ಬಿಹಾರದಲ್ಲಿ ಎಲ್‌ಜೆಪಿ ಅಧಿಕಾರಕ್ಕೆ ಬಂದರೆ ನಿತೀಶ್ ಕುಮಾರ್ ಜೈಲಿಗೆ..! ಚಿರಾಗ್ ಪಾಸ್ವಾನ್

ಬುಕ್ಸಾರ್ (ಬಿಹಾರ): ಬಿಹಾರ ವಿಧಾನಸಭಾ ಚುನಾವಣಾ ಪ್ರಚಾರ ಕಣ ರಂಗೇರಿದೆ. ಸಿಎಂ ನಿತೀಶ್ ಕುಮಾರ್ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿರುವ ಎಲ್‌ಜೆಪಿ ನಾಯಕ ಚಿರಾಗ್ ಪಾಸ್ವಾನ್, ತಮ್ಮ ಪಕ್ಷ ಅಧಿಕಾರಕ್ಕೆ ಬಂದರೆ ನಿತೀಶ್ ಕುಮಾರ್ ಅವರನ್ನು ಜೈಲಿಗೆ ಕಳಿಸೋದಾಗಿ ಹೇಳಿದ್ದಾರೆ. ಬುಕ್ಸಾರ್‌ನಲ್ಲಿ ಲೋಕ ಜನಶಕ್ತಿ ಪಕ್ಷದ ಅಭ್ಯರ್ಥಿ ಪರ ಪ್ರಚಾರ ನಡೆಸುವ ವೇಳೆ ಜೆಡಿಯು ನಾಯಕ ಹಾಗೂ ಬಿಹಾರ ಸಿಎಂ ನಿತೀಶ್ ಕುಮಾರ್ ವಿರುದ್ಧ ವಾಗ್ದಾಳಿ ನಡೆಸಿದ ಚಿರಾಗ್ ಪಾಸ್ವಾನ್, ಬಿಹಾರ ರಾಜ್ಯ ಸರ್ಕಾರಕ್ಕೆ ಹಲವು ಸವಾಲುಗಳನ್ನು ಎಸೆದರು.

ಬಿಹಾರದಲ್ಲಿ ಮದ್ಯ ನಿಷೇಧ ವಿಫಲವಾಗಿದೆ ಎಂದು ಹರಿಹಾಯ್ದ ಚಿರಾಗ್ ಪಾಸ್ವಾನ್, ಅಕ್ರಮ ಮದ್ಯ ಮಾರಾಟ ರಾಜ್ಯಾದ್ಯಂತ ನಡೆಯುತ್ತಿದ್ದು, ನಿತೀಶ್ ಕುಮಾರ್ ಸರ್ಕಾರ ಕಿಕ್ ಬ್ಯಾಕ್ ಪಡೆಯುತ್ತಿದೆ ಎಂದು ಚಿರಾಗ್ ಪಾಸ್ವಾನ್ ಆರೋಪಿಸಿದರು.

ನಿತೀಶ್ ಮುಕ್ತ ಬಿಹಾರ ಸರ್ಕಾರಕ್ಕಾಗಿ ಹಾಗೂ ಬಿಹಾರ ಮೊದಲು ಎಂಬ ಅಭಿಯಾನಕ್ಕೆ ಬಲ ನೀಡಲು ಎಲ್‌ಜೆಪಿಗೆ ಮತ ಹಾಕುವಂತೆ ಕರೆ ನೀಡಿದ ಚಿರಾಗ್ ಪಾಸ್ವಾನ್, ಎಲ್‌ಜೆಪಿ ಅಭ್ಯರ್ಥಿಗಳು ಇಲ್ಲದ ಕಡೆ ಬಿಜೆಪಿಗೆ ಮತ ಹಾಕುವಂತೆ ಮನವಿ ಮಾಡಿದ್ದಾರೆ.

ಕಾಂಗ್ರೆಸ್-ಆರ್‌ಜೆಡಿಗೆ 'ಧಾರ್ಮಿಕ ಮೂಲಭೂತವಾದ' ಕುರಿತ ಸವಾಲೆಸೆದ ಬಿಜೆಪಿ..!

ಎನ್‌ಡಿಎಯಿಂದ ಹೊರಬಂದಿದ್ದರೂ ಕೂಡಾ ಚಿರಾಗ್ ಪಾಸ್ವಾನ್ ತಮ್ಮನ್ನು ತಾವು ಮೋದಿಯವರ ಅನುಯಾಯಿ ಹನುಮಂತ ಎಂದೇ ಹೇಳಿಕೊಳ್ಳುತ್ತಾರೆ.

ಬಿಹಾರ ಅಖಾಡದಲ್ಲಿ ಭಾವನಾತ್ಮಕ ಕ್ಷಣ: ಪಾಸ್ವಾನ್ ಸಾಧನೆ ಕೊಂಡಾಡಿದ ಪ್ರಧಾನಿಗೆ ಚಿರಾಗ್ ಧನ್ಯವಾದ

ಅಕ್ಟೋಬರ್ 28, ನವೆಂಬರ್ 3 ಹಾಗೂ ನವೆಂಬರ್ 7ರಂದು ಬಿಹಾರದಲ್ಲಿ ಮೂರು ಹಂತಗಳಲ್ಲಿ ಮತದಾನ ನಡೆಯಲಿದ್ದು, ನವೆಂಬರ್ 10ರಂದು ಫಲಿತಾಂಶ ಪ್ರಕಟವಾಗಲಿದೆ.

ಬಿಹಾರದಲ್ಲಿ ನಕ್ಸಲ್ ಚಳವಳಿಗೆ ಅವಕಾಶ ನೀಡಿ, ಅಭಿವೃದ್ಧಿ ವಂಚಿತ ಮಾಡಿದ ಮಹಾಘಟಬಂಧನ: ಪ್ರಧಾನಿ ವಾಗ್ದಾಳಿ