ಬಿಹಾರ ಚುನಾವಣೆ: ಸಮೀಕ್ಷೆಯಲ್ಲಿ ಬಿಜೆಪಿಗೆ ಹೆಚ್ಚು ಸ್ಥಾನ, ಕುತೂಹಲ ಮೂಡಿಸಿದ ಜನಾಭಿಪ್ರಾಯ

ಬಿಹಾರ: ಬಿಹಾರದಲ್ಲಿ ಎನ್‌ಡಿಎ ನಿಚ್ಚಳ ಬಹುಮತ ಸಾಧಿಸಲಿದ್ದು, ಬಿಜೆಪಿ ಅತಿ ಹೆಚ್ಚು ಸ್ಥಾನ ಗಳಿಸಿದ ಪಕ್ಷವಾಗಿ ಹೊರಹೊಮ್ಮಲಿದೆ ಎಂದು ಟೈಮ್ಸ್‌ ನೌ- ಸಿ ವೋಟರ್‌ ಸಮೀಕ್ಷೆ ತಿಳಿಸಿದೆ. ಬಿಹಾರದ ಎಲ್ಲ 243 ವಿಧಾನಸಭಾ ಕ್ಷೇತ್ರಗಳಲ್ಲಿ ನಡೆಸಲಾದ ಚುನಾವಣಾ ಪೂರ್ವ ಸಮೀಕ್ಷೆಯು ಜನಾಭಿಪ್ರಾಯ ಎನ್‌ಡಿಎ ಪರವಾಗಿ ಇರುವ ಸೂಚನೆ ನೀಡಿದೆ.

ನಿತೀಶ್‌ ನೇತೇತ್ವದಲ್ಲೇ ಚುನಾವಣೆ ಎಂದು ಬಿಜೆಪಿ ಘೋಷಿಸಿರುವುದರಿಂದ ಫಲಿತಾಂಶದ ಅದೇ ನಿಲುವಿಗೆ ಪಕ್ಷ ಬದ್ಧವಾಗಿರುತ್ತದೆಯೇ ಎನ್ನುವ ಕುತೂಹಲ ಮೂಡಿದೆ.

ಯಾರಿಗೆಷ್ಟು ಸ್ಥಾನ?

ಎನ್‌ಡಿಎ 160

(ಬಿಜೆಪಿ 85, ಜೆಡಿಯು 70, ಇತರರು 5)

ಮಹಾ ಘಟಬಂಧನ್‌ 76

(ಆರ್‌ಜೆಡಿ 56, ಕಾಂಗ್ರೆಸ್‌ 15,ಇತರರು 5)

ಇತರರು 7

ಒಟ್ಟು ಸ್ಥಾನ 243