‘ಛೋಟಾ’ ಎದೆ ನೋವು: ತಿಹಾರ್ ಜೈಲಲ್ಲಿ ತಲ್ಲಣ

ಹೊಸದಿಲ್ಲಿ: ತಿಹಾರ್ ಜೈಲಿನಲ್ಲಿರುವ ಭೂಗತ ಪಾತಕಿ ಛೋಟಾ ರಾಜನ್‌ಗೆ ಕಾಣಿಸಿಕೊಂಡ ಎದೆನೋವು ಜೈಲು ಅಧಿಕಾರಿಗಳು ಮತ್ತು ಆಡಳಿತ ವರ್ಗದಲ್ಲಿ ತಲ್ಲಣ ಸೃಷ್ಟಿಸಿದ ಘಟನೆ ವರದಿಯಾಗಿದೆ.

ಸೋಮವಾರ ಬೆಳಗಿನ ಜಾವ 3.50ಕ್ಕೆ ರಾಜನ್ ಎದೆ ತನಗೆ ಎದೆ ನೋವು ಕಾಣಿಸಿಕೊಂಡಿರುವುದಾಗಿ ಜೈಲಿನ ಸಿಬ್ಬಂದಿಗೆ ತಿಳಿಸಿದ್ದ. ತಕ್ಷಣವೇ ಜೈಲು ಸಿಬ್ಬಂದಿ ಛೋಟಾಗೆ ಹೃದಯಾಘಾತವಾಗಿರಬಹುದು ಎಂಬ ಆತಂಕಕ್ಕೀಡಾಯಿತು. ಕೂಡಲೇ ವೈದ್ಯರ ತಂಡ ಜೈಲಿಗೆ ದೌಡಾಯಿಸಿತು. ಹಿರಿಯ ಪೊಲೀಸ್ ಅಧಿಕಾರಿಗಳ ದಂಡೂ ಜೈಲಿನತ್ತ ಧಾವಿಸಿತು. ತಪಾಸಣೆ ನಡೆಸಿದ ವೈದ್ಯರು ರಾಜನ್‌ಗೆ ಹೃದಯಾಘಾತವಾಗಿಲ್ಲ ಎಂದಾಗ ಎಲ್ಲರೂ ನೆಮ್ಮದಿ ಉಸಿರು ಬಿಟ್ಟರು ಎಂದು ವರದಿಯಾಗಿದೆ. ಸದ್ಯ ರಾಜನ್‌ನನ್ನು ಬಹು ಎಚ್ಚರಿಕೆಯಿಂದ ನೋಡಿಕೊಳ್ಳಲಾಗುತ್ತಿದೆ.