ಮದುವೆ ಮಾಡಿಸಿದ ಪುರೋಹಿತನ ಜತೆ ನವವಿವಾಹಿತೆ ಪರಾರಿ

ಸಿರೋಂಜ್: ಮದುವೆ ಶಾಸ್ತ್ರ ಮಾಡಿಸಲು ಬಂದಿದ್ದ ಪುರೋಹಿತನ ಜತೆ ನವವಿವಾಹಿತೆ ಪರಾರಿಯಾದ ಘಟನೆ ಮಧ್ಯ ಪ್ರದೇಶದಲ್ಲಿ ನಡೆದಿದೆ.

ಕಳೆದೆರಡು ವಾರಗಳ ಹಿಂದೆ ಆಕೆಯ ಮದುವೆಯಾಗಿದ್ದು, ಇದೇ ವ್ಯಕ್ತಿ ಅಂದು ಮದುವೆ ಶಾಸ್ತ್ರ ಮಾಡಿಸಲು ಬಂದಿದ್ದ ಎಂದು ತಿಳಿದುಬಂದಿದೆ.

ಮೇ 7ರಂದು ಅಸಾತ್ ಗ್ರಾಮದಲ್ಲಿ ಆಕೆಯ ಮದುವೆಯಾಗಿದ್ದು ಗ್ರಾಮದಲ್ಲಿರುವ ದೇವಸ್ಥಾನದ ಪೂಜಾರಿ ವಿನೋದ್ ಮಹಾರಾಜ್ ಮದುವೆ ಮಾಡಿಸಲು ಬಂದಿದ್ದ.

ಮದುವೆಯ ಮೂರು ದಿನಗಳ ಬಳಿಕ ಮಹಿಳೆ ತವರಿಗೆ ಬಂದಿದ್ದಳು. ಮೇ 23ರಂದು ಗ್ರಾಮದಲ್ಲಿ ಇನ್ನೊಂದು ಮದುವೆ ಇದ್ದು ಅಂದು ಕೂಡ ಆತನೇ ಪೂಜಾರಿಯಾಗಿ ಬರಬೇಕಿತ್ತು. ಆದರಾತ ಅಂದು ಬರಲೇ ಇಲ್ಲ.

ಇತ್ತ 15 ದಿನಗಳ ಹಿಂದೆ ಮದುವೆಯಾಗಿದ್ದ ನವ ವಧುವು ಕೂಡ ಮನೆಯಲ್ಲಿ ಕಾಣಿಸಲಿಲ್ಲ. ಹೀಗಾಗಿ ಪೊಲೀಸ್ ಠಾಣೆಯಲ್ಲಿ ದೂರು ಸಲ್ಲಿಸಿದರು. ಆಕೆ 1.5 ಲಕ್ಷ ರೂ ಮೌಲ್ಯದ ಬಂಗಾರ ಮತ್ತು 30ಸಾವಿರ ರೂಪಾಯಿಯೊಂದಿಗೆ ಪರಾರಿಯಾಗಿದ್ದಾಳೆ ಎಂದು ತಿಳಿದು ಬಂದಿದೆ.

ಅವರಿಬ್ಬರಲ್ಲು 2 ವರ್ಷಗಳಿಂದ ಪ್ರೇಮ ಸಂಬಂಧವಿತ್ತೆಂದು ಹೇಳಲಾಗುತ್ತಿದೆ.

ವರದಿಗಳ ಪ್ರಕಾರ ಪೂಜಾರಿ ವಿವಾಹಿತನಾಗಿದ್ದು, 2 ಮಕ್ಕಳ ತಂದೆಯಾಗಿದ್ದಾನೆ.