ಸ್ವಂತ ಬಲದಿಂದ ಬಿಜೆಪಿಗೆ ಬಹುಮತ: ಪ್ರಧಾನಿ ಮೋದಿ

ಹೊಸದಿಲ್ಲಿ: ಉತ್ತರ ಪ್ರದೇಶದಲ್ಲಿ ಬಿಜೆಪಿ ಭಾರೀ ಬಹುಮತದಿಂದ ಗೆಲ್ಲುವುದು ನಿಶ್ಚಿತ ಎಂದು ಪ್ರಧಾನಿ ನರೇಂದ್ರ ಮೋದಿ ಭವಿಷ್ಯ ನುಡಿದಿದ್ದಾರೆ. ಆಡಳಿತರೂಢ ಸಮಾಜವಾದಿ ಪಕ್ಷ ಮತ್ತು ಪ್ರತಿಪಕ್ಷ ಬಹುಜನ ಸಮಾಜ ಪಕ್ಷಗಳಿಗೆ ಸೋಲು ಖಚಿತವಾಗಿರುವುದರಿಂದಲೇ ಅವುಗಳು ಬಿಜೆಪಿ ವಿರುದ್ಧ ಒಟ್ಟಾಗಿ ಮುಗಿಬೀಳುತ್ತಿವೆ ಎಂದು ಪ್ರಧಾನಿ ಆರೋಪಿಸಿದರು.

'ಮೂರನೇ ಹಂತದ ಮತದಾನದ ಬಳಿಕ ಎಸ್‌ಪಿ ಮತ್ತು ಬಿಎಸ್‌ಪಿಗಳಿಗೆ ಸೋಲು ಖಚಿತವೆಂಬ ಭೀತಿ ಉಂಟಾಗಿದ್ದು, ಕುದುರೆ ವ್ಯಾಪಾರದ ಮೂಲಕ ಲಾಭ ಮಾಡಿಕೊಳ್ಳುವ ಉದ್ದೇಶದಿಂದ ಯಾರಿಗೂ ಬಹುಮತ ಬಾರದಿರಲಿ ಎಂದು ಹವಣಿಸುತ್ತಿವೆ' ಎಂದು ಚುನಾವಣೆ ರ‍್ಯಾಲಿಯಲ್ಲಿ ಪ್ರಧಾನಿ ನುಡಿದರು.

ಎಸ್‌ಪಿ-ಕಾಂಗ್ರೆಸ್‌ ಮೈತ್ರಿಕೂಟ ಮುಳುಗುವ ಹಡಗು ಎಂದು ಬಣ್ಣಿಸಿದ ಮೋದಿ, ಹಲವಾರು ವರ್ಷಗಳ ಕಾಲ ರಾಜ್ಯದ ಅಭಿವೃದ್ಧಿಯನ್ನು ಕಡೆಗಣಿಸಿದ್ದಕ್ಕೆ ಕಾಂಗ್ರೆಸ್,ಎಸ್‌ಪಿ ಮತ್ತು ಬಿಎಸ್ಪಿಯನ್ನು ಶಿಕ್ಷಿಸಿ ಎಂದು ಮತದಾರರಿಗೆ ಕರೆ ನೀಡಿದರು.

'ನಮ್ಮ ಮೈತ್ರಿಕೂಟದ ಪಾಲುದಾರರನ್ನು ಉತ್ತರ ಪ್ರದೇಶದಲ್ಲಿ ಬಿಜೆಪಿ ಸರಕಾರದ ಪಾಲುದಾರರಾಗಿ ಮಾಡಲಾಗುವುದು' ಎಂದು ಪ್ರಧಾನಿ ನುಡಿದರು.

ಉತ್ತರ ಪ್ರದೇಶದ ಪೂರ್ವಭಾಗದ ಅಭಿವೃದ್ಧಿಗಾಗಿ ಸಮಿತಿಯೊಂದನ್ನು ನೆಹರೂ ರಚಿಸಿದ್ದರು. ಆದರೆ ಅದು ಸಲ್ಲಿಸಿದ ವರದಿಯನ್ನು ಮೂಲಗೆ ತಳ್ಳಿ 50 ವರ್ಷಗಳ ಕಾಲ ಕಾಂಗ್ರೆಸ್‌ ಆಡಳಿತ ಮಾಡಿತು. ಆದರೆ ನಾವು ಆ ವರದಿಯನ್ನು ಜಾರಿಗೆ ತರುವ ನಿಟ್ಟಿನಲ್ಲಿ ಕೆಲಸ ಆರಂಭಿಸಿದ್ದೇವೆ. ಎಸ್‌ಪಿ ಮತ್ತು ಬಿಎಸ್ಪಿ ಕೂಡ ಈ ನಿಟ್ಟಿನಲ್ಲಿ ಯಾವುದೇ ಕೆಲಸ ಮಾಡಿಲ್ಲ' ಎಂದು ಮೋದಿ ಟೀಕಿಸಿದರು.

'ನೀವು ಏನು ಬೇಕಾದರೂ ಮಾಡಿ. ಆದರೆ ಬಿಜೆಪಿಯನ್ನು ಸೋಲಿಸಲೇಬೇಕೆಂಬ ಏಕೈಕ ಉದ್ದೇಶವಿಟ್ಟುಕೊಂಡು ಉತ್ತರ ಪ್ರದೇಶದ ಭವಿಷ್ಯದ ಮೇಲೆ ಬರೆ ಎಳೆಯಬೇಡಿ. ಈಗಾಗಲೇ ರಾಜ್ಯ ಬಹಳಷ್ಟು ಬೆಲೆ ತೆತ್ತಿದೆ. ಅತಂತ್ರ ವಿಧಾನಸಭೆ ಆಗದಂತೆ ನೋಡಿಕೊಳ್ಳಿ. ನಾವು ಈ ಚುನಾವಣೆಯಲ್ಲಿ ಭಾರೀ ಬಹುಮತದೊಂದಿಗೆ ಜಯಗಳಿಸಲಿದ್ದೇವೆ' ಎಂದು ಮೋದಿ ಹೇಳಿದರು.

'ಮಾರ್ಚ್‌ 11ರ ಬಳಿಕ ಬಿಜೆಪಿ 'ವಿಜಯೀ ಹೋಳಿ' ಆಚರಿಸಲಿದೆ. ನಂತರ ಸರಕಾರ ರಚಿಸಲಿದ್ದು, ಮೊದಲ ಸಂಪುಟ ಸಭೆಯಲ್ಲೇ ರೈತರ ಸಾಲ ಮನ್ನಾ ನಿರ್ಧಾರ ಕೈಗೊಳ್ಳಲಾಗುವುದು' ಎಂದು ಮೋದಿ ಭರವಸೆ ನೀಡಿದರು.

BJP capable of winning majority on its own: PM Modi

NEW DELHI: Prime Minister Narendra Modi on Monday said "definite defeat" was staring at both the ruling Samajwadi Party (SP) in Uttar Pradesh and the opposition Bahujan Samaj Party (BSP) and predicted the BJP would win with "huge majority".