ಪೆಟ್ರೋಲ್ ಖರೀದಿಸಿದರೆ ಬೈಕ್ ಉಚಿತ!

[This story originally published in Times Of India on Sep 11, 2018]

ಬರ್ವಾನಿ: ಪೆಟ್ರೋಲ್ ಅಥವಾ ಡೀಸೆಲ್ ಅನ್ನು ಖರೀದಿಸಿ ಮತ್ತು ಸ್ವಯಂಚಾಲಿತ ವಾಷಿಂಗ್ ಮಶೀನ್, ಏರ್ ಕಂಡಿಷನರ್, ಲ್ಯಾಪ್‌ಟಾಪ್ ಅಥವಾ ಬೈಕ್ ಅನ್ನು ಉಚಿತವಾಗಿ ಪಡೆಯಿರಿ- ಮಧ್ಯಪ್ರದೇಶದ ಪೆಟ್ರೋಲ್ ಪಂಪ್ ಮಾಲೀಕರು ತಮ್ಮ ಮಾರಾಟದ ಪ್ರಮಾಣ ಮತ್ತು ಉದ್ಯಮವನ್ನು ಉಳಿಸಿಕೊಳ್ಳಲು ಈ ರೀತಿಯ ಆಫರ್ ನೀಡುವ ತಂತ್ರಕ್ಕೆ ಮುಂದಾಗಿದ್ದಾರೆ.

ಮಧ್ಯಪ್ರದೇಶ, ಪೆಟ್ರೋಲ್ ಮತ್ತು ಡೀಸೆಲ್‌ಗಳ ಮೇಲೆ ದೇಶದಲ್ಲಿಯೇ ಅತ್ಯಧಿಕ ವ್ಯಾಟ್ ಹೊಂದಿರುವ ರಾಜ್ಯವಾಗಿದೆ. ಬೆಲೆಗಳಲ್ಲಿನ ವ್ಯತ್ಯಾಸದ ಕಾರಣಕ್ಕೆ ರಾಜ್ಯದ ಮೂಲಕ ಹಾದುಹೋಗುವ ಟ್ರಕ್‌ಗಳು ಮತ್ತು ವಾಣಿಜ್ಯ ವಾಹನಗಳು ಗಡಿಯಲ್ಲಿಯೇ ಇಂಧನ ತುಂಬಿಕೊಳ್ಳುವುದು ಸಾಮಾನ್ಯವಾಗಿ ಹೋಗಿದೆ. ಈಗ, ಸ್ಥಳೀಯರು ಕೂಡ ಇಂಧನಕ್ಕಾಗಿ ಗಡಿಯಲ್ಲಿರುವ ಅಂದರೆ ಹೊರ ರಾಜ್ಯದ ಪೆಟ್ರೋಲ್ ಪಂಪ್‌ಗಳ ಮೊರೆ ಹೋಗುತ್ತಿದ್ದಾರೆ. ಹೀಗಾಗಿ ತಮ್ಮ ಉದ್ಯಮವನ್ನು ಕಾಪಾಡಿಕೊಳ್ಳಲು ಪೆಟ್ರೋಲ್ ಪಂಪ್ ಮಾಲೀಕರು ಆಫರ್‌ಗಳನ್ನು ನೀಡತೊಡಗಿದ್ದಾರೆ.

100ಲೀಟರ್ ಡೀಸೇಲ್ ಖರೀದಿ ಮಾಡುವ ಟ್ರಕ್ ಚಾಲಕನಿಗೆ ಬೆಳಗಿನ ಉಪಾಹಾರ ಮತ್ತು ಚಹಾ ಉಚಿತ ಎನ್ನುತ್ತಾರೆ ತೈಲೋದ್ಯಮಿ ಅನುಜ್ ಖಂಡೇವಾಲ್.

5,000 ಲೀಟರ್ ಪೆಟ್ರೋಲ್ ಕೊಂಡರೆ ಮೊಬೈಲ್, ಸೈಕಲ್, ವಾಚ್ ಆಫರ್, 15,000 ಲೀಟರ್ ಕೊಂಡರೆ ಕಪಾಟು, ಸೋಫಾ ಸೆಟ್, 100ಗ್ರಾಂ ಬೆಳ್ಳಿ ನಾಣ್ಯ, 25,000 ಲೀಟರ್ ಡಿಸೇಲ್ ಕೊಂಡರೆ ಸ್ವಯಂಚಾಲಿತ ವಾಷಿಂಗ್ ಮಶೀನ್, 50,000 ಲೀಟರ್ ಖರೀದಿಸಿದರೆ ಎಸಿ ಅಥವಾ ಲ್ಯಾಪ್‌ಟಾಪ್, 1 ಲಕ್ಷ ಲೀಟರ್ ಕೊಂಡರೆ ಸ್ಕೂಟರ್ ಅಥವಾ ಮೋಟಾರ್ ಸೈಕಲ್ ಆಫರ್ ನೀಡುತ್ತಿದ್ದೇವೆ. ನಾವು ಹೊಸ ಆಫರ್ ನೀಡಿದ ಬಳಿಕ ವ್ಯಾಪಾರ ವೃದ್ಧಿಸಿದೆ. ರಿಯಾಯತಿ ಪಡೆಯಲು ಚಾಲಕರು 100ಲೀಟರ್‌ವರೆಗೆ ಪೆಟ್ರೋಲ್ ಖರೀದಿಸುತ್ತಿದ್ದಾರೆ, ಎಂದವರು ಹೇಳಿದ್ದಾರೆ.

ಮಧ್ಯ ಪ್ರದೇಶದಲ್ಲಿ ಡಿಸೇಲ್ ಮೇಲೆ 22% ಮತ್ತು ಪೆಟ್ರೋಲ್ ಮೇಲೆ 27% ವ್ಯಾಟ್ ಹೇರಲಾಗಿದ್ದು, ಸರಕಾರ ತೆರಿಗೆಯನ್ನು ಇಳಿಸಬೇಕು ಎಂದು ಪಂಪ್ ಮಾಲೀಕರು ಒತ್ತಾಯಿಸಿದ್ದಾರೆ.