ಢಾಕಾ: ಮ್ಯಾನ್ಮಾರ್‌ನಿಂದ ಬಾಂಗ್ಲಾದೇಶಕ್ಕೆ ವಲಸೆ ಹೊರಟಿದ್ದ ರೋಹಿಂಗ್ಯಾ ಮುಸ್ಲಿಮರನ್ನು ಸಾರ್ಮಥ್ಯಮೀರಿ ತುಂಬಿಸಿಕೊಂಡಿದ್ದ ದೋಣಿಗೊಂದು ಬಂಗಾಳ ಕೊಲ್ಲಿಯಲ್ಲಿ ಸೋಮವಾರ ಮಗುಚಿದ್ದು ಆರು ಮಕ್ಕಳು ಸೇರಿದಂತೆ 12 ಮಂದಿ ನೀರುಪಾಲಾಗಿದ್ದಾರೆ.
'ದೋಣಿಯಲ್ಲಿ ಒಟ್ಟು 65 ಮಂದಿ ಇದ್ದೆವು. ಅದರಲ್ಲಿ ಅರ್ಧದಷ್ಟು ಮಕ್ಕಳು,' ಎಂದು ಘಟನೆಯಲ್ಲಿ ಬದುಕುಳಿದವರು ಮಾಹಿತಿ ನೀಡಿದ್ದಾರೆ ಎಂದು ಢಾಕಾ ಪೊಲೀಸ್‌ ಅಧಿಕಾರಿ ಶೇಖ್‌ ಅಶ್ರಫುಝಾಮನ್‌ ತಿಳಿಸಿದ್ದಾರೆ.
ಇದೂ ಸೇರಿದಂತೆ ಇಲ್ಲಿಯ ತನಕ ಬಾಂಗ್ಲಾದೇಶ ತಲುಪುವ ಪ್ರಯತ್ನದಲ್ಲಿ ಕನಿಷ್ಠಪಕ್ಷ 184 ರೋಹಿಂಗ್ಯಾ ಮುಸ್ಲಿಮರು ವಿವಿಧ ದೋಣಿ ದುರಂತದಲ್ಲಿ ಸಾವಿಗೀಡಾಗಿದ್ದಾರೆ ಎಂದು ಹೇಳಲಾಗುತ್ತಿದೆ.