ಚಂದ್ರಯಾನ 2: ಚಂದ್ರನ ಮೇಲ್ಮೈನ ಹೊಸ ಕುಳಿಗಳ ಬಗ್ಗೆ ಆರ್ಬಿಟರ್‌ನಿಂದ ಅಧ್ಯಯನ

ಚೆನ್ನೈ: ಚಂದ್ರನ ಮೇಲ್ಮೈನಲ್ಲಿ ಹೊಸ ಜ್ವಾಲಾಮುಖಿ ಕುಳಿಗಳನ್ನು ಚಂದ್ರಯಾನ 2 ಆರ್ಬಿಟರ್‌ ಪತ್ತೆ ಮಾಡಿದೆ. ಇಸ್ರೋ ಈ ಚಿತ್ರಗಳನ್ನು ತನ್ನ ಟ್ವಿಟರ್‌ ಹ್ಯಾಂಡಲ್‌ನಲ್ಲಿ ಪೋಸ್ಟ್‌ ಮಾಡಿದೆ.

ಚಂದ್ರಯಾನ 2 ಆರ್ಬಿಟರ್‌ನ ಡುವೆಲ್‌ ಫ್ರೀಕ್ವೆನ್ಸಿ-ಸಿಂಥೆಟಿಕ್‌ ಅಪಾರ್ಚರ್ ರೆಡಾರ್‌ (ಡಿಎಫ್‌- ಎಸ್‌ಎಆರ್‌) ಈ ಹೊಸ ಚಿತ್ರಗಳನ್ನು ತೆಗೆದು ಇಸ್ರೋಗೆ ರವಾನಿಸಿದೆ.

ಚಂದ್ರನ ಮೇಲ್ಮೈಗೆ ಉಗಮವಾದಾಗಿನಿಂದಲೂ, ಉಲ್ಕೆ, ಕ್ಷುದ್ರ ಗ್ರಹ, ಧೂಮಕೇತುಗಳು ಅಪ್ಪಳಿಸುತ್ತಿದೆ. ಇದರಿಂದಾಗಿಯೇ ಚಂದ್ರನ ಮೇಲ್ಮೈ ಮೇಲೆ ಅನೇಕ ರೀತಿಯ, ಅನೇಕ ಗಾತ್ರದ ಕುಳಿಗಳನ್ನು ಕಾಣಬಹುದಾಗಿದೆ. ಕೆಲ ಕುಳಿಗಳು ವೃತ್ತಾಕಾರದಲ್ಲಿದ್ದರೆ ಗಾತ್ರದಲ್ಲಿ ಸಣ್ಣದಾಗಿವೆ. ಇನ್ನೂ ಕೆಲವು ಕುಳಿಗಳಲ್ಲಿ ಒಳಗೆ ರಿಂಗ್‌ ಫಾರ್ಮೇಷನ್ ಕಾಣಬಹುದು. ವಿವಿಧ ಬಗೆಯ ಗಾತ್ರದಲ್ಲಿರುವ ಕುಳಿಗಳನ್ನು ಗುರುತಿಸಲಾಗಿದೆ ಎಂದು ಇಸ್ರೋ ತಿಳಿಸಿದೆ.

ಇಸ್ರೊ ಕಲಿಸಿದ ಪಾಠ: ಯಶಸ್ಸು, ವೈಫಲ್ಯ ಚಂದ್ರಯಾನಕ್ಕೆ ಮಾತ್ರ

ಆರ್ಬಿಟರ್ ಈ ಕುಳಿಗಳ ಗಾತ್ರ, ಹರಡಿರುವ ರೀತಿಯ ಜತೆಗೆ, ಚಂದ್ರನ ಮೇಲ್ಮೈಗೆ ಅಪ್ಪಳಿಸಿದ ವಸ್ತು(ಇಜೆಕ್ಟಾ), ಅಪ್ಪಳಿಸಿದ ಬಳಿಕ ಇವುಗಳು ಹರಡಿಕೊಂಡಿರುವ ದೂರ ಇತ್ಯಾದಿಗಳನ್ನು ಅಧ್ಯಯನ ನಡೆಸುತ್ತಿದೆ. ಇದರಿಂದ ಕೇವಲ ಮೇಲ್ಮೈನ ಕುಳಿಗಳ ಬಗೆಗಿನ ಮಾಹಿತಿ ಮಾತ್ರವಲ್ಲದೆ, ಅಪ್ಪಳಿಸಿದ ವಸ್ತುವಿನ ಬಗ್ಗೆಯೂ ಅತ್ಯಂತ ಅಗತ್ಯವಾದ ಮಾಹಿತಿಗಳನ್ನು ಕಂಡುಕೊಳ್ಳಬಹುದು.

ವಿಕ್ರಮ್‌ ಫೇಲಾದರೂ ಆರ್ಬಿಟರ್‌ ಟಾಪರ್‌

ಇಜೆಕ್ಟಾಗಳನ್ನು ಕೆಲವೊಂದು ಸ್ಥಳಗಳಲ್ಲಿ ಕಂಡುಹುಡುಕುವುದೂ ಕಷ್ಟವಾಗಿದೆ. ಏಕೆಂದರೆ ಪ್ರತೀಕೂಲ ಹವಾಮಾನದ ಹಿನ್ನೆಲೆಯಲ್ಲಿ ಇಜೆಕ್ಟಾಗಳು ಸಂಪೂರ್ಣವಾಗಿ ಧೂಳು, ಕಲ್ಲುಗಳಿಂದ ಆವೃತವಾಗಿದೆ ಎಂದು ಇಸ್ರೋ ಹೇಳಿದೆ. ಇದಕ್ಕಾಗಿಯೇ ಚಂದ್ರಯಾನದಲ್ಲಿ ಎಸ್‌ಎಆರ್‌ ಶಕ್ತಿಶಾಲಿ ರಿಮೋಟ್‌ ಸೆನ್ಸಿಂಗ್‌ ಸಾಧನವನ್ನು ಅಳವಡಿಸಲಾಗಿದೆ. ಚಂದ್ರಯಾನ 2 ಆರ್ಬಿಟರ್‌ನಲ್ಲಿ ಅಳವಡಿಸಲಾಗಿರುವ ಸಿಂಥೆಟಿಕ್‌ ಅಪಾರ್ಚರ್‌ ರೆಡಾರ್(ಎಸ್‌ಎಆರ್‌) ಅತ್ಯಂತ ಶಕ್ತಿಶಾಲಿಯಾಗಿದ್ದು, ಮಣ್ಣಲ್ಲಿ ಹುದುಗಿದ ಇಜೆಕ್ಟಾಗಳನ್ನು ಕಂಡುಕೊಳ್ಳಬಲ್ಲ ಶಕ್ತಿ ಹೊಂದಿದೆ. ಈ ಉಪಕರಣ ಈ ವರೆಗಿನ ಬಾಹ್ಯಾಕಾಶ ವಿಭಾಗದಲ್ಲಿ ಬಳಸಲಾದ ಅತ್ಯಂತ ಶಕ್ತಿಶಾಲಿ ಉಪಕರಣ ಎಂದೇ ಹೇಳಲಾಗಿದೆ.

ಚಂದ್ರಯಾನ-2 ಆರ್ಬಿಟರ್ ಉತ್ತಮ ರೀತಿಯಲ್ಲಿ ಕೆಲಸ

ಚಂದ್ರಯಾನ 2 ಆರ್ಬಿಟರ್‌ ದಕ್ಷಿಣ ಧ್ರುವ ಪ್ರದೇಶದ ಸಮೀಪದಲ್ಲಿ ಇತ್ತೀಚಿನ ಕುಳಿಗಳನ್ನು ಗುರುತಿಸಿದೆ. ಅಲ್ಲದೆ ಇಜೆಕ್ಟಾ ಹಾಗೂ ಇತ್ಯಾದಿ ವಿವರವನ್ನೂ ನೀಡಿದೆ.