ಪಾಟ್ನಾ: ಬಿಹಾರದಲ್ಲಿ ನಾವು ಒಳ್ಳೆಯದನ್ನು ಮಾಡಿದ್ದೇವೋ ಇಲ್ಲವೋ ಎಂಬುದು ನಿಮಗೆ ತಿಳಿದಿದೆ. ನಮಗೆ ಯಾರೊಬ್ಬರ ಅಭಿಪ್ರಾಯ ಮುಖ್ಯವಲ್ಲ. ಸತ್ಯ ಅಷ್ಟೇ ನಮಗೆ ಮುಖ್ಯ. ನಮ್ಮ ಕೆಲಸ ಜನರಿಗೆ ತಿಳಿದಿದೆ. ಯಾವ ಕೆಲಸ, ಎಷ್ಟು ಕೆಲಸ ಮಾಡಲಾಗಿದೆ ಎಂಬುದು ನಿಮಗೆಲ್ಲರಿಗೂ ತಿಳಿದಿದೆ ಎಂದು ಬಿಹಾರ ಸಿಎಂ ನಿತೀಶ್ ಕುಮಾರ್ ಪ್ರಶಾಂತ್ ಕಿಶೋರ್‌ಗೆ ತಿರುಗೇಟು ನೀಡಿದ್ದಾರೆ.
ಕಳೆದ 15 ವರ್ಷ ಏನಾಗಿದೆ ಎಂಬುದು ನಿಮಗೆ ತಿಳಿದಿರುವ ಕಾರಣ, ಪ್ರಶಾಂತ್ ಕಿಶೋರ್ ಅವರಿಗೆ ಪ್ರತಿಕ್ರಿಯೆಯನ್ನು ನೀವೇ ನೀಡಬೇಕೆಂದು ನಾನು ವಿನಂತಿಸುತ್ತೇನೆ. ಯಾರಾದರೂ ಏನಾದರೂ ಹೇಳಿದಾಗ, ಅದಕ್ಕೆ ನಾವು ಪ್ರತಿಕ್ರಿಯಿಸಬೇಕು. ಆದರೆ, ಈ ಸಂದರ್ಭದಲ್ಲಿ ಅದನ್ನು ನೀವೇ ಮಾಡಬಹುದು. ಏಕೆಂದರೆ, ವಾಸ್ತವ ಏನೆಂದು ನಿಮಗೆ ತಿಳಿದಿದೆ ನಿತೀಶ್ ಕುಮಾರ್ ಹೇಳಿದರು.
ಗುರುವಾರ ಮಾತನಾಡಿದ್ದ ಪ್ರಶಾಂತ್ ಕಿಶೋರ್, ಲಾಲು ಪ್ರಸಾದ್‌ ಯಾದವ್‌ ಮತ್ತು ನಿತೀಶ್ ಕುಮಾರ್ ಅವರು ಬಿಹಾರವನ್ನು 30 ವರ್ಷ ಆಳಿದ್ದರೂ ಬಿಹಾರ ದೇಶದ ಅತ್ಯಂತ ಹಿಂದುಳಿದ ಮತ್ತು ಬಡ ರಾಜ್ಯವಾಗಿ ಉಳಿದಿರುವುದು ಸತ್ಯ ಎಂದು ಟೀಕಿಸಿದ್ದರು.
ಕಳೆದ 15 ವರ್ಷಗಳು ಬಿಹಾರಕ್ಕೆ ಒಳ್ಳೆಯದಾಗಿರಲಿಲ್ಲ ಎಂದು ಪ್ರಶಾಂತ್ ಕಿಶೋರ್ ತಮ್ಮ ಒಂದು ಕಾಲದ ರಾಜಕೀಯ ಪಕ್ಷದ ಮುಖ್ಯಸ್ಥ ನಿತೀಶ್ ಕುಮಾರ್ ವಿರುದ್ಧ ಕಿಡಿಕಾರಿದ್ದರು. ನಿತೀಶ್ ಕುಮಾರ್ ನೇತೃತ್ವದ ಜೆಡಿಯು ಪಕ್ಷದ ಮೂಲಕ ಪ್ರಶಾಂತ್ ಕಿಶೋರ್ ರಾಜಕೀಯ ಆರಂಭಿಸಿದ್ದರು. ಪಕ್ಷದ ಉಪಾಧ್ಯಕ್ಷರಾಗಿದ್ದ ಅವರನ್ನು ವಜಾಗೊಳಿಸಲಾಗಿತ್ತು.
ಅಭಿವೃದ್ಧಿಯ ಹೆಚ್ಚಿನ ಸೂಚ್ಯಂಕಗಳಲ್ಲಿ ಬಿಹಾರ ಇನ್ನೂ ಕೊನೆಯಲ್ಲಿ ಇದೆ. ಬಿಹಾರ ಮುಂದುವರಿದ ರಾಜ್ಯಗಳ ವರ್ಗಕ್ಕೆ ಸೇರಬೇಕಾದರೆ ಕಳೆದ 10 ರಿಂದ 15 ವರ್ಷಗಳು ಇದ್ದಂತೆ ಇದ್ದರೆ ನಾವು ಅಲ್ಲಿಗೆ ತಲುಪಲು ಸಾಧ್ಯವಿಲ್ಲ ಎಂದು ಪಿಕೆ ಹೇಳಿದ್ದರು. ರಸ್ತೆಗಳು, ಸೇತುವೆಗಳು ಮತ್ತು ಆರೋಗ್ಯ ರಕ್ಷಣೆಯಂತಹ ಮೂಲ ಸೌಕರ್ಯದ ಕ್ಷೇತ್ರದಲ್ಲಿ ನಿತೀಶ್ ಕುಮಾರ್ ಅವರು ಬಹಳಷ್ಟು ಕೆಲಸ ಮಾಡಿದ್ದಾರೆ. ಆದರೆ, ಬಿಹಾರ ಇನ್ನೂ ಕೆಳಮಟ್ಟದಲ್ಲಿರುವುದರಿಂದ ಬಹಳಷ್ಟು ಪ್ರಗತಿ ಮಾಡಬೇಕಾಗಿದೆ ಎಂದು ಪ್ರಶಾಂತ್ ಕಿಶೋರ್ ಪ್ರತಿಪಾದಿಸಿದ್ದರು.
ಇನ್ನು, ನಿತೀಶ್ ಕುಮಾರ್ ಜೊತೆ ನನಗೆ ಯಾವುದೇ ವೈಯಕ್ತಿಕ ಜಗಳವಿಲ್ಲ. ನಮ್ಮಿಬ್ಬರ ಮಧ್ಯೆ ಬಹಳ ಒಳ್ಳೆಯ ಸಂಬಂಧವಿದೆ. ಆದರೆ, ವೈಯಕ್ತಿಕ ಸಂಬಂಧಗಳು ಬೇರೆ, ಒಟ್ಟಿಗೆ ಕೆಲಸ ಮಾಡುವುದು ಬೇರೆ. ಎರಡು ಕೂಡ ವಿಭಿನ್ನ. ನಿತೀಶ್ ಕುಮಾರ್ ಸಭೆಗೆ ಕರೆದರೆ ಹೋಗಬೇಕಾಗುತ್ತದೆ. ಆದರೆ, ನಾವು ಎಲ್ಲವನ್ನೂ ಒಪ್ಪುತ್ತೇವೆ ಮತ್ತು ಒಟ್ಟಿಗೆ ಕೆಲಸ ಮಾಡುತ್ತೇವೆ ಎಂದು ಅರ್ಥವಲ್ಲ ಎಂದು ಪಿಕೆ ಹೇಳಿದ್ದರು.
ನಿತೀಶ್ ಕುಮಾರ್ ನನ್ನ ತಂದೆಯಂತೆಯೇ ಇದ್ದರು. ಆದರೆ, ನಾನು ಪ್ರತ್ಯೇಕ ರಾಜಕೀಯ ಪಯಣವನ್ನು ಹೊಂದಲು ಸಾಧ್ಯವಿಲ್ಲ ಎಂದು ಇದರ ಅರ್ಥವಲ್ಲ ಎಂದು ಪ್ರಶಾಂತ್ ಕಿಶೋರ್ ಹೇಳಿದ್ದರು. ಈ ಮೂಲಕ ಬಿಹಾರದಲ್ಲಿ ತಮ್ಮದೇ ರಾಜಕೀಯ ಪ್ರಯಾಣ ಆರಂಭಿಸುವ ಬಗ್ಗೆ ಸೂಚ್ಯವಾಗಿ ಗುರುವಾರ ಹೇಳಿದ್ದರು.
ಕಳೆದ 15 ವರ್ಷ ಏನಾಗಿದೆ ಎಂಬುದು ನಿಮಗೆ ತಿಳಿದಿರುವ ಕಾರಣ, ಪ್ರಶಾಂತ್ ಕಿಶೋರ್ ಅವರಿಗೆ ಪ್ರತಿಕ್ರಿಯೆಯನ್ನು ನೀವೇ ನೀಡಬೇಕೆಂದು ನಾನು ವಿನಂತಿಸುತ್ತೇನೆ. ಯಾರಾದರೂ ಏನಾದರೂ ಹೇಳಿದಾಗ, ಅದಕ್ಕೆ ನಾವು ಪ್ರತಿಕ್ರಿಯಿಸಬೇಕು. ಆದರೆ, ಈ ಸಂದರ್ಭದಲ್ಲಿ ಅದನ್ನು ನೀವೇ ಮಾಡಬಹುದು. ಏಕೆಂದರೆ, ವಾಸ್ತವ ಏನೆಂದು ನಿಮಗೆ ತಿಳಿದಿದೆ ನಿತೀಶ್ ಕುಮಾರ್ ಹೇಳಿದರು.
ಗುರುವಾರ ಮಾತನಾಡಿದ್ದ ಪ್ರಶಾಂತ್ ಕಿಶೋರ್, ಲಾಲು ಪ್ರಸಾದ್‌ ಯಾದವ್‌ ಮತ್ತು ನಿತೀಶ್ ಕುಮಾರ್ ಅವರು ಬಿಹಾರವನ್ನು 30 ವರ್ಷ ಆಳಿದ್ದರೂ ಬಿಹಾರ ದೇಶದ ಅತ್ಯಂತ ಹಿಂದುಳಿದ ಮತ್ತು ಬಡ ರಾಜ್ಯವಾಗಿ ಉಳಿದಿರುವುದು ಸತ್ಯ ಎಂದು ಟೀಕಿಸಿದ್ದರು.
ಕಳೆದ 15 ವರ್ಷಗಳು ಬಿಹಾರಕ್ಕೆ ಒಳ್ಳೆಯದಾಗಿರಲಿಲ್ಲ ಎಂದು ಪ್ರಶಾಂತ್ ಕಿಶೋರ್ ತಮ್ಮ ಒಂದು ಕಾಲದ ರಾಜಕೀಯ ಪಕ್ಷದ ಮುಖ್ಯಸ್ಥ ನಿತೀಶ್ ಕುಮಾರ್ ವಿರುದ್ಧ ಕಿಡಿಕಾರಿದ್ದರು. ನಿತೀಶ್ ಕುಮಾರ್ ನೇತೃತ್ವದ ಜೆಡಿಯು ಪಕ್ಷದ ಮೂಲಕ ಪ್ರಶಾಂತ್ ಕಿಶೋರ್ ರಾಜಕೀಯ ಆರಂಭಿಸಿದ್ದರು. ಪಕ್ಷದ ಉಪಾಧ್ಯಕ್ಷರಾಗಿದ್ದ ಅವರನ್ನು ವಜಾಗೊಳಿಸಲಾಗಿತ್ತು.
ಅಭಿವೃದ್ಧಿಯ ಹೆಚ್ಚಿನ ಸೂಚ್ಯಂಕಗಳಲ್ಲಿ ಬಿಹಾರ ಇನ್ನೂ ಕೊನೆಯಲ್ಲಿ ಇದೆ. ಬಿಹಾರ ಮುಂದುವರಿದ ರಾಜ್ಯಗಳ ವರ್ಗಕ್ಕೆ ಸೇರಬೇಕಾದರೆ ಕಳೆದ 10 ರಿಂದ 15 ವರ್ಷಗಳು ಇದ್ದಂತೆ ಇದ್ದರೆ ನಾವು ಅಲ್ಲಿಗೆ ತಲುಪಲು ಸಾಧ್ಯವಿಲ್ಲ ಎಂದು ಪಿಕೆ ಹೇಳಿದ್ದರು. ರಸ್ತೆಗಳು, ಸೇತುವೆಗಳು ಮತ್ತು ಆರೋಗ್ಯ ರಕ್ಷಣೆಯಂತಹ ಮೂಲ ಸೌಕರ್ಯದ ಕ್ಷೇತ್ರದಲ್ಲಿ ನಿತೀಶ್ ಕುಮಾರ್ ಅವರು ಬಹಳಷ್ಟು ಕೆಲಸ ಮಾಡಿದ್ದಾರೆ. ಆದರೆ, ಬಿಹಾರ ಇನ್ನೂ ಕೆಳಮಟ್ಟದಲ್ಲಿರುವುದರಿಂದ ಬಹಳಷ್ಟು ಪ್ರಗತಿ ಮಾಡಬೇಕಾಗಿದೆ ಎಂದು ಪ್ರಶಾಂತ್ ಕಿಶೋರ್ ಪ್ರತಿಪಾದಿಸಿದ್ದರು.
ಇನ್ನು, ನಿತೀಶ್ ಕುಮಾರ್ ಜೊತೆ ನನಗೆ ಯಾವುದೇ ವೈಯಕ್ತಿಕ ಜಗಳವಿಲ್ಲ. ನಮ್ಮಿಬ್ಬರ ಮಧ್ಯೆ ಬಹಳ ಒಳ್ಳೆಯ ಸಂಬಂಧವಿದೆ. ಆದರೆ, ವೈಯಕ್ತಿಕ ಸಂಬಂಧಗಳು ಬೇರೆ, ಒಟ್ಟಿಗೆ ಕೆಲಸ ಮಾಡುವುದು ಬೇರೆ. ಎರಡು ಕೂಡ ವಿಭಿನ್ನ. ನಿತೀಶ್ ಕುಮಾರ್ ಸಭೆಗೆ ಕರೆದರೆ ಹೋಗಬೇಕಾಗುತ್ತದೆ. ಆದರೆ, ನಾವು ಎಲ್ಲವನ್ನೂ ಒಪ್ಪುತ್ತೇವೆ ಮತ್ತು ಒಟ್ಟಿಗೆ ಕೆಲಸ ಮಾಡುತ್ತೇವೆ ಎಂದು ಅರ್ಥವಲ್ಲ ಎಂದು ಪಿಕೆ ಹೇಳಿದ್ದರು.
ನಿತೀಶ್ ಕುಮಾರ್ ನನ್ನ ತಂದೆಯಂತೆಯೇ ಇದ್ದರು. ಆದರೆ, ನಾನು ಪ್ರತ್ಯೇಕ ರಾಜಕೀಯ ಪಯಣವನ್ನು ಹೊಂದಲು ಸಾಧ್ಯವಿಲ್ಲ ಎಂದು ಇದರ ಅರ್ಥವಲ್ಲ ಎಂದು ಪ್ರಶಾಂತ್ ಕಿಶೋರ್ ಹೇಳಿದ್ದರು. ಈ ಮೂಲಕ ಬಿಹಾರದಲ್ಲಿ ತಮ್ಮದೇ ರಾಜಕೀಯ ಪ್ರಯಾಣ ಆರಂಭಿಸುವ ಬಗ್ಗೆ ಸೂಚ್ಯವಾಗಿ ಗುರುವಾರ ಹೇಳಿದ್ದರು.