ರೈಫಲ್‌ ಫ್ಯಾಕ್ಟರಿ ಅಕ್ರಮ: ವಿಷಲ್‌ ಬ್ಲೋವರ್‌ ಹೆಸರು ಪ್ರಕಟಿಸಿದ ಸಿಬಿಐ

ಬೆಂಗಳೂರು: ಇಶಾಪೊರೆಯಲ್ಲಿರುವ ರೈಫಲ್‌ ಫ್ಯಾಕ್ಟರಿಯಲ್ಲಿ ನಡೆದಿದ್ದ ಮೂವತ್ತು ಕೋಟಿ ರೂ. ಅಕ್ರಮವನ್ನು ಬಯಲುಗೊಳಿಸಿದ್ದ ಅಧಿಕಾರಿಯ ಹೆಸರನ್ನು ಸಿಬಿಐ ಪ್ರಕಟಿಸಿದೆ.

ಈ ಹಗರಣವನ್ನು ಬಯಲಿಗೆಳೆಯುವಂತೆ ದೂರು ದಾಖಲಿಸಿದ್ದ ದೂರುದಾರರ ಹೆಸರನ್ನು 'ವಿಷಲ್‌ ಬ್ಲೋವರ್‌' ಎಂದೇ ನಮೂದಿಸಲಾಗಿತ್ತು. ಸಶಸ್ತ್ರ ಕೈಗಾರಿಕೆ ಮಂಡಳಿ(ಒಎಫ್‌ಬಿ) ಮುಖ್ಯ ನಿಗಾ ಅಧಿಕಾರಿ ಗೌತಮ್‌ ಮಂಡಲ್‌ ಹಗರಣವನ್ನು ಬಯಲಿಗೆಳೆದವರು ಎಂದು ಸಿಬಿಐ ಹೇಳಿದೆ.

ಬಹಳಷ್ಟು ಒತ್ತಡ ಮತ್ತು ಸಂಸ್ಥೆಯೊಳಗಿನ ಅಸಹಕಾರದೊಂದಿಗೆ ಸಶಸ್ತ್ರ ಕೈಗಾರಿಕೆ ಮಂಡಳಿ(ಒಎಫ್‌ಬಿ) ಮುಖ್ಯ ನಿಗಾ ಅಧಿಕಾರಿ ಗೌತಮ್‌ ಮಂಡಲ್‌ ಎರಡು ವರ್ಷಗಳಿಂದ ಈ ಹಗರಣದ ತನಿಖೆಯ ಪರಿಶೀಲನೆ ನಡೆಸಿದ್ದಾರೆ.

ಕೋಲ್ಕೊತಾದಲ್ಲಿರುವ ಸಿಬಿಐನ ಭ್ರಷ್ಟಾಚಾರ ನಿಗ್ರಹ ದಳದ ಕಚೇರಿಯಲ್ಲಿ ಈ ಪ್ರಕರಣ ದಾಖಲಾಗಿತ್ತು. ದೂರುದಾರರ ಹೆಸರು ಇರುವ ಕಡೆ 'ವಿಷಲ್‌ ಬ್ಲೋವರ್‌' ಎಂದೇ ಉಲ್ಲೇಖಿಸಲಾಗಿತ್ತು.

ಭ್ರಷ್ಟಾಚಾರ ಪ್ರಕರಣಗಳಲ್ಲಿ 'ವಿಷಲ್‌ ಬ್ಲೋವರ್‌' ಹೆಸರು ಬಹಿರಂಗಪಡಿಸುವುದನ್ನು ಸುಪ್ರೀಂಕೋರ್ಟ್‌ ವಿರೋಧಿಸುತ್ತದೆ. ದೂರುದಾರರಿಗೆ ಸೂಕ್ತ ಭದ್ರತೆ ಖಾತರಿಪಡಿಸಿಕೊಂಡು ಕೋರ್ಟ್‌ ಅನುಮತಿ ಪಡೆದುಕೊಂಡೇ ಎಫ್‌ಐಆರ್‌ನಲ್ಲಿ ತಿದ್ದುಪಡಿ ಮಾಡಬೇಕಾಗುತ್ತದೆ ಎಂದು ವಕೀಲ ಕೆ.ವಿ. ಧನಂಜಯ್‌ ಹೇಳಿದ್ದಾರೆ.

CBI reveals name: The Central Bureau of Investigation (CBI), probing financial mismanagement at Rifle Factory Ishapore (RFI) under Ordnance Factory Board (OFB), has made public the whistleblower's name, who had exposed the fraud amounting to at least Rs 30 crore.