ಚಂಡೀಗಡ: ಬಿಜೆಪಿ ಸಂಸದ ವರುಣ್ ಗಾಂಧಿ ಅವರು ತಮ್ಮದೇ ಸರ್ಕಾರದ ವಿರುದ್ಧ ಮತ್ತೊಮ್ಮೆ ಗುಡುಗಿದ್ದಾರೆ. ತಮ್ಮ ಪಾಲಿನ ಪಡಿತರ ಪಡೆಯಲು ನ್ಯಾಯಬೆಲೆ ಅಂಗಡಿಗಳಿಗೆ ಹೋಗುವ ಜನರಿಗೆ ರಾಷ್ಟ್ರಧ್ವಜ ಖರೀದಿಗಾಗಿ 20 ರೂಪಾಯಿ ನೀಡುವಂತೆ ಬಲವಂತ ಮಾಡಲಾಗುತ್ತಿದೆ ಎಂಬ ಆರೋಪ ಮಾಡುವ ವಿಡಿಯೋಗೆ ಸಂಬಂಧಿಸಿದಂತೆ ವರುಣ್ ಗಾಂಧಿ, ಕೇಂದ್ರ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಪಡಿತರ ಅಂಗಡಿಯ ವಿಡಿಯೋ ವೈರಲ್ ಆಗಿದ್ದು, ಅನೇಕರು ಇದರ ಕುರಿತು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
"ಪಡಿತರ ಚೀಟಿ ಹೊಂದಿರುವವರಿಗೆ ರಾಷ್ಟ್ರಧ್ವಜ ಖರೀದಿ ಮಾಡುವಂತೆ ಒತ್ತಾಯಿಸಲಾಗುತ್ತಿದೆ. ಅವರು ಅದನ್ನು ನಿರಾಕರಿಸಿದರೆ ಅವರಿಗೆ ಸಿಗಬೇಕಾದ ಧಾನ್ಯಗಳನ್ನು ಕೊಡಲು ಒಪ್ಪುತ್ತಿಲ್ಲ. ಬಡವರ ಆಹಾರದ ರೊಟ್ಟಿಯನ್ನು ಕಸಿದುಕೊಳ್ಳುವ ಮೂಲಕ, ಪ್ರತಿ ಭಾರತೀಯನ ಹೃದಯದಲ್ಲಿ ಇರುವ ತ್ರಿವರ್ಣ ಧ್ವಜಕ್ಕೆ ದುಡ್ಡು ಪಡೆಯುತ್ತಿರುವುದು ನಾಚಿಕೆಗೇಡು" ಎಂದು ವರುಣ್ ಗಾಂಧಿ ಕಿಡಿಕಾರಿದ್ದಾರೆ.
ಹರ್ಯಾಣದ ಕರ್ನಲ್‌ನಲ್ಲಿ ಸುದ್ದಿ ವಾಹಿನಿಯೊಂದು ಸೆರೆಹಿಡಿದ ವಿಡಿಯೋದಲ್ಲಿ, ರಾಜ್ಯ ಸರ್ಕಾರಿ ಸ್ವಾಮ್ಯದ ಡಿಪೋದಲ್ಲಿ ಪಡಿತರ ಪಡೆಯಲು ಹೋದ ಬಡ ಜನರಿಗೆ, 20 ರೂ ಕೊಟ್ಟು ರಾಷ್ಟ್ರಧ್ವಜ ಖರೀದಿ ಮಾಡುವಂತೆ ಬಲವಂತ ಮಾಡಲಾಗುತ್ತಿದೆ ಎಂದು ಆರೋಪಿಸುವುದು ದಾಖಲಾಗಿತ್ತು.
ಪಡಿತರ ಖರೀದಿಸುವ ಪ್ರತಿ ವ್ಯಕ್ತಿಯೂ 20 ರೂ ಕೊಟ್ಟು ಧ್ವಜ ಖರೀದಿಸಿಬೇಕು ಮತ್ತು ಅದನ್ನು ತಮ್ಮ ಮನೆಯ ಮೇಲೆ ಹಾರಿಸಬೇಕು ಎಂದು ತಮಗೆ ಆದೇಶ ಬಂದಿದೆ ಎಂಬುದಾಗಿ ರೇಷನ್ ಡಿಪೋದ ಸಿಬ್ಬಂದಿಯೊಬ್ಬರು ಹೇಳಿದ್ದಾರೆ. "ರಾಷ್ಟ್ರಧ್ವಜ ಖರೀದಿಸಲು ನಿರಾಕರಿಸುವ ಯಾರಿಗೂ ರೇಷನ್ ಕೊಡಬಾರದು ಎಂದು ನಮಗೆ ಸೂಚನೆ ಕೊಡಲಾಗಿದೆ. ನಮಗೆ ಕೊಟ್ಟ ಆದೇಶವನ್ನು ನಾವು ಪಾಲಿಸಬೇಕಿದೆ" ಎಂದು ತಿಳಿಸಿದ್ದಾರೆ.
ಈ ವಿಡಿಯೋ ವೈರಲ್ ಆದ ಬಳಿಕ ಡಿಪೋದ ಮಾಲೀಕನ ಪರವಾನಗಿಯನ್ನು ರದ್ದುಗೊಳಿಸಲಾಗಿದೆ. ಜನರ ದಾರಿತಪ್ಪಿಸಿದ್ದಕ್ಕೆ ಡಿಪೋ ಮಾಲೀಕನ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ. ಇಂತಹ ಘಟನೆಗಳು ಎಲ್ಲಿಯೇ ಕಂಡುಬಂದರೂ ಆಡಳಿತಾಧಿಕಾರಿಗಳಿಗೆ ತಿಳಿಸುವಂತೆ ಅವರು ಜನರಿಗೆ ಮನವಿ ಮಾಡಿದ್ದಾರೆ. ಜನರ ಅನುಕೂಲತೆಗಾಗಿ ರೇಷನ್ ಡಿಪೋಗಳಲ್ಲಿ ರಾಷ್ಟ್ರಧ್ವಜ ಮಾರಾಟ ಮಾಡಲಾಗುತ್ತಿದೆ. ಅವರು ಬೇಕಿದ್ದರೆ ಮಾತ್ರ ಖರೀದಿ ಮಾಡಬಹುದು ಎಂದು ಸ್ಪಷ್ಟಪಡಿಸಿದ್ದಾರೆ.
ಪ್ರಿಯಾಂಕ್ ಖರ್ಗೆ ಆಕ್ರೋಶ
ಈ ವಿಡಿಯೋ ಟ್ವೀಟ್ ಮಾಡಿರುವ ಕಾಂಗ್ರೆಸ್ ನಾಯಕ ಪ್ರಿಯಾಂಕ್ ಖರ್ಗೆ, "ಬಡವರು ತ್ರಿವರ್ಣ ಧ್ವಜ ಖರೀದಿಸದೆ ಇದ್ದರೆ, ಕೆಲಸವಿಲ್ಲ, ಹಣವೂ ಇಲ್ಲ ಮತ್ತು ಪಡಿತರ ಕೂಡ ಇಲ್ಲ. ಯಾರ ಲಾಭಕ್ಕಾಗಿ ಮೋದಿ ಸರ್ಕಾರ ರಾಷ್ಟ್ರಧ್ವಜಕ್ಕೆ ಹಣ ವಸೂಲಿ ಮಾಡುತ್ತಿದೆ? ಖಂಡಿತವಾಗಿಯೂ ಇದು ಖಾದಿ ಕೈಗಾರಿಕೆಗೆ ಅಲ್ಲ" ಎಂದು ಕಿಡಿಕಾರಿದ್ದಾರೆ.
"ಪಡಿತರ ಚೀಟಿ ಹೊಂದಿರುವವರಿಗೆ ರಾಷ್ಟ್ರಧ್ವಜ ಖರೀದಿ ಮಾಡುವಂತೆ ಒತ್ತಾಯಿಸಲಾಗುತ್ತಿದೆ. ಅವರು ಅದನ್ನು ನಿರಾಕರಿಸಿದರೆ ಅವರಿಗೆ ಸಿಗಬೇಕಾದ ಧಾನ್ಯಗಳನ್ನು ಕೊಡಲು ಒಪ್ಪುತ್ತಿಲ್ಲ. ಬಡವರ ಆಹಾರದ ರೊಟ್ಟಿಯನ್ನು ಕಸಿದುಕೊಳ್ಳುವ ಮೂಲಕ, ಪ್ರತಿ ಭಾರತೀಯನ ಹೃದಯದಲ್ಲಿ ಇರುವ ತ್ರಿವರ್ಣ ಧ್ವಜಕ್ಕೆ ದುಡ್ಡು ಪಡೆಯುತ್ತಿರುವುದು ನಾಚಿಕೆಗೇಡು" ಎಂದು ವರುಣ್ ಗಾಂಧಿ ಕಿಡಿಕಾರಿದ್ದಾರೆ.
ಹರ್ಯಾಣದ ಕರ್ನಲ್‌ನಲ್ಲಿ ಸುದ್ದಿ ವಾಹಿನಿಯೊಂದು ಸೆರೆಹಿಡಿದ ವಿಡಿಯೋದಲ್ಲಿ, ರಾಜ್ಯ ಸರ್ಕಾರಿ ಸ್ವಾಮ್ಯದ ಡಿಪೋದಲ್ಲಿ ಪಡಿತರ ಪಡೆಯಲು ಹೋದ ಬಡ ಜನರಿಗೆ, 20 ರೂ ಕೊಟ್ಟು ರಾಷ್ಟ್ರಧ್ವಜ ಖರೀದಿ ಮಾಡುವಂತೆ ಬಲವಂತ ಮಾಡಲಾಗುತ್ತಿದೆ ಎಂದು ಆರೋಪಿಸುವುದು ದಾಖಲಾಗಿತ್ತು.
ಪಡಿತರ ಖರೀದಿಸುವ ಪ್ರತಿ ವ್ಯಕ್ತಿಯೂ 20 ರೂ ಕೊಟ್ಟು ಧ್ವಜ ಖರೀದಿಸಿಬೇಕು ಮತ್ತು ಅದನ್ನು ತಮ್ಮ ಮನೆಯ ಮೇಲೆ ಹಾರಿಸಬೇಕು ಎಂದು ತಮಗೆ ಆದೇಶ ಬಂದಿದೆ ಎಂಬುದಾಗಿ ರೇಷನ್ ಡಿಪೋದ ಸಿಬ್ಬಂದಿಯೊಬ್ಬರು ಹೇಳಿದ್ದಾರೆ. "ರಾಷ್ಟ್ರಧ್ವಜ ಖರೀದಿಸಲು ನಿರಾಕರಿಸುವ ಯಾರಿಗೂ ರೇಷನ್ ಕೊಡಬಾರದು ಎಂದು ನಮಗೆ ಸೂಚನೆ ಕೊಡಲಾಗಿದೆ. ನಮಗೆ ಕೊಟ್ಟ ಆದೇಶವನ್ನು ನಾವು ಪಾಲಿಸಬೇಕಿದೆ" ಎಂದು ತಿಳಿಸಿದ್ದಾರೆ.
ಈ ವಿಡಿಯೋ ವೈರಲ್ ಆದ ಬಳಿಕ ಡಿಪೋದ ಮಾಲೀಕನ ಪರವಾನಗಿಯನ್ನು ರದ್ದುಗೊಳಿಸಲಾಗಿದೆ. ಜನರ ದಾರಿತಪ್ಪಿಸಿದ್ದಕ್ಕೆ ಡಿಪೋ ಮಾಲೀಕನ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ. ಇಂತಹ ಘಟನೆಗಳು ಎಲ್ಲಿಯೇ ಕಂಡುಬಂದರೂ ಆಡಳಿತಾಧಿಕಾರಿಗಳಿಗೆ ತಿಳಿಸುವಂತೆ ಅವರು ಜನರಿಗೆ ಮನವಿ ಮಾಡಿದ್ದಾರೆ. ಜನರ ಅನುಕೂಲತೆಗಾಗಿ ರೇಷನ್ ಡಿಪೋಗಳಲ್ಲಿ ರಾಷ್ಟ್ರಧ್ವಜ ಮಾರಾಟ ಮಾಡಲಾಗುತ್ತಿದೆ. ಅವರು ಬೇಕಿದ್ದರೆ ಮಾತ್ರ ಖರೀದಿ ಮಾಡಬಹುದು ಎಂದು ಸ್ಪಷ್ಟಪಡಿಸಿದ್ದಾರೆ.
ಪ್ರಿಯಾಂಕ್ ಖರ್ಗೆ ಆಕ್ರೋಶ
ಈ ವಿಡಿಯೋ ಟ್ವೀಟ್ ಮಾಡಿರುವ ಕಾಂಗ್ರೆಸ್ ನಾಯಕ ಪ್ರಿಯಾಂಕ್ ಖರ್ಗೆ, "ಬಡವರು ತ್ರಿವರ್ಣ ಧ್ವಜ ಖರೀದಿಸದೆ ಇದ್ದರೆ, ಕೆಲಸವಿಲ್ಲ, ಹಣವೂ ಇಲ್ಲ ಮತ್ತು ಪಡಿತರ ಕೂಡ ಇಲ್ಲ. ಯಾರ ಲಾಭಕ್ಕಾಗಿ ಮೋದಿ ಸರ್ಕಾರ ರಾಷ್ಟ್ರಧ್ವಜಕ್ಕೆ ಹಣ ವಸೂಲಿ ಮಾಡುತ್ತಿದೆ? ಖಂಡಿತವಾಗಿಯೂ ಇದು ಖಾದಿ ಕೈಗಾರಿಕೆಗೆ ಅಲ್ಲ" ಎಂದು ಕಿಡಿಕಾರಿದ್ದಾರೆ.