ವಲಸೆ ಕಾರ್ಮಿಕರಿಂದ ಟಿಕೆಟ್ ದರ ವಸೂಲಿ ಮಾಡುವುದಾಗಿ ಹೇಳಿಯೇ ಇಲ್ಲ: ಕೇಂದ್ರ!

ನವದೆಹಲಿ: 'ಶ್ರಮಿಕ' ರೈಲುಗಳ ಟಿಕೆಟ್ ದರ ವಸೂಲಿ ಕುರಿತು ಭುಗಿಲೆದ್ದಿರುವ ವಿವಾದದ ಕುರಿತು ಸ್ಪಷ್ಟನೆ ನೀಡಿರುವ ಕೇಂದ್ರ ಸರ್ಕಾರ, ವಲಸೆ ಕಾರ್ಮಿಕರಿಂದ ಟಿಕೆಟ್ ದರ ವಸೂಲಿ ಮಾಡುವುದಾಗಿ ತಾನು ಹೇಳಿಯೇ ಇಲ್ಲ ಎಂದು ಸ್ಪಷ್ಟಪಡಿಸಿದೆ.

ಈ ಕುರಿತು ಸುದ್ದಿಗೋಷ್ಠಿಯಲ್ಲಿ ಕೇಳಲಾದ ಪ್ರಶ್ನೆಗೆ ಉತ್ತರಿಸಿದ ಆರೋಗ್ಯ ಇಲಾಖೆ ಜಂಟಿ ಕಾರ್ಯದರ್ಶಿ ಲವ್ ಅಗರ್‌ವಾಲ್, ವಲಸೆ ಕಾರ್ಮಿಕರಿಂದ, ಪ್ರವಾಸಿಗರಿಂದ ಹಾಗೂ ವಿದ್ಯಾರ್ಥಿಗಳಿಂದ ರೈಲು ಟಿಕೆಟ್ ದರ ವಸೂಲಿ ಮಾಡುವುದಾಗಿ ಕೇಂದ್ರ ಸರ್ಕಾರ ಎಲ್ಲಿಯೂ ಹೇಳಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

'ಶ್ರಮಿಕ'ರಿಂದ ಟಿಕೆಟ್ ದರ: ಕೇಂದ್ರದ ನಡೆ ಟೀಕಿಸಿ ಸಚಿವರಿಂದ ಸ್ಪಷ್ಟತೆ ಪಡೆದುಕೊಂಡ ಸ್ವಾಮಿ!

'ಶ್ರಮಿಕ' ವಿಶೇಷ ರೈಲುಗಳನ್ನು ಓಡಿಸಲು ನಿರ್ಧಾರ ಮಾಡಿದಾಗಲೇ ರೈಲು ಟಿಕೆಟ್ ದರಗಳನ್ನು ಶೇ.85ರಷ್ಟು ರೈಲ್ವೆ ಇಲಾಖೆ ಹಾಗೂ ಶೇ.15ರಷ್ಟು ರಾಜ್ಯ ಸರ್ಕಾರಗಳು ಭರಿಸುವ ಕುರಿತು ಒಪ್ಪಂದವಾಗಿತ್ತು. ಈ ಮಧ್ಯೆ ವಲಸೆ ಕಾರ್ಮಿಕರಿಂದ ಹಣ ವಸೂಲಿ ಮಾಡುವ ಪ್ರಶ್ನೆ ಎಲ್ಲಿಂದ ಬಂತು ಎಂದು ಲವ್ ಅಗರ್‌ವಾಲ್ ಪ್ರಶ್ನಿಸಿದ್ದಾರೆ.


ವಲಸೆ ಕಾರ್ಮಿಕರಿಂದ ಎಲ್ಲಿಯೂ ರೈಲು ಟಿಕೆಟ್ ದರ ವಸೂಲಿ ಮಾಡುತ್ತಿಲ್ಲ. ಅವರನ್ನು ಉಚಿತವಾಗಿಯೇ ಅವರ ಸ್ವಂತ ರಾಜ್ಯಗಳಿಗೆ ಕಳುಹಿಸಲಾಗುತ್ತಿದ್ದು, ಈ ಕುರಿತು ಯಾವುದೇ ಗೊಂದಲ ಬೇಡ ಎಂದು ಲವ್ ಅಗರ್‌ವಾಲ್ ಮನವಿ ಮಾಡಿದರು.

ವಲಿಸಿಗರ ರೈಲು ಟಿಕೆಟ್ ದರ ಕಾಂಗ್ರೆಸ್ ಭರಿಸುತ್ತದೆ: ಕೇಂದ್ರದ ವಿರುದ್ಧ ಸೋನಿಯಾ ಗರಂ!

ಕೇಂದ್ರ ಸರ್ಕಾರ ವಲಸೆ ಕಾರ್ಮಿಕರಿಂದ ರೈಲು ಟಿಕೆಟ್ ದರ ವಸೂಲಿ ಮಾಡುತ್ತಿದ್ದು, ಶ್ರಮಿಕರ ಟಿಕೆಟ್ ದರಗಳನ್ನು ಕಾಂಗ್ರೆಸ್ ಪಕ್ಷವೇ ಭರಿಸಲಿದೆ ಎಂದು ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಹೇಳಿದ್ದನ್ನು ಇಲ್ಲಿ ಸ್ಮರಿಸಬಹುದು.