ಥಾಣೆ: ಕರೆ ವಿವರ ದಾಖಲೆಗಳನ್ನು(ಸಿಡಿಆರ್‌) ಕಾನೂನುಬಾಹಿರವಾಗಿ ಸಂಗ್ರಹಿಸಿದ ಆರೋಪದ ಮೇಲೆ ಖಾಸಗಿ ಪತ್ತೆದಾರಿ ಮಹಿಳೆಯೊಬ್ಬಳನ್ನು ಬಂಧಿಸಲಾಗಿದೆ.
ಭಾರತದ ಮೊದಲ ಖಾಸಗಿ ಪತ್ತೆದಾರಿ ಮಹಿಳೆ ಎಂದು ಹೇಳಲಾಗುವ ರಜನಿ ಪಂಡಿತ್‌(54) ಅವರನ್ನು ಥಾಣೆ ಅಪರಾಧ ವಿಭಾಗದ ಪೊಲೀಸರು ಬಂಧಿಸಿದ್ದಾರೆ. ಆಕೆಯನ್ನು ಫೆಬ್ರವರಿ 7ರವರೆಗೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.
ರಜನಿ ಅವರ ಬಂಧನಕ್ಕೂ ಮೊದಲು ನಾಲ್ವರು ಪತ್ತೆದಾರರನ್ನು ಬಂಧಿಸಲಾಗಿತ್ತು.ಅವರ ವಿಚಾರಣೆ ವೇಳೆ ಹಗರಣದಲ್ಲಿ ರಜನಿ ಭಾಗವಹಿಸಿರುವುದು ಖಚಿತವಾದ ಹಿನ್ನೆಲೆಯಲ್ಲಿ ಬಂಧಿಸಲಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ. ಮುಂಬಯಿ ಸುತ್ತಮುತ್ತ ವಾಸಿಸುವ ವ್ಯಕ್ತಿಗಳ ಕರೆ ವಿವರ ದಾಖಲೆಗಳನ್ನು(ಸಿಡಿಆರ್‌) ಸಂಗ್ರಹಿಸಿ ಅದನ್ನು ಹೆಚ್ಚಿನ ಹಣಕ್ಕೆ ಮಾರುತ್ತಿದ್ದರು.