ಮುಸ್ಲಿಮರಿಗೆ ಹಿಂದಿಯಲ್ಲಿರುವ ಕುರಾನ್‌ ಹಂಚಲು ಮುಂದಾದ ಬಿಜೆಪಿ

ಮೀರತ್‌: ತ್ರಿವಳಿ ತಲಾಕ್‌ ಅಥವಾ ತಲಾಕ್‌ ಇ ಬಿದ್ದತ್‌ ವಿಚಾರವಾಗಿ, ಹಿಂದಿಗೆ ಭಾಷಾಂತರಿಸಿದ ಕುರಾನ್‌ಅನ್ನು ವಿತರಣೆ ಮಾಡಲು ಬಿಜೆಪಿ ಮುಂದಾಗಿದೆ.

ಕುರಾನ್‌ ಅರೇಬಿಕ್‌ ಭಾಷೆಯಲ್ಲಿದ್ದು, ಸಾಮಾನ್ಯ ಮುಸ್ಲಿಮರಿಗೆ ಸರಿಯಾಗಿ ಅರ್ಥ ಆಗುತ್ತಿಲ್ಲ ಎಂಬ ಕಾರಣಕ್ಕೆ ಹಿಂದಿಗೆ ಭಾಷಾಂತರಿಸಿದ ಕುರಾನ್‌ಅನ್ನು ನೀಡಲು ಮುಂದಾಗಿರುವುದಾಗಿ ಬಿಜೆಪಿ ತಿಳಿಸಿದೆ.

ಮುಲ್ಲಾಗಳು ಏನು ಹೇಳುತ್ತಾರೆಯೋ ಅದನ್ನೇ ಮುಸ್ಲಿಮರು ನಂಬುತ್ತಾರೆ. ಕುರಾನ್‌ನ ಸರಿಯಾದ ಭಾವಾರ್ಥವನ್ನು ಮುಸ್ಲಿಮರಿಗೆ ತಲುಪಿಸಲು ಬಿಜೆಪಿ ಪ್ರಯತ್ನಿಸುತ್ತಿದೆ ಎಂದು ಬಿಜೆಪಿ ಮುಖಂಡ ಕದಿಮ್‌ ಅಲಮ್‌ ತಿಳಿಸಿದ್ದಾರೆ.