ಶೀಘ್ರದಲ್ಲೇ ನೀರವ್, ಚೋಕ್ಸಿಗೆ ರೆಡ್‌ ಕಾರ್ನರ್ ನೋಟಿಸ್‌: ಸಿಬಿಐ

ಹೊಸದಿಲ್ಲಿ: ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ ಹಗರಣದ ರುವಾರಿ ನೀರವ್‌ ಮೋದಿ ಹಾಗೂ ಮೆಹುಲ್‌ ಚೋಕ್ಸಿ ಅವರಿಗೆ ರೆಡ್‌ ಕಾರ್ನರ್‌ ನೋಟಿಸ್‌ (ಆರ್‌ಸಿಎನ್‌) ಜಾರಿಗೊಳಿಸುವಂತೆ ಕೇಂದ್ರ ತನಿಖಾ ದಳ (ಸಿಬಿಐ) ಇಂಟರ್‌ಪೋಲ್‌ಗೆ ಮನವಿ ಮಾಡಿದೆ.

ನೀರವ್‌ ಮೋದಿ ಹಾಗೂ ಚೋಕ್ಸಿ ವಿರುದ್ಧ ದೋಷಾರೋಪಣ ಪಟ್ಟಿ ಸಲ್ಲಿಸಿದ ಬಳಿಕ ಸಿಬಿಐ, ಆರ್‌ಸಿಎನ್‌ ಜಾರಿಗೊಳಿಸುವಂತೆ ಕೇಳಿದೆ. ಇಂಟರ್‌ಪೋಲ್‌ ಶೀಘ್ರದಲ್ಲೇ ಈ ಕುರಿತು ಅಗತ್ಯ ಕ್ರಮ ಕೈಗೊಳ್ಳಲಿದೆ ಎಂದು ತಿಳಿದು ಬಂದಿದೆ.

ಮೇ 14ರಂದು ಟೈಮ್ಸ್‌ ಆಫ್‌ ಇಂಡಿಯಾಗೆ ನೀರವ್‌ ಮೋದಿ ಹಾಗೂ ಕುಟುಂಬ ಲಂಡನ್‌ನಲ್ಲಿ ನೆಲೆಸಿದ್ದಾರೆ ಎಂಬುದನ್ನು ಲಂಡನ್‌ ಹೈಕಮಿಷನರ್‌ ಸ್ಪಷ್ಟಪಡಿಸಿದ್ದರು. ಆದರೆ ಈ ಕುರಿತು ಅಲ್ಲಿನ ಅಧಿಕಾರಿಗಳಿಂದ ಖಚಿತ ಮಾಹಿತಿ ಲಭ್ಯವಾಗಬೇಕಿದೆ ಎಂದು ಸಿಬಿಐ ಮೂಲಗಳು ತಿಳಿಸಿವೆ.

ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ನಲ್ಲಿ ನಡೆದಿರು ಅಕ್ರಮಗಳ ಬಯಲಿಗೆ ಬರುವ ಮುನ್ನ ಅಂದರೆ, 2018ರ ಜನವರಿ ಕೊನೆ ವಾರದಲ್ಲಿ ನೀರವ್‌ ಮೋದಿ ಹಾಗೂ ಪರಿವಾರ ಲಂಡನ್‌ಗೆ ತೆರಳಿರುವುದು ತನಿಖೆಯಲ್ಲಿ ತಿಳಿದು ಬಂದಿತ್ತು.

ಇಂಟರ್‌ ಪೋಲ್‌ ರೆಡ್‌ ಕಾರ್ನರ್‌ ನೋಟಿಸ್‌ ನೀಡಿದರೆ ಪೊಲೀಸ್‌ ಸದಸ್ಯತ್ವ ಹೊಂದಿರುವ 190 ದೇಶಗಳ ಒಕ್ಕೂಟದ ನೆರವಿನೊಂದಿಗೆ ಆರೋಪಿಗಳನ್ನು ಪತ್ತೆ ಹಚ್ಚ ಬಹುದು. 190 ಸದಸ್ಯ ರಾಷ್ಟ್ರಗಳು ನೆರವು ನೀಡುತ್ತದೆ.