ಗುವಾಹತಿ: ಅಸ್ಸಾಂನ ರಾಷ್ಟ್ರೀಯ ಪೌರತ್ವ ನೋಂದಣಿ (ಎನ್ಆರ್ಸಿ) ಕರಡಿನಲ್ಲಿ ಗಡಿ ಭದ್ರತಾ ಪಡೆಯ ಸಬ್ಇನ್ಸ್ಪೆಕ್ಟರ್ ಹಾಗೂ ಅವರ ಪತ್ನಿಯನ್ನು ವಿದೇಶಿ ಪ್ರಜೆಗಳೆಂದು ಘೋಷಿಸಿರುವುದು ತಡವಾಗಿ ಬೆಳಕಿಗೆ ಬಂದಿದೆ. ಗೋಲ್ಘಾಟ್ ಜಿಲ್ಲೆಯ ಮೇರಾಪಾನಿ ಗ್ರಾಮದ ಮುಝಿಬುರ್ ರೆಹಮಾನ್ ಅವರು ಗಡಿ ಭದ್ರತಾ ಪಡೆಯ ಸಬ್ ಇನ್ಸ್ಪೆಕ್ಟರ್ ಆಗಿ ಪಂಜಾಬ್ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಅವರ ಪತ್ನಿ ಸಹ ಅಲ್ಲಿಯೇ ನೆಲೆಸಿದ್ದಾರೆ. ಇದರ ಅರಿವಿಲ್ಲದೇ ಜೋರ್ಹಟ್ನ ಫಾರಿನರ್ಸ್ ಟ್ರಿಬ್ಯುನಲ್ ಕಳೆದ ಡಿಸೆಂಬರ್ನಲ್ಲಿಯೇ ಇಬ್ಬರೂ ವಿದೇಶಿಯರೆಂದು ಘೋಷಿಸಿದೆ. ರೆಹಮಾನ್ ತಂದೆ ಈ ಲೋಪವನ್ನು ಕಳೆದ ತಿಂಗಳಷ್ಟೇ ಸರಕಾರದ ಗಮನಕ್ಕೆ ತಂದು, ಅಂತಿಮ ಪಟ್ಟಿಯಲ್ಲಿ ಹೆಸರು ಸೇರ್ಪಡೆಗೆ ಮನವಿ ಮಾಡಿದ್ದಾರೆ. ರೆಹಮಾನ್ ಕುಟುಂಬದ ಇತರ ಸದಸ್ಯರ ಹೆಸರನ್ನು ಎನ್ಆರ್ಸಿಯಲ್ಲಿ ಸೇರ್ಪಡೆ ಮಾಡಲಾಗಿದೆ. ಎನ್ಆರ್ಸಿ ಅಂತಿಮ ಕರಡು ಆ.31ರಂದು ಪ್ರಕಟವಾಗಲಿದೆ.
ಬಿಎಸ್ಎಫ್ ಸಬ್ಇನ್ಸ್ಪೆಕ್ಟರ್, ಪತ್ನಿಯನ್ನು ವಿದೇಶಿಯರೆಂದು ಘೋಷಿಸಿದ ಟ್ರಿಬ್ಯುನಲ್!
ರೆಹಮಾನ್ ಕುಟುಂಬದ ಇತರ ಸದಸ್ಯರ ಹೆಸರನ್ನು ಎನ್ಆರ್ಸಿಯಲ್ಲಿ ಸೇರ್ಪಡೆ ಮಾಡಲಾಗಿದೆ. ಎನ್ಆರ್ಸಿ ಅಂತಿಮ ಕರಡು ಆ.31ರಂದು ಪ್ರಕಟವಾಗಲಿದೆ.
PTI 24 Aug 2019, 5:00 am