ಎಂಬುವಾಗಿದ್ದು, ಟೈಮ್ಸ್‌ ನೌ ಅವರನ್ನು ಖುದ್ದಾಗಿ ವಿಚಾರಿಸಿದೆ. ಈ ಸಂದರ್ಭ ನಿಖೇಶ್‌ ಸಿಂಗ್‌ ಅವರು ತಾವು ಬಹಳ ವರ್ಷಗಳಿಂದಲೂ ಕಾಂಗ್ರೆಸ್ನ ಅನುಯಾಯಿಗಳು. ಪ್ರಿಯಾಂಕ ಗಾಂಧಿ ಅವರನ್ನು ನಿರ್ದಿಷ್ಟ ಉದ್ದೇಶಕ್ಕಾಗಿ ಸಮಯಾವಕಾಶ ಕೇಳಲೆಂದ ಹೋಗಿದ್ದೆವು ಎಂದು ತಿಳಿಸಿದ್ದಾರೆ.

ಹಿನ್ನೆಲೆ: ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿ ನಿವಾಸಕ್ಕೆ ಭದ್ರತಾ ನಿಯಮಗಳನ್ನು ಉಲ್ಲಂಘಿಸಿ ಕಾರೊಂದು ಪ್ರವೇಶಿಸಿತ್ತು. ಆ ಕಾರಿನಲ್ಲಿ ಮನೆಗೆ ಬಂದ 7 ಮಂದಿ ಅಪರಿಚಿತರು ನೇರವಾಗಿ ಮನೆಯೊಳಗೇ ಬಂದು ಸೆಲ್ಫಿಗಾಗಿ ಮುಗಿಬಿದ್ದರು ಎಂದು ಆರೋಪಿಸಲಾಗಿತ್ತು. ಈ ಮೂಲಕ ಭದ್ರತಾ ವೈಫಲ್ಯ ಸಂಭವಿಸಿದೆ. ಮನೆಯೊಳಗೆ ಇವರು ಬರುವಾಗ ಭದ್ರತಾ ಸಿಬ್ಬಂದಿ ಯಾವುದೇ ರೀತಿಯ ತಪಾಸಣೆ ನಡೆಸದೇ ಇರುವುದು ಆತಂಕಕ್ಕೆ ಕಾರಣವಾಗಿದೆ ಎನ್ನಲಾಗಿತ್ತು.