ಪಟನಾ: ಎರಡು ಮಕ್ಕಳ ತಾಯಿ, ತನ್ನ ಗಂಡನ ಸಹೋದರಿ ಜತೆಯೇ ಮದುವೆಯಾಗಿರುವ ವಿಚಿತ್ರ ಮತ್ತು ಕುತೂಹಲಕಾರಿ ಘಟನೆ ಬಿಹಾರದಲ್ಲಿ ನಡೆದಿದೆ. ತನ್ನ 'ಜೀವನ ಸಂಗಾತಿ'ಯನ್ನು ಅತ್ತೆ ಮಾವ ಅಪಹರಣ ಮಾಡಿದ್ದಾರೆ ಎಂದು ಮಹಿಳೆ ಸ್ಥಳೀಯ ಪೊಲೀಸರಿಗೆ ದೂರು ನೀಡಿದ್ದಾಳೆ. ಈ ಬಗ್ಗೆ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.
ಪ್ರಮೋದ್ ಮತ್ತು ಶುಕ್ಲಾ ದೇವಿ ದಂಪತಿ 10 ವರ್ಷಗಳ ಹಿಂದೆ ಮದುವೆಯಾಗಿದ್ದರು. ಅವರಿಗೆ ಇಬ್ಬರು ಮಕ್ಕಳು ಕೂಡ ಇದ್ದಾರೆ. ಆದರೆ ಸುಮಾರು ಆರು ತಿಂಗಳ ಹಿಂದೆ, ಶುಕ್ಲಾ ದೇವಿ ತನ್ನ ನಾದಿನಿಯನ್ನೇ ಮದುವೆಯಾಗಿ ಆಕೆಯ ಜತೆ ವಾಸಿಸಲು ಆರಂಭಿಸಿದ್ದಾಳೆ. ಈ ಮೂಲಕ ಎಲ್ಲ ಸಂಪ್ರದಾಯ, ರೀತಿ ರಿವಾಜುಗಳಿಗೆ ಬಹಿರಂಗ ಸವಾಲು ಹಾಕಿದ್ದಾಳೆ.
"ನಾವಿಬ್ಬರೂ ಒಬ್ಬರನ್ನೊಬ್ಬರು ಪರಸ್ಪರ ಪ್ರೀತಿಸುತ್ತಿದ್ದೆವು. ಹೀಗಾಗಿ ನಾವು ಮದುವೆಯಾಗಿದ್ದೇವೆ" ಎಂದು ಶುಕ್ಲಾ ದೇವಿ ಸುದ್ದಿಗಾರರ ಮುಂದೆ ಹೇಳಿದ್ದಾರೆ.
ಈಗಾಗಲೇ ಮದುವೆಯಾಗಿ ಗಂಡ ಇರುವಾಗ ಯುವತಿಯನ್ನು ಮದುವೆಯಾಗಿರುವುದು ಏಕೆ ಎಂದು ಮಾಧ್ಯಮದವರ ಪ್ರಶ್ನೆಗೆ ಕಿಡಿಕಿಡಿಯಾದ ಶುಕ್ಲಾ ದೇವಿ, "ಆತ ನನ್ನ ಗಂಡ ಆಗಿದ್ದರೆ ಏನಂತೆ? ಎಲ್ಲಿ ಪ್ರೀತಿ ಇರುತ್ತದೆಯೋ ನಾವು ಅಲ್ಲಿ ಉಳಿದುಕೊಳ್ಳುತ್ತೇವೆ. ನಾವಿಬ್ಬರೂ ಮದುವೆಯಾದ ನಂತರ ಬಹಳ ಖುಷಿಯಾಗಿದ್ದೇವೆ" ಎಂದು ಹೇಳಿದ್ದಾಳೆ.
"ಪ್ರೀತಿಯ ಮನೆಯೆಂದರೆ ಅದು ಹೃದಯ ಎಂದು ನಂಬಿದ್ದೇನೆ. ನಾವಿಬ್ಬರೂ ನಮ್ಮ ಹೃದಯದ ಆಳದಿಂದ ಪರಸ್ಪರ ಪ್ರೀತಿಸುತ್ತೇವೆ. ನಮ್ಮ ಹೃದಯದಲ್ಲಿ ಪರಿಶುದ್ಧ ಪ್ರೀತಿಯಲ್ಲದೆ ಹೊರತು ಬೇರೇನೂ ಇಲ್ಲ. ಸೋನಿ ಬಹಳ ಒಳ್ಳೆಯ ಗೆಳತಿ" ಎಂದು ತಿಳಿಸಿದ್ದಾಳೆ.
ತನ್ನ ಪತ್ನಿ ಮತ್ತು ತಂಗಿಯ ಈ 'ಸಂಸಾರ'ಕ್ಕೆ ತನ್ನ ಆಕ್ಷೇಪವಿಲ್ಲ ಎಂದು ಶುಕ್ಲಾ ದೇವಿ ಪತಿ ದಾಸ್ ತಿಳಿಸಿದ್ದಾನೆ. "ಅವಳು ಖುಷಿಯಾಗಿದ್ದರೆ ನಾನೂ ಸಂತಸದಿಂದ ಇರುತ್ತೇನೆ. ನನ್ನ ಹೆಂಡತಿಗೆ ನನ್ನ ತಂಗಿ ಮೇಲೆ ಪ್ರೀತಿ ಮೂಡಿತ್ತು. ಅದಾದ ಬಳಿಕ ಅವರಿಬ್ಬರೂ ಜತೆಯಾಗಿ ವಾಸಿಸಲು ಆರಂಭಿಸಿದ್ದಾರೆ" ಎಂದು ಹೇಳಿದ್ದಾನೆ.
ಗಂಡಿನಂತೆ ಬದಲಾದ ಶುಕ್ಲಾ ದೇವಿ
ಈ ಪ್ರಕರಣ ಇಬ್ಬರೂ ಮಹಿಳೆಯರು ಮದುವೆಯಾಗಿ, ಒಟ್ಟಿಗೆ ಸಂಸಾರ ಮಾಡುತ್ತಿರುವುದಕ್ಕೆ ಸೀಮಿತವಾಗಿಲ್ಲ. ಶುಕ್ಲಾ ದೇವಿ ತನ್ನ ಹೆಸರನ್ನು ಗಂಡಸಿನ ಹೆಸರನ್ನಾಗಿ ಬದಲಿಸಿಕೊಂಡಿದ್ದಾಳೆ. 'ನಾನು ಅವಳಲ್ಲ ಅವನು' ಎನ್ನುತ್ತಿರುವ ಆಕೆಯ ಈಗಿನ ಹೆಸರು ಸೂರಜ್ ಕುಮಾರ್. ಜತೆಗೆ ಸೋನುವಿಗೆ ತಾನು 'ಗಂಡ'ನೆಂಬ ಭಾವನೆ ಬರಲು ಕೂದಲನ್ನು ಸಣ್ಣದಾಗಿ ಕತ್ತರಿಸಿಕೊಂಡಿದ್ದಾಳೆ. ಗಂಡಸರಂತೆ ಉಡುಪುಗಳನ್ನು ಧರಿಸುತ್ತಿದ್ದಾಳೆ.
ಇಷ್ಟೇ ಅಲ್ಲ, ಲಿಂಗ ಪರಿವರ್ತನೆಗೂ ಶುಕ್ಲಾ ದೇವಿ ಚಿಂತನೆ ನಡೆಸಿದ್ದಳು. ಅದಕ್ಕಾಗಿ ಪ್ರಕ್ರಿಯೆ ಹೇಗೆ ಇರುತ್ತದೆ ಎಂದೆಲ್ಲ ಅಧ್ಯಯನ ಮಾಡಲು ಆರಂಭಿಸಿದ್ದಳು. ಆದರೆ ಲಿಂಗ ಪರಿವರ್ತನೆಗೆ ಕೆಲವು ಸರ್ಜರಿಗಳಿಗೆ ಒಳಗಾಗಬೇಕಾಗುತ್ತದೆ ಎಂಬುದನ್ನು ಕೆಲವು ವಿಡಿಯೋಗಳ ಮೂಲಕ ತಿಳಿದಾಗ ಆಕೆಯಲ್ಲಿ ಭಯ ಮೂಡಿತ್ತು. ಹೀಗಾಗಿ ಆ ಯೋಜನೆಯನ್ನು ಕೈಬಿಟ್ಟಿದ್ದಾಳೆ.
ಗಂಡನ ಮನೆಯವರ ವಿರುದ್ಧ ದೂರು
ಶುಕ್ಲಾ ಮತ್ತು ಸೋನು ಇಬ್ಬರೂ ಪ್ರತ್ಯೇಕವಾಗಿ ಮನೆ ಮಾಡಿಕೊಂಡು 'ಸುಖ ಸಂಸಾರ' ನಡೆಸುತ್ತಿದ್ದರು. ಆದರೆ ಸೋನುವಿನ ತಂದೆ ತಾಯಿ, ಅವರಿದ್ದ ಜಾಗಕ್ಕೆ ಬಂದು ಆಕೆಯನ್ನು ಬಲವಂತವಾಗಿ ಎಳೆದುಕೊಂಡು ಹೋಗಿದ್ದಾರಂತೆ. ಇದರಿಂದ ಕೋಪಗೊಂಡ ಶುಕ್ಲಾ ದೇವಿ, ಗಂಡನ ಮನೆಯವರ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾಳೆ. ಪೊಲೀಸ್ ಪ್ರಕರಣದಿಂದಾಗಿ ಇದು ಬೆಳಕಿಗೆ ಬಂದಿದೆ.
"ನಮಗೆ ಈ ಘಟನೆಯ ಬಗ್ಗೆ ಮಾಹಿತಿ ಇದೆ. ಪ್ರಕರಣದ ತನಿಖೆ ನಡೆಸುವಂತೆ ಮಹಿಳಾ ಅಧಿಕಾರಿಗೆ ಸೂಚಿಸಲಾಗಿದೆ. ವರದಿ ಆಧಾರದಲ್ಲಿ ನಾವು ಕ್ರಮ ಕೈಗೊಳ್ಳಲಿದ್ದೇವೆ" ಎಂದು ರೋಸೆರಾ ಪೊಲೀಸ್ ಠಾಣೆಯ ಇನ್‌ಸ್ಪೆಕ್ಟರ್ ಕೃಷ್ಣ ಪ್ರಸಾದ್ ಮಂಗಳವಾರ ತಿಳಿಸಿದ್ದಾರೆ.
ಇಡೀ ಪ್ರಕರಣ ವಿವಾದಾತ್ಮಕವಾಗಿ ಕಾಣಿಸುತ್ತಿದೆ. ಔಪಚಾರಿಕ ತನಿಖೆ ನಡೆಸಿದರೆ ಸಾಕು ಸತ್ಯ ಹೊರಗೆ ಬರಲಿದೆ ಎಂದು ಅವರು ಹೇಳಿದ್ದಾರೆ.
ಪ್ರಮೋದ್ ಮತ್ತು ಶುಕ್ಲಾ ದೇವಿ ದಂಪತಿ 10 ವರ್ಷಗಳ ಹಿಂದೆ ಮದುವೆಯಾಗಿದ್ದರು. ಅವರಿಗೆ ಇಬ್ಬರು ಮಕ್ಕಳು ಕೂಡ ಇದ್ದಾರೆ. ಆದರೆ ಸುಮಾರು ಆರು ತಿಂಗಳ ಹಿಂದೆ, ಶುಕ್ಲಾ ದೇವಿ ತನ್ನ ನಾದಿನಿಯನ್ನೇ ಮದುವೆಯಾಗಿ ಆಕೆಯ ಜತೆ ವಾಸಿಸಲು ಆರಂಭಿಸಿದ್ದಾಳೆ. ಈ ಮೂಲಕ ಎಲ್ಲ ಸಂಪ್ರದಾಯ, ರೀತಿ ರಿವಾಜುಗಳಿಗೆ ಬಹಿರಂಗ ಸವಾಲು ಹಾಕಿದ್ದಾಳೆ.
"ನಾವಿಬ್ಬರೂ ಒಬ್ಬರನ್ನೊಬ್ಬರು ಪರಸ್ಪರ ಪ್ರೀತಿಸುತ್ತಿದ್ದೆವು. ಹೀಗಾಗಿ ನಾವು ಮದುವೆಯಾಗಿದ್ದೇವೆ" ಎಂದು ಶುಕ್ಲಾ ದೇವಿ ಸುದ್ದಿಗಾರರ ಮುಂದೆ ಹೇಳಿದ್ದಾರೆ.
ಈಗಾಗಲೇ ಮದುವೆಯಾಗಿ ಗಂಡ ಇರುವಾಗ ಯುವತಿಯನ್ನು ಮದುವೆಯಾಗಿರುವುದು ಏಕೆ ಎಂದು ಮಾಧ್ಯಮದವರ ಪ್ರಶ್ನೆಗೆ ಕಿಡಿಕಿಡಿಯಾದ ಶುಕ್ಲಾ ದೇವಿ, "ಆತ ನನ್ನ ಗಂಡ ಆಗಿದ್ದರೆ ಏನಂತೆ? ಎಲ್ಲಿ ಪ್ರೀತಿ ಇರುತ್ತದೆಯೋ ನಾವು ಅಲ್ಲಿ ಉಳಿದುಕೊಳ್ಳುತ್ತೇವೆ. ನಾವಿಬ್ಬರೂ ಮದುವೆಯಾದ ನಂತರ ಬಹಳ ಖುಷಿಯಾಗಿದ್ದೇವೆ" ಎಂದು ಹೇಳಿದ್ದಾಳೆ.
"ಪ್ರೀತಿಯ ಮನೆಯೆಂದರೆ ಅದು ಹೃದಯ ಎಂದು ನಂಬಿದ್ದೇನೆ. ನಾವಿಬ್ಬರೂ ನಮ್ಮ ಹೃದಯದ ಆಳದಿಂದ ಪರಸ್ಪರ ಪ್ರೀತಿಸುತ್ತೇವೆ. ನಮ್ಮ ಹೃದಯದಲ್ಲಿ ಪರಿಶುದ್ಧ ಪ್ರೀತಿಯಲ್ಲದೆ ಹೊರತು ಬೇರೇನೂ ಇಲ್ಲ. ಸೋನಿ ಬಹಳ ಒಳ್ಳೆಯ ಗೆಳತಿ" ಎಂದು ತಿಳಿಸಿದ್ದಾಳೆ.
ತನ್ನ ಪತ್ನಿ ಮತ್ತು ತಂಗಿಯ ಈ 'ಸಂಸಾರ'ಕ್ಕೆ ತನ್ನ ಆಕ್ಷೇಪವಿಲ್ಲ ಎಂದು ಶುಕ್ಲಾ ದೇವಿ ಪತಿ ದಾಸ್ ತಿಳಿಸಿದ್ದಾನೆ. "ಅವಳು ಖುಷಿಯಾಗಿದ್ದರೆ ನಾನೂ ಸಂತಸದಿಂದ ಇರುತ್ತೇನೆ. ನನ್ನ ಹೆಂಡತಿಗೆ ನನ್ನ ತಂಗಿ ಮೇಲೆ ಪ್ರೀತಿ ಮೂಡಿತ್ತು. ಅದಾದ ಬಳಿಕ ಅವರಿಬ್ಬರೂ ಜತೆಯಾಗಿ ವಾಸಿಸಲು ಆರಂಭಿಸಿದ್ದಾರೆ" ಎಂದು ಹೇಳಿದ್ದಾನೆ.
ಗಂಡಿನಂತೆ ಬದಲಾದ ಶುಕ್ಲಾ ದೇವಿ
ಈ ಪ್ರಕರಣ ಇಬ್ಬರೂ ಮಹಿಳೆಯರು ಮದುವೆಯಾಗಿ, ಒಟ್ಟಿಗೆ ಸಂಸಾರ ಮಾಡುತ್ತಿರುವುದಕ್ಕೆ ಸೀಮಿತವಾಗಿಲ್ಲ. ಶುಕ್ಲಾ ದೇವಿ ತನ್ನ ಹೆಸರನ್ನು ಗಂಡಸಿನ ಹೆಸರನ್ನಾಗಿ ಬದಲಿಸಿಕೊಂಡಿದ್ದಾಳೆ. 'ನಾನು ಅವಳಲ್ಲ ಅವನು' ಎನ್ನುತ್ತಿರುವ ಆಕೆಯ ಈಗಿನ ಹೆಸರು ಸೂರಜ್ ಕುಮಾರ್. ಜತೆಗೆ ಸೋನುವಿಗೆ ತಾನು 'ಗಂಡ'ನೆಂಬ ಭಾವನೆ ಬರಲು ಕೂದಲನ್ನು ಸಣ್ಣದಾಗಿ ಕತ್ತರಿಸಿಕೊಂಡಿದ್ದಾಳೆ. ಗಂಡಸರಂತೆ ಉಡುಪುಗಳನ್ನು ಧರಿಸುತ್ತಿದ್ದಾಳೆ.
ಇಷ್ಟೇ ಅಲ್ಲ, ಲಿಂಗ ಪರಿವರ್ತನೆಗೂ ಶುಕ್ಲಾ ದೇವಿ ಚಿಂತನೆ ನಡೆಸಿದ್ದಳು. ಅದಕ್ಕಾಗಿ ಪ್ರಕ್ರಿಯೆ ಹೇಗೆ ಇರುತ್ತದೆ ಎಂದೆಲ್ಲ ಅಧ್ಯಯನ ಮಾಡಲು ಆರಂಭಿಸಿದ್ದಳು. ಆದರೆ ಲಿಂಗ ಪರಿವರ್ತನೆಗೆ ಕೆಲವು ಸರ್ಜರಿಗಳಿಗೆ ಒಳಗಾಗಬೇಕಾಗುತ್ತದೆ ಎಂಬುದನ್ನು ಕೆಲವು ವಿಡಿಯೋಗಳ ಮೂಲಕ ತಿಳಿದಾಗ ಆಕೆಯಲ್ಲಿ ಭಯ ಮೂಡಿತ್ತು. ಹೀಗಾಗಿ ಆ ಯೋಜನೆಯನ್ನು ಕೈಬಿಟ್ಟಿದ್ದಾಳೆ.
ಗಂಡನ ಮನೆಯವರ ವಿರುದ್ಧ ದೂರು
ಶುಕ್ಲಾ ಮತ್ತು ಸೋನು ಇಬ್ಬರೂ ಪ್ರತ್ಯೇಕವಾಗಿ ಮನೆ ಮಾಡಿಕೊಂಡು 'ಸುಖ ಸಂಸಾರ' ನಡೆಸುತ್ತಿದ್ದರು. ಆದರೆ ಸೋನುವಿನ ತಂದೆ ತಾಯಿ, ಅವರಿದ್ದ ಜಾಗಕ್ಕೆ ಬಂದು ಆಕೆಯನ್ನು ಬಲವಂತವಾಗಿ ಎಳೆದುಕೊಂಡು ಹೋಗಿದ್ದಾರಂತೆ. ಇದರಿಂದ ಕೋಪಗೊಂಡ ಶುಕ್ಲಾ ದೇವಿ, ಗಂಡನ ಮನೆಯವರ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾಳೆ. ಪೊಲೀಸ್ ಪ್ರಕರಣದಿಂದಾಗಿ ಇದು ಬೆಳಕಿಗೆ ಬಂದಿದೆ.
"ನಮಗೆ ಈ ಘಟನೆಯ ಬಗ್ಗೆ ಮಾಹಿತಿ ಇದೆ. ಪ್ರಕರಣದ ತನಿಖೆ ನಡೆಸುವಂತೆ ಮಹಿಳಾ ಅಧಿಕಾರಿಗೆ ಸೂಚಿಸಲಾಗಿದೆ. ವರದಿ ಆಧಾರದಲ್ಲಿ ನಾವು ಕ್ರಮ ಕೈಗೊಳ್ಳಲಿದ್ದೇವೆ" ಎಂದು ರೋಸೆರಾ ಪೊಲೀಸ್ ಠಾಣೆಯ ಇನ್‌ಸ್ಪೆಕ್ಟರ್ ಕೃಷ್ಣ ಪ್ರಸಾದ್ ಮಂಗಳವಾರ ತಿಳಿಸಿದ್ದಾರೆ.
ಇಡೀ ಪ್ರಕರಣ ವಿವಾದಾತ್ಮಕವಾಗಿ ಕಾಣಿಸುತ್ತಿದೆ. ಔಪಚಾರಿಕ ತನಿಖೆ ನಡೆಸಿದರೆ ಸಾಕು ಸತ್ಯ ಹೊರಗೆ ಬರಲಿದೆ ಎಂದು ಅವರು ಹೇಳಿದ್ದಾರೆ.