ಇಂಡೋ-ಚೀನಾ ಗಡಿಯಲ್ಲಿ ಹೆಚ್ಚುವರಿ ಯೋಧರನ್ನು ನೇಮಿಸಲು ಕೇಂದ್ರ ಚಿಂತನೆ

ಹೊಸದಿಲ್ಲಿ: ಇಂಡೋ-ಚೀನಾ ಗಡಿಯಲ್ಲಿರುವ ವಾಸ್ತವಿಕ ನಿಯಂತ್ರಣ ರೇಖೆ (ಎಲ್‌ಎಸಿ)ಯಲ್ಲಿಇಂಡೋ ಟಿಬೆಟ್‌ ಬಾರ್ಡರ್‌ ಪೊಲೀಸ್‌ (ಐಟಿಬಿಪಿ) ಪಡೆಗೆ 3000 ಹೆಚ್ಚುವರಿ ಯೋಧರನ್ನು ನಿಯೋಜಿಸಲು ಕೇಂದ್ರ ಸರಕಾರ ಬುಧವಾರ ಸಮ್ಮತಿ ನೀಡಿದೆ.

18 ವರ್ಷಗಳ ಬಳಿಕ ಗಡಿಯಲ್ಲಿನ ಸಿಬ್ಬಂದಿ ಪ್ರಮಾಣದ ಪರಿಷ್ಕರಣೆಗೆ ಸರಕಾರ ಮುಂದಾಗಿದ್ದು, 3 ಸಾವಿರ ಹೊಸ ಹುದ್ದೆಗಳನ್ನು ಸೃಷ್ಟಿಸುವ ಜತೆಗೆ ಎರಡು ಹೊಸ ಕಮಾಂಡ್‌ಗಳನ್ನು ಕೂಡ ಇಂಡೋ ಟಿಬೆಟ್‌ ಬಾರ್ಡರ್‌ ಪೊಲೀಸ್‌ ಅಡಿಯಲ್ಲಿ ತೀರ್ಮಾನಿಸಿದೆ.

ಕ್ಸಿ-ಜಿನ್ ಪಿಂಗ್ ಭಾರತದಿಂದ ಮರಳಿದ ಬೆನ್ನಲ್ಲೇ ಭಾರತ ಗಡಿ ಸಮೀಪ ಚೀನಾದಿಂದ ಯುದ್ಧ ತರಬೇತಿ

ಚಂಡೀಗಢ ಮತ್ತು ಗುವಾಹಟಿಯಲ್ಲಿ ಹೊಸ ಕಮಾಂಡ್‌ಗಳು ಕಾರ್ಯನಿರ್ವಹಿಸಲಿವೆ. ಇವುಗಳ ನೇತೃತ್ವವನ್ನು ಹೆಚ್ಚುವರಿ ಪ್ರಧಾನ ನಿರ್ದೇಶಕರು ವಹಿಸಲಿದ್ದಾರೆ. ಒಂದೂವರೆ ವರ್ಷ ಹಿಂದೆಯೇ ಐಟಿಬಿಪಿಯ ಎ-ಗ್ರೂಪ್‌ ಹುದ್ದೆಗಳು ಹಾಗೂ ನಾನ್‌ ಜನರಲ್‌ ಹುದ್ದೆಗಳ ಪರಿಷ್ಕರಣೆಗೆ ಪ್ರಸ್ತಾವನೆ ಸಲ್ಲಿಸಲಾಗಿತ್ತು.

ಚೀನಾ ಗಡಿಯಲ್ಲಿಅಲ್ಲಿನ ಸೈನಿಕರೊಂದಿಗೆ ಉತ್ತರ ಸಂವಹನ ಸಾಧ್ಯವಾಗಿಸುವ ಉದ್ದೇಶದಿಂದ ಐಟಿಬಿಪಿಯ 200 ಯೋಧರಿಗೆ ಮ್ಯಾಂಡಿನ್‌ ಭಾಷೆ ಕಲಿಕಾ ತರಬೇತಿಯನ್ನು ನೀಡಲಾಗುತ್ತಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.