ಅನುಕೂಲಸ್ಥರಿಗೆ ಎಸ್ಸಿ/ಎಸ್ಟಿ ಮೀಸಲು: ಸುಪ್ರೀಂ ಪ್ರಶ್ನೆ

ಹೊಸದಿಲ್ಲಿ: ಸರಕಾರಿ ಉದ್ಯೋಗ ಮತ್ತು ಬಡ್ತಿಯಲ್ಲಿ ಎಸ್ಸಿ/ಎಸ್ಟಿ ಸಮುದಾಯದ ಅನುಕೂಲಸ್ಥರಿಗೆ ಮೀಸಲು ಒದಗಿಸುವುದರ ಹಿಂದಿನ ತರ್ಕವನ್ನು ಸುಪ್ರೀಂ ಕೋರ್ಟ್‌ ಪ್ರಶ್ನಿಸಿದೆ.

ಒಬಿಸಿ ಮೀಸಲು ನೀತಿ ಮಾದರಿಯಲ್ಲೇ ಎಸ್ಸಿ/ಎಸ್ಟಿ ಮೀಸಲು ವಿಷಯದಲ್ಲಿ 'ಕೆನೆ ಪದರ' ನಿಯಮ ಅನುಸರಿಸಿ, ಅನುಕೂಲಸ್ಥರನ್ನು ಕೋಟಾದಿಂದ ಹೊರಗಿರಿಸಬಾರದೇಕೆ ಎಂದು ಸಿಜೆಐ ದೀಪಕ್‌ ಮಿಶ್ರಾ ನೇತೃತ್ವದ ಪಂಚ ಸದಸ್ಯ ಪೀಠ ಪ್ರಶ್ನಿಸಿತು. ಆದರೆ, ಅಟಾರ್ನಿ ಜನರಲ್‌ ವೇಣುಗೋಪಾಲ್‌ ಸೇರಿದಂತೆ ಸರಕಾರದ ಪರ ವಕೀಲರು ಇದಕ್ಕೆ ವಿರೋಧ ವ್ಯಕ್ತಪಡಿಸಿದರು.

ಒಬ್ಬ ವ್ಯಕ್ತಿ ಮೀಸಲು ಅನುಕೂಲ ಪಡೆದು ರಾಜ್ಯವೊಂದರ ಮುಖ್ಯ ಕಾರ್ಯದರ್ಶಿಯಾದರೆ, ಅವರ ಕುಟುಂಬದ ಇತರ ಸದಸ್ಯರಿಗೂ ಈ ಅನುಕೂಲ ಏಕೆ ನೀಡಬೇಕೆಂದು ನ್ಯಾಯಪೀಠ ಉದಾಹರಿಸಿತು.