ಹೊಸದಿಲ್ಲಿ: ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯದ ಅಂಶಗಳು ಆನ್‌ಲೈನ್ ಹಂಚಿಕೆಯಾಗುತ್ತಿರುವ ಘಟನೆಗೆ ಸಂಬಂಧಿಸಿದಂತೆ 19 ರಾಜ್ಯಗಳಲ್ಲಿನ 56 ಸ್ಥಳಗಳಲ್ಲಿ ಸಿಬಿಐ ಶನಿವಾರ ದಾಳಿಗಳನ್ನು ನಡೆಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸಿಂಗಪುರದಲ್ಲಿನ ಇಂಟರ್‌ಪೋಲ್ ಕಚೇರಿಯಿಂದ ಬಂದ ಮಾಹಿತಿಗಳ ಆಧಾರದಲ್ಲಿ ಸಿಬಿಐ ಈ ಪತ್ತೆ ಕಾರ್ಯಾಚರಣೆ ನಡೆಸಿದೆ.
ಕಳೆದ ವರ್ಷ 'ಆಪರೇಷನ್ ಕಾರ್ಬನ್' ಎಂಬ ಹೆಸರಿನ ಇದೇ ರೀತಿಯ ಕಾರ್ಯಾಚರಣೆಯನ್ನು ನಡೆಸಿದ್ದ ಸಿಬಿಐ, ಅದರ ಭಾಗವಾಗಿ ಈ ದಾಳಿಗಳನ್ನು ಮಾಡಿದೆ. ಈ ಹಿಂದಿನ ದಾಳಿಯು ಮಕ್ಕಳ ಪೋರ್ನೋಗ್ರಫಿಯ ವಿಡಿಯೋ ಮತ್ತು ಚಿತ್ರಗಳನ್ನು ಕ್ಲೌಡ್ ಸ್ಟೋರೇಜ್ ಸೌಲಭ್ಯ ಬಳಸಿಕೊಂಡು ಅವುಗಳನ್ನು ಹಂಚಿಕೆ ಮಾಡುವುದರಲ್ಲಿ ಭಾಗಿಯಾಗಿದ್ದ ಪೆಡ್ಲರ್‌ಗಳನ್ನು ಗುರಿಯಾಗಿಸಿತ್ತು.
ಮಕ್ಕಳ ಪೋರ್ನೋಗ್ರಫಿ ಪ್ರಕರಣಗಳ ಮೇಲೆ ನಿಗಾ ಇರಿಸುವ ಯಾಂತ್ರಿಕತೆಯ ವಿಸ್ತೃತ ವರದಿಯನ್ನು ಸಲ್ಲಿಸಲು ಕಳೆದ ವಾರ ಕೇಂದ್ರ ಸರ್ಕಾರಕ್ಕೆ ಸುಪ್ರೀಂಕೋರ್ಟ್ ಸೂಚಿಸಿತ್ತು. ಈ ವಿಷಯಕ್ಕೆ ಸಂಬಂಧಿಸಿದಂತೆ ಇಂಟರ್ನೆಟ್ ಕಂಪೆನಿಗಳಿಂದ ವರದಿಯನ್ನು ಕೂಡ ಕೋರ್ಟ್ ಕೇಳಿತ್ತು.
ಎರಡು ಅತ್ಯಾಚಾರ ಪ್ರಕರಣಗಳ ವಿಡಿಯೋಗಳನ್ನು ಹಂಚಿಕೆ ಮಾಡುತ್ತಿರುವ ಕೃತ್ಯದ ಕುರಿತು ಆಗಿನ ಮುಖ್ಯ ನ್ಯಾಯಮೂರ್ತಿ ಎಚ್‌ಎಲ್ ದತ್ತು ಅವರಿಗೆ ಎನ್‌ಜಿಒ ಒಂದು 2015ರಲ್ಲಿ ಪತ್ರ ಬರೆದಿತ್ತು. ಆ ಸಮಯದಿಂದಲೂ ಮಕ್ಕಳ ಪೋರ್ನೋಗ್ರಫಿಗಳಿಗೆ ಸಂಬಂಧಿಸಿದಂತೆ ಸುಪ್ರೀಂಕೋರ್ಟ್ ಪರಿಶೀಲನೆ ನಡೆಸುತ್ತಿದೆ.
2018ರಲ್ಲಿ ಸರ್ಕಾರ ಮತ್ತು ಗೂಗಲ್, ಮೈಕ್ರೋಸಾಫ್ಟ್ ಮತ್ತು ಫೇಸ್‌ಬುಕ್ ಸೇರಿದಂತೆ ಇಂಟರ್ನೆಟ್ ದಿಗ್ಗಜ ಕಂಪೆನಿಗಳು ಎರಡನ್ನೂ ಸುಪ್ರೀಂಕೋರ್ಟ್ ವಿಚಾರಣೆಗೆ ಒಳಪಡಿಸಿದ್ದ ವೇಳೆ ಅತ್ಯಾಚಾರ ಮತ್ತು ಮಕ್ಕಳ ಪೋರ್ನೋಗ್ರಫಿ ವಿಡಿಯೋಗಳನ್ನು ತಡೆಯುವ ಅಗತ್ಯವಿದೆ ಎಂದು ಒಪ್ಪಿಕೊಂಡಿದ್ದವು.
ಸಿಂಗಪುರದಲ್ಲಿನ ಇಂಟರ್‌ಪೋಲ್ ಕಚೇರಿಯಿಂದ ಬಂದ ಮಾಹಿತಿಗಳ ಆಧಾರದಲ್ಲಿ ಸಿಬಿಐ ಈ ಪತ್ತೆ ಕಾರ್ಯಾಚರಣೆ ನಡೆಸಿದೆ.
ಕಳೆದ ವರ್ಷ 'ಆಪರೇಷನ್ ಕಾರ್ಬನ್' ಎಂಬ ಹೆಸರಿನ ಇದೇ ರೀತಿಯ ಕಾರ್ಯಾಚರಣೆಯನ್ನು ನಡೆಸಿದ್ದ ಸಿಬಿಐ, ಅದರ ಭಾಗವಾಗಿ ಈ ದಾಳಿಗಳನ್ನು ಮಾಡಿದೆ. ಈ ಹಿಂದಿನ ದಾಳಿಯು ಮಕ್ಕಳ ಪೋರ್ನೋಗ್ರಫಿಯ ವಿಡಿಯೋ ಮತ್ತು ಚಿತ್ರಗಳನ್ನು ಕ್ಲೌಡ್ ಸ್ಟೋರೇಜ್ ಸೌಲಭ್ಯ ಬಳಸಿಕೊಂಡು ಅವುಗಳನ್ನು ಹಂಚಿಕೆ ಮಾಡುವುದರಲ್ಲಿ ಭಾಗಿಯಾಗಿದ್ದ ಪೆಡ್ಲರ್‌ಗಳನ್ನು ಗುರಿಯಾಗಿಸಿತ್ತು.
ಮಕ್ಕಳ ಪೋರ್ನೋಗ್ರಫಿ ಪ್ರಕರಣಗಳ ಮೇಲೆ ನಿಗಾ ಇರಿಸುವ ಯಾಂತ್ರಿಕತೆಯ ವಿಸ್ತೃತ ವರದಿಯನ್ನು ಸಲ್ಲಿಸಲು ಕಳೆದ ವಾರ ಕೇಂದ್ರ ಸರ್ಕಾರಕ್ಕೆ ಸುಪ್ರೀಂಕೋರ್ಟ್ ಸೂಚಿಸಿತ್ತು. ಈ ವಿಷಯಕ್ಕೆ ಸಂಬಂಧಿಸಿದಂತೆ ಇಂಟರ್ನೆಟ್ ಕಂಪೆನಿಗಳಿಂದ ವರದಿಯನ್ನು ಕೂಡ ಕೋರ್ಟ್ ಕೇಳಿತ್ತು.
ಎರಡು ಅತ್ಯಾಚಾರ ಪ್ರಕರಣಗಳ ವಿಡಿಯೋಗಳನ್ನು ಹಂಚಿಕೆ ಮಾಡುತ್ತಿರುವ ಕೃತ್ಯದ ಕುರಿತು ಆಗಿನ ಮುಖ್ಯ ನ್ಯಾಯಮೂರ್ತಿ ಎಚ್‌ಎಲ್ ದತ್ತು ಅವರಿಗೆ ಎನ್‌ಜಿಒ ಒಂದು 2015ರಲ್ಲಿ ಪತ್ರ ಬರೆದಿತ್ತು. ಆ ಸಮಯದಿಂದಲೂ ಮಕ್ಕಳ ಪೋರ್ನೋಗ್ರಫಿಗಳಿಗೆ ಸಂಬಂಧಿಸಿದಂತೆ ಸುಪ್ರೀಂಕೋರ್ಟ್ ಪರಿಶೀಲನೆ ನಡೆಸುತ್ತಿದೆ.
2018ರಲ್ಲಿ ಸರ್ಕಾರ ಮತ್ತು ಗೂಗಲ್, ಮೈಕ್ರೋಸಾಫ್ಟ್ ಮತ್ತು ಫೇಸ್‌ಬುಕ್ ಸೇರಿದಂತೆ ಇಂಟರ್ನೆಟ್ ದಿಗ್ಗಜ ಕಂಪೆನಿಗಳು ಎರಡನ್ನೂ ಸುಪ್ರೀಂಕೋರ್ಟ್ ವಿಚಾರಣೆಗೆ ಒಳಪಡಿಸಿದ್ದ ವೇಳೆ ಅತ್ಯಾಚಾರ ಮತ್ತು ಮಕ್ಕಳ ಪೋರ್ನೋಗ್ರಫಿ ವಿಡಿಯೋಗಳನ್ನು ತಡೆಯುವ ಅಗತ್ಯವಿದೆ ಎಂದು ಒಪ್ಪಿಕೊಂಡಿದ್ದವು.