ಪಶ್ಚಿಮಘಟ್ಟ: ಆರು ರಾಜ್ಯಗಳ ಜತೆ ಕೇಂದ್ರ ಸಮಾಲೋಚನೆ

ಹೊಸದಿಲ್ಲಿ: ಕರ್ನಾಟಕ, ತಮಿಳುನಾಡು, ಕೇರಳ, ಮಹಾರಾಷ್ಟ್ರ ಸೇರಿ ಆರು ರಾಜ್ಯಗಳಲ್ಲಿ ಹಾದುಹೋಗಿರುವ ಪಶ್ಚಿಮ ಘಟ್ಟಗಳ ಸಾಲಿನ 56,825 ಚದರ ಕಿಲೋಮೀಟರ್‌ ವ್ಯಾಪ್ತಿಯ ಜೈವಿಕ ಸೂಕ್ಷ್ಮ ಪ್ರದೇಶದ ವ್ಯಾಪ್ತಿ ಗುರುತಿಸಿ ರೂಪಿಸಲಾಗಿದ್ದ ಕರಡು ಅಧಿಸೂಚನೆಯ ಕುರಿತು ಕೇಂದ್ರ ಸರಕಾರ ಮತ್ತೊಮ್ಮೆ ರಾಜ್ಯಗಳ ಜತೆಗೆ ಸಮಾಲೋಚನೆ ನಡೆಸಲಿದೆ.

ಅಧಿಸೂಚನೆಯ ಅವಧಿ ಆಗಸ್ಟ್‌ 26ರಂದು ಮುಗಿದಿದ್ದರಿಂದ ಕೇಂದ್ರ ಸರಕಾರ ಮರು ಅಧಿಸೂಚನೆ ಹೊರಡಿಸಬೇಕು ಮತ್ತು ಮತ್ತು ಜೈವಿಕ ಪ್ರದೇಶವೆಂದು ಗುರುತಿಸಿದ ವ್ಯಾಪ್ತಿಯಲ್ಲಿ ಮಾರ್ಪಾಡು ಮಾಡದಂತೆ ರಾಷ್ಟ್ರೀಯ ಹಸಿರು ನ್ಯಾಯಾಧೀಕರಣ ಆದೇಶಿಸಿದ ಬೆನ್ನಲ್ಲೇ ಸರಕಾರ ಈ ಕ್ರಮಕ್ಕೆ ಮುಂದಾಗಿದೆ ಎಂದು ಮೂಲಗಳು ಹೇಳಿವೆ. ಕೇರಳ ಪ್ರವಾಹ ಹಿನ್ನೆಲೆಯಲ್ಲೂ ಇದು ಮಹತ್ವ ಪಡೆದಿದೆ.