10 ಮತ್ತು 12ನೇ ತರಗತಿ ರಿಸಲ್ಟ್‌ಗೆ ಸಿದ್ಧತೆ! ಈ ಆ್ಯಪ್‌ ಡೌನ್‌ಲೋಡ್‌ಗೆ ಸೂಚಿಸಿದ ಸಿಬಿಎಸ್‌ಇ!

ಹೊಸದಿಲ್ಲಿ: ಕೊರೊನಾ ಕಾರಣದಿಂದಾಗಿ ಬಾಕಿ ಉಳಿದಿರುವ ಸಿಬಿಎಸ್‌ಇ 10ನೇ ತರಗತಿ ಮತ್ತು 12ನೇ ತರಗತಿ ಪರೀಕ್ಷೆಗಳನ್ನು ರದ್ದುಗೊಳಿಸಲಾಗಿತ್ತು. ಇದಕ್ಕೆ ಸುಪ್ರೀಂ ಕೋರ್ಟ್‌ ಕೂಡ ಸಮ್ಮತಿಸಿತ್ತು.

ಈಗಾಗಲೇ ನಡೆಸಿರುವ ಪರೀಕ್ಷೆಗಳಲ್ಲಿ ವಿದ್ಯಾರ್ಥಿಗಳು ಪಡೆದಿರುವ ಅಂಕಗಳು ಮತ್ತು ಆಂತರಿಕ ಮೌಲ್ಯಮಾಪನ ಕಾರ್ಯಕ್ಷಮತೆ (internal assessment performance) ಆಧಾರದ ಮೇಲೆ ಮೌಲ್ಯಮಾಪನ ಮಾಡಿ ಜುಲೈ 15ರೊಳಗೆ ಫಲಿತಾಂಶ ಬಿಡುಗಡೆ ಮಾಡುವಂತೆ ಸಿಬಿಎಸ್‌ಇಗೆ ತಿಳಿಸಲಾಗಿತ್ತು.

ಇದೀಗ ಸಿಬಿಎಸ್‌ಇ ಫಲಿತಾಂಶ ಪ್ರಕಟಣೆಗೆ ಸಿದ್ಧತೆ ನಡೆಸಿದೆ. ಫಲಿತಾಂಶ ಪ್ರಕಟಣೆ ತಯಾರಿಯ ಭಾಗವಾಗಿ ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿರುವ ಮೊಬೈಲ್‌ ಸಂಖ್ಯೆಗಳಿಗೆ ಮೆಸೇಜ್‌ ಕಳುಹಿಸುತ್ತಿದೆ. 10 ಮತ್ತು 12ನೇ ತರಗತಿ ವಿದ್ಯಾರ್ಥಿಗಳಿಗೂ ಸಿಬಿಎಸ್‌ಇ ಸಂದೇಶ ರವಾನಿಸಿದ್ದು, ತಮ್ಮ ತಮ್ಮ ಮೊಬೈಲ್‌ಗಳಿಗೆ ಡಿಜಿಲಾಕರ್‌ ಆ್ಯಪ್‌ ಡೌನ್‌ಲೋಡ್‌ ಮಾಡಿಕೊಳ್ಳುವಂತೆ ಸೂಚಿಸಿದೆ. ಡಿಜಿಲಾಕರ್‌ ಡೌನ್‌ಲೋಡ್‌ ಮಾಡಿಕೊಳ್ಳುವುದರಿಂದ ಫಲತಾಂಶ ಪ್ರಕಟವಾದ ಕೂಡಲೇ ವಿದ್ಯಾರ್ಥಿಗಳು ತಮ್ಮ ಮಾರ್ಕ್ಸ್‌ ಕಾರ್ಡ್‌ ಪಡೆಯಬಹುದಾಗಿದೆ.

ಇಂಜಿನಿಯರಿಂಗ್‌, ಡಿಪ್ಲೊಮಾ ವಿದ್ಯಾರ್ಥಿಗಳಿಗೆ ಸಿಹಿ ಸುದ್ದಿ: ಎಗ್ಸಾಂ ಕ್ಯಾನ್ಸಲ್- ಡೈರೆಕ್ಟ್‌ ಪಾಸ್‌!

ಹಾಗೆಂದು ಮೊಬೈಲ್‌ ಆ್ಯಪ್‌ ಡೌನ್‌ಲೋಡ್‌ ಮಾಡಿಕೊಳ್ಳುವುದು ಕಡ್ಡಾಯವೇನಲ್ಲ. ಒಂದು ವೇಳೆ ಮುಬೈಲ್‌ಗೆ ಡಿಜಿಲಾಕರ್‌ ಆ್ಯಪ್‌ ಡೌನ್‌ಲೋಡ್‌ ಮಾಡಿಕೊಳ್ಳಲು ಇಚ್ಛಿಸದಿದ್ದರೆ, digilocker.gov.in ವೆಬ್‌ಸೈಟ್‌ ಮೂಲಕವೂ ತಮ್ಮ ಮಾರ್ಕ್ಸ್‌ ಕಾರ್ಡ್‌ ಪಡೆಯಬಹುದಾಗಿದೆ.



ವೆಬ್‌ಸೈಟ್‌ನಿಂದ ಮಾರ್ಕ್ಸ್‌ ಕಾರ್ಡ್‌ ಪಡೆಯುವುದು ಹೇಗೆ?
ನಿಮ್ಮ ಪರೀಕ್ಷೆಯ ನೋಂದಣಿ ಸಂಖ್ಯೆಯನ್ನು ಬಳಸಿ digilocker.gov.in ವೆಬ್‌ಸೈಟ್‌ಗೆ ಲಾಗಿನ್‌ ಆಗಬಹುದು.

• ನೋಂದಣಿಸಂಖ್ಯೆ ಎಂಟರ್ ಆದೊಡನೆ ನಿಮ್ಮ ಮೊಬೈಲ್‌ ಸಂಖ್ಯೆಗೆ ಒಟಿಪಿ (ಒನ್‌ ಟೈಮ್‌ ಪಾಸ್‌ವರ್ಡ್‌) ಬರುತ್ತದೆ. ಇದನ್ನು ಬಳಸಿ ನಿಮ್ಮ ಡಿಜಿಲಾಕರ್‌ ಅಕೌಂಟ್‌ ಬಳಸಬಹುದು. ಇದಲ್ಲಿ ವಿದ್ಯಾರ್ಥಿಗಳು ತಮ್ಮ ಆಧಾರ್ ಸಂಖ್ಯೆಯನ್ನು ನೋಂದಾಯಿಸಿಕೊಳ್ಳುವ ಮೂಲಕವೂ ಡಿಜಿಲಾಕರ್‌ ಅಕೌಂಟ್‌ ಅಕ್ಸೆಸ್‌ ಮಾಡಬಹುದಾಗಿದೆ.
• ಒಟಿಪಿ ನಂಬರ್‌ ನಮೂದಿಸಿದ ನಂತರ ಸೆಕ್ಯೂರಿಟಿ ಪನ್‌ ಕೇಳಲಾಗುತ್ತದೆ. ವಿದ್ಯಾರ್ಥಿಗಳ ತಮ್ಮ ನೋಂದಣಿ ಸಂಖ್ಯೆಯ ಕೊನೆಯ 6 ನಂಬರ್‌ಗಳನನ್ನು ಸೆಕ್ಯೂರಿಟಿ ನಂಬರ್‌ ಆಗಿ ಬಳಸಬೇಕು.
• ಲಾಗಿನ್‌ ಆದ ನಂತರ್‌ ಡ್ಯಾಶ್‌ಬೋರ್ಡ್‌ನಲ್ಲಿ ಕಾಣಿವ 'ಲಿಸ್ಟ್‌ ಆಫ್‌ ಡಾಕ್ಯುಮೆಂಟ್‌' ನಲ್ಲಿ ತಮ್ಮ ಡಿಜಿಟಲ್‌ ಮಾರ್ಕ್ಸ್‌ ಕಾರ್ಡ್‌ ಅನ್ನು ಡೌನ್‌ಲೋಡ್‌ ಮಾಡಿಕೊಳ್ಳಬಹುದು.

ICSE, ISC 2020 ಫಲಿತಾಂಶ ಪ್ರಕಟ: ಚೆಕ್‌ ಮಾಡುವುದು ಹೇಗೆ ಇಲ್ಲಿ ತಿಳಿಯಿರಿ..

ಈ ಮಾರ್ಕ್ಸ್‌ ಕಾರ್ಡ್‌ಗಳನ್ನು ಬಳಸಿ ಮುಂದಿನ ವಿದ್ಯಾಭ್ಯಾಸಕ್ಕೆ ಪ್ರವೇಶ ಪಡೆಯಬಹುದಾಗಿದೆ. 10ನೇ ತರಗತಿ ವಿದ್ಯಾರ್ಥಿಗಳಿಗೆ ಈ ಬಾರಿ ಕಂಬೈನ್ಡ್‌ ಮಾರ್ಕ್ಸ್ ಷೀಟ್‌ ಕಮ್ ಪಾಸಿಂಗ್‌ ಸರ್ಟಿಫಿಕೇಟ್‌ ನೀಡಲಿದೆ. ಅಂದರೆ, 12ನೇ ತರಗತಿ ವಿದ್ಯಾರ್ಥಿಗಳಿಗೆ ಕಂಬೈನ್ಡ್‌ ಮಾರ್ಕ್ಸ್ ಷೀಟ್‌ ಮತ್ತು ಪಾಸಿಂಗ್‌ ಸರ್ಟಿಫಿಕೇಟ್‌ ಎರಡನ್ನೂ ಪ್ರತ್ಯೇಕವಾಗಿನೀಡಲಿದೆ.