ಲೋಕಸಭೆ: ಬಿಜೆಪಿ ಬಲ 282 ರಿಂದ 274ಕ್ಕೆ ಇಳಿಕೆ

ಹೊಸದಿಲ್ಲಿ: 2014ರಿಂದ 2018ರ ಮೇ ನಡುವೆ ಲೋಕಸಭೆಯಲ್ಲಿ ಬಿಜೆಪಿ ಸದಸ್ಯ ಬಲ 282ರಿಂದ 274ಕ್ಕೆ ಇಳಿದಿದೆ. ಕಾಂಗ್ರೆಸ್‌ನ ಸ್ಥಾನ ಸಂಖ್ಯೆ 44ರಿಂದ 48ಕ್ಕೇರಿದೆ.

2014ರಲ್ಲಿ ನಡೆದ ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿ ಏಕಾಂಗಿಯಾಗಿ 282 ಸ್ಥಾನಗಳನ್ನು ಗೆದ್ದಿತ್ತು. 2018ರ ಮೇ 31ಕ್ಕೆ ಸ್ಪೀಕರ್‌ ಸೇರಿ ಒಟ್ಟು ಸದಸ್ಯ ಬಲ 274. ಅಂದರೆ, ಮ್ಯಾಜಿಕ್‌ ನಂಬರ್‌ಗಿಂತ ಎರಡು ಹೆಚ್ಚು. ಆದರೆ, ಎನ್‌ಡಿಎ ಮಿತ್ರಕೂಟದ ಒಟ್ಟು ಬಲ ಇನ್ನೂ 315 ಇದೆ.

ಗುರುವಾರ ಪ್ರಕಟಗೊಂಡ ಫಲಿತಾಂಶಗಳಲ್ಲಿ ಬಿಜೆಪಿ 2 ಸ್ಥಾನಗಳನ್ನು ಕಳೆದುಕೊಂಡಿದೆ. ಉತ್ತರ ಪ್ರದೇಶ ಕೈರಾನಾ ಮತ್ತು ಮಹಾರಾಷ್ಟ್ರದ ಭಂಡಾರಾ-ಗೊಂಡಿಯಾ ಕ್ಷೇತ್ರದಲ್ಲಿ ಅದು ಸೋತಿದೆ. ಮಹಾರಾಷ್ಟ್ರದ ಪಾಲ್ಘಾರ್‌ನಲ್ಲಿ ಗೆಲುವು ಸಾಧಿಸಿದೆ. ನಾಗಾಲ್ಯಾಂಡ್‌ನಲ್ಲಿ ಮಿತ್ರಪಕ್ಷ ಸ್ಥಾ® ಎನ್‌ಡಿಪಿಪಿ ಸ್ಥಾನ ಉಳಿಸಿಕೊಂಡಿದೆ.

ಲೋಕಸಭೆಯಲ್ಲಿ ನಾಲ್ಕು ಸ್ಥಾನಗಳು ತೆರವಾಗಿವೆ. ಅವುಗಳಲ್ಲಿ ಕರ್ನಾಟಕ ವಿಧಾನಸಭೆಗೆ ಆಯ್ಕೆಯಾದ ಬಿ.ಎಸ್‌.ಯಡಿಯೂರಪ್ಪ ಮತ್ತು ಶ್ರೀರಾಮುಲು ಅವರು ಪ್ರತಿನಿಧಿಸುತ್ತಿದ್ದ ಕ್ಷೇತ್ರಗಳೂ ಸೇರಿವೆ.

ಬಿಜೆಪಿ ಕಳೆದುಕೊಂಡ ಕ್ಷೇತ್ರಗಳು

1. ಕೈರಾನಾ (ಉ.ಪ್ರ.)

2. ಭಂಡಾರಾ-ಗೊಂಡಿಯಾ (ಮಹಾರಾಷ್ಟ್ರ)

3. ಗೋರಖ್‌ಪುರ (ಉತ್ತರ ಪ್ರದೇಶ)

4. ಫೂಲ್‌ಪುರ (ಉತ್ತರ ಪ್ರದೇಶ)

5. ರಟ್ಲಂ (ಮಧ್ಯಪ್ರದೇಶ )

6. ಗುರುದಾಸ್‌ಪುರ (ಪಂಜಾಬ್‌)

7. ಅಲ್ವಾರ್‌ (ರಾಜಸ್ಥಾನ್‌ )

8. ಅಜ್ಮೀರ್‌ (ರಾಜಸ್ಥಾನ್‌ )