ನ್ಯಾಯಕ್ಕಾಗಿ ಅಲೆಯುತ್ತಿರುವ ಆಧುನಿಕ ಶ್ರವಣ ಕುಮಾರ

ಓಡಿಶಾ: ತನ್ನ ಅಂಧ ಪೋಷಕರನ್ನು ಪುಣ್ಯಕ್ಷೇತ್ರಗಳ ದರುಶನಕ್ಕೆ ಮರದ ಬುಟ್ಟಿಯಲ್ಲಿ ಹೊತ್ತ ಶ್ರವಣ ಕುಮಾರನ ಕಥೆ ನಿಮಗೆ ತಿಳಿದೇ ಇದೆ. ಅದೇ ಮಾದರಿಯಲ್ಲಿ ಆದಿವಾಸಿ ಜನಾಂಗದ ವಿದ್ಯಾವಂತ ಯುವಕನೋರ್ವ ಯಾರೋ ಮಾಡಿದ ತಪ್ಪಿಗೆ ತನ್ನ ತಂದೆ-ತಾಯಿಯನ್ನು ಹೆಗಲ ಮೇಲೆ ಹೊತ್ತುಕೊಂಡು ನ್ಯಾಯ ಕೇಳಲು ತಿರುಗಾಡುತ್ತಿದ್ದಾನೆ.
#WATCH: Tribal man in Odisha's Mayurbhanj travels 40 kms on foot carrying his parents seeking justice in an alleged fake case against him. pic.twitter.com/ULn6KGLLba — ANI (@ANI) September 1, 2017 ಒಡಿಶಾದ ಮಯೂರ್‌‌ಭಂಜ್‌ ಜಿಲ್ಲೆಯ ಮೊರೋದಾ ಗ್ರಾಮದ ಕಾರ್ತಿಕ್ ಸಿಂಗ್‌ ಎಂಬಾತ ತನ್ನ ವೃದ್ಧ ತಂದೆ-ತಾಯಿಯನ್ನು ಹೆಗಲಲ್ಲಿ ಹೊತ್ತುಕೊಂಡು ತಿರುಗುತ್ತಿರುವ ವೀಡಿಯೋ ಸದ್ಯ ವೈರಲ್‌ ಆಗಿದೆ.

2009ರಲ್ಲಿ ಕಾರ್ತಿಕ್‍ಸಿಂಗ್ ವಿರುದ್ಧ ಮೊರೋದಾ ಠಾಣೆ ಪೊಲೀಸರು ಸುಳ್ಳು ಮೊಕದ್ದಮೆ ದಾಖಲಿಸಿ 18 ದಿನಗಳ ಕಾಲ ಜೈಲಿಗೆ ಕಳುಹಿಸಿದ್ದರು. ಈ ಘಟನೆ ನಂತರ ಗ್ರಾಮಸ್ಥರು ಆತ ಮತ್ತು ಆತನ ವೃದ್ಧ ತಂದೆ-ತಾಯಿಗಳಿಗೆ ಸಮಾಜದಿಂದ ಬಹಿಷ್ಕಾರ ಹಾಕಿದ್ದರು.

ವಿದ್ಯಾವಂತನಾದ ಕಾರ್ತಿಕ್‍ಸಿಂಗ್‍ಗೆ ಗ್ರಾಮದಲ್ಲಿ ಯಾವುದೇ ಕೆಲಸ, ಅನ್ನ-ನೀರು, ಆಶ್ರಯ ಲಭಿಸಿರಲಿಲ್ಲ, ಈವರೆಗೆ ಕಾರ್ತಿಕ್‌ ಸಿಂಗ್‌ ತನ್ನ ತಂದೆ-ತಾಯಿಯನ್ನು ಹೆಗಲ ಮೇಲೆ ಹೊತ್ತುಕೊಂಡು 40 ಕಿ.ಮೀ ನಡೆದಿದ್ದಾನೆ. ತಾನು ವಿದ್ಯಾವಂತನಾಗಿದ್ದು, ಸಾಮಾಜಿಕ ಬಹಿಷ್ಕಾರದ ಆಧಾರದ ಮೇಲೆ ತನಗೆ ಉದ್ಯೋಗ ನೀಡುವಂತೆ ಜಿಲ್ಲಾಧಿಕಾರಿಗಳ ಮೊರೆ ಹೋಗಿದ್ದಾರೆ.

ಈ ಘಟನೆ ನಂತರ ಈತನ ಪರ ವಕಾಲತು ವಹಿಸಲು ಕೆಲವು ವಕೀಲರು ಮತ್ತು ಸಾಮಾಜಿಕ ಕಾರ್ಯಕರ್ತರು ಮುಂದೆ ಬಂದಿದ್ದಾರೆ.