ಶೆಲ್ಟರ್‌ ಹೋಂ ಹೆಸರಲ್ಲಿ ಬಾಲಕಿಯರ ಗ್ಯಾಂಗ್ ರೇಪ್: ಬಿಹಾರದ 19 ಕಿರಾತಕರ ಮೇಲಿನ ಆರೋಪ ಸಾಬೀತು

ಹೊಸ ದಿಲ್ಲಿ: ಬಿಹಾರದ ಮುಜಾಫರ್‌ಪುರ ಜಿಲ್ಲೆಯ ಬಾಲಕಿಯರ ಶೆಲ್ಟರ್‌ ಹೋಂನಲ್ಲಿ ವಿದ್ಯಾರ್ಥಿನಿಯರ ಮೇಲೆ ನಡೆದ ಲೈಂಗಿಕ ಹಾಗೂ ದೈಹಿಕ ದೌರ್ಜನ್ಯ ಪ್ರಕರಣಕ್ಕೆ ಸಂಬಂಧಿಸಿದಂತೆ 19 ಮಂದಿಯನ್ನು ಅಪರಾಧಿಗಳು ಎಂದು ನ್ಯಾಯಾಲಯ ಘೋಷಿಸಿದೆ. ಪ್ರಮುಖ ಆರೋಪಿ ಬ್ರಜೇಶ್ ಠಾಕೂರ್‌ನನ್ನು ಪ್ರಮುಖ ಆರೋಪಿ ಎಂದು ನ್ಯಾಯಾಲಯ ಹೇಳಿದೆ. ಈತನೂ ಸೇರಿದಂತೆ ಎಲ್ಲಾ 19 ಅಪರಾಧಿಗಳ ವಿರುದ್ಧ ವಿರುದ್ಧ ಪೋಸ್ಕೋ ಕಾಯ್ದೆಯಡಿ ಸಾಮೂಹಿಕ ಅತ್ಯಾಚಾರ ಆರೋಪ ಸಾಬೀತಾಗಿದ್ದು, ಓರ್ವ ಆರೋಪಿಯನ್ನು ನ್ಯಾಯಾಲಯ ಖುಲಾಸೆಗೊಳಿಸಿದೆ.

ಬಿಹಾರ ಪೀಪಲ್ ಪಾರ್ಟಿಯ ಮಾಜಿ ಶಾಸಕನಾಗಿರುವ ಬ್ರಜೇಶ್ ಠಾಕೂರ್, ಶೆಲ್ಟರ್ ಹೋಂ ನಡೆಸುತ್ತಿದ್ದ. ಇಲ್ಲಿ ನೆಲೆಸಿದ್ದ ಹಲವು ಬಾಲಕಿಯರ ಮೇಲೆ ಈತ ತನ್ನ ಸಹಚರರ ಜೊತೆ ಅತ್ಯಾಚಾರ ಎಸಗಿದ್ದ ಹಾಗೂ ದೈಹಿಕ ಹಲ್ಲೆಯನ್ನೂ ನಡೆಸಿದ್ದ. ಇದೀಗ ಎಲ್ಲರ ವಿರುದ್ಧದ ಗ್ಯಾಂಗ್ ರೇಪ್ ಆರೋಪ ಪೋಸ್ಕೋ ಕಾಯ್ದೆಯಡಿ ಸಾಬೀತಾಗಿದೆ.

ಏನಿದು ಪ್ರಕರಣ..?

ಟಾಟಾ ಇನ್ಸ್ಟಿಟ್ಯೂಟ್ ಆಫ್ ಸೋಷಿಯಲ್ ಸೈನ್ಸ್‌ ನಡೆಸಿದ ಸಮೀಕ್ಷಾ ವರದಿ ಮೇ 26, 2018ರಲ್ಲಿ ಬಿಹಾರ ಸರ್ಕಾರಕ್ಕೆ ಸಲ್ಲಿಕೆಯಾಯ್ತು. ಈ ವರದಿಯಲ್ಲಿ ಶೆಲ್ಟರ್‌ ಹೋಂ ಹೆಸರಲ್ಲಿ ನಡೆಯುತ್ತಿರುವ ದೌರ್ಜನ್ಯವನ್ನು ವಿವರಿಸಲಾಗಿತ್ತು. ಕೂಡಲೇ ಎಚ್ಚೆತ್ತ ಬಿಹಾರ ಸರ್ಕಾರ ಮೇ 29, 2018ರಲ್ಲಿ ಶೆಲ್ಟರ್‌ ಹೋಂನಲ್ಲಿದ್ದ ಎಲ್ಲಾ ಬಾಲಕಿಯರನ್ನೂ ಬೇರೆಡೆಗೆ ಸ್ಥಳಾಂತರಿಸುವಂತೆ ಆದೇಶ ನೀಡಿತ್ತು. ಬಾಲಕಿಯರಿಗೆ ಸೂಕ್ತ ರಕ್ಷಣೆ ನೀಡಲು ಕ್ರಮ ಕೈಗೊಂಡಿತ್ತು. ಮೇ 31, 2018ರಂದು 11 ಆರೋಪಿಗಳ ವಿರುದ್ಧ ಎಫ್‌ಐಆರ್ ದಾಖಲಾಗಿತ್ತು. ಬಳಿಕ ಸುಪ್ರೀಂ ಕೋರ್ಟ್‌ ಪ್ರಕರಣ ತನಿಖೆಯನ್ನು ಸಿಬಿಐಗೆ ವಹಿಸಿತ್ತು.

ಸ್ಟಾರ್‌ ನಟನ ಸಿನೆಮಾದಲ್ಲಿ ತಂಗಿ ಪಾತ್ರ..! ನಂಬಿ ಬಂದ ಯುವತಿಗೆ ಲೈಂಗಿಕ ದೌರ್ಜನ್ಯ ಎಸಗಿದ ಡ್ಯಾನ್ಸ್‌ ಮಾಸ್ಟರ್