ಅತ್ಯಾಚಾರ: ಕೇರಳದಲ್ಲಿ ತಲೆ ಮರೆಸಿರುವ ದೋಷಿ

ಮಲಪ್ಪುರಂ: ಮಕ್ಕಳ ಮೇಲಿನ ಅತ್ಯಾಚಾರ ಪ್ರಕರಣದಲ್ಲಿ ಬ್ರಿಟನ್‌ ನ್ಯಾಯಾಲಯ ದೋಷಿ ಎಂದು ಹೇಳಿರುವ ವ್ಯಕ್ತಿ ಕೇರಳದಲ್ಲಿ ತಲೆ ಮರೆಸಿಕೊಂಡಿದ್ದಾರೆ.

ಪ್ರಕರಣದ ವಿಚಾರಣೆ ನಡೆಸಿರುವ ಬ್ರಿಟನ್ ಕೋರ್ಟ್ ದೋಷಿ ವಿಜೇಶ್ ಕೂರಿಯಿಲ್‌ಗೆ 23 ವರ್ಷಗಳ ಜೈಲು ಶಿಕ್ಷೆ ಪ್ರಕಟಿಸಿದೆ. ಪರಪ್ಪನಂಗಡಿ ನಿವಾಸಿ ವಿಜೇಶ್ ಆಕ್ಸ್‌ಫರ್ಡ್‌ ವಿವಿಯಲ್ಲಿ ಎಂಬಿಎ ಓದಿದ್ದು, ಕೆಲವು ದಿನಗಳ ಹಿಂದೆ ಪತ್ನಿ ಜತೆ ಇಲ್ಲಿಗೆ ಆಗಮಿಸಿದ್ದರು.

ಮಕ್ಕಳ ಮೇಲಿನ ಅತ್ಯಾಚಾರ ಪ್ರಕರಣದಲ್ಲಿ ನ್ಯಾಯಾಲಯ ಶಿಕ್ಷೆ ವಿಧಿಸಿರುವುದನ್ಜು ಮಾಧ್ಯಮಗಳ ಮೂಲಕ ತಿಳಿದ ಬಳಿಕ ಅವರು ಭಾನುವಾರದಿಂದ

ನಾಪತ್ತೆಯಾಗಿದ್ದು, ಹುಡುಕಾಟ ನಡೆಯುತ್ತಿದೆ. ವಿಜೇಶ್ ಅವರು ಮಕ್ಕಳ ಜತೆ ನಂಬಿಕೆ ಬರುವ ರೀತಿಯಲ್ಲಿ ವ್ಯವಹರಿಸುತ್ತಿದ್ದರು. ಆರು ಮತ್ತು ಏಳು ವರ್ಷದ ಮಕ್ಕಳ ಮೇಲೆ ಅತ್ಯಾಚಾರ ನಡೆಸಿರುವ ಪ್ರಕರಣದಲ್ಲಿ ಸಿಕ್ಕಿ ಹಾಕಿಕೊಂಡಿದ್ದು, ಕೋರ್ಟ್ ಬೇಷರತ್ ಜಾಮೀನು ನೀಡಿತ್ತು. ಅದರ ಪ್ರಯೋಜನ ಪಡೆದು ಅವರು ಭಾರತಕ್ಕೆ ಬಂದಿದ್ದರು.

ಅತ್ಯಾಚಾರ ಪ್ರಕರಣದಲ್ಲಿ ಸಿಕ್ಕಿ ಹಾಕಿಕೊಂಡು ದೋಷಿ ಎಂದು ನ್ಯಾಯಾಲಯ ಹೇಳಿರುವುದು ಆಘಾತವುಂಟು ಮಾಡಿದೆ. ರಜೆಯಲ್ಲಿ ಊರಿಗೆ ಬಂದಿದ್ದ ಎಂದು ಭಾವಿಸಿದ್ದಾಗಿ ವಿಜೇಶ್ ಅವರ ಕುಟುಂಬದವರು ಪ್ರತಿಕ್ರಿಯಿಸಿದ್ದಾರೆ.