ಹೊಸದಿಲ್ಲಿ: ಮನುಕುಲವನ್ನು ಕಾಡುತ್ತಿರುವ ಸಾಂಕ್ರಾಮಿಕ ರೋಗ ಮಲೇರಿಯಾವನ್ನು 2020ರ ವೇಳೆಗೆ ನಿರ್ಮೂಲನೆಗೊಳಿಸಲು ಭಾರತ ಸೇರಿದಂತೆ ವಿಶ್ವದ ಬಹುತೇಕ ರಾಷ್ಟ್ರಗಳು ಪಣ ತೊಟ್ಟಿವೆ. ಈ ಕುರಿತು ಚೀನಾದಲ್ಲಿ ನಡೆದ ಎರಡು ದಿನಗಳ 'ಇ-2020 ಜಾಗತಿಕ ಒಕ್ಕೂಟ'ದ ಶೃಂಗಸಭೆಯಲ್ಲಿ ಗಂಭೀರ ಚರ್ಚೆ ನಡೆಸಲಾಗಿದೆ. ಚೀನಾ, ಪರುಗ್ವೆ, ಅಲ್ಜೀರಿಯಾ ಸೇರಿದಂತೆ ಹಲವು ರಾಷ್ಟ್ರಗಳು ಮಲೇರಿಯಾ ಮುಕ್ತಗೊಂಡಿವೆ. 1940ರಲ್ಲಿ ಚೀನಾ ಒಂದರಲ್ಲಿಯೇ ಮೂರು ಕೋಟಿ ಜನ ಮಲೇರಿಯಾ ಪಿಡುಗಿನಿಂದ ಬಳಲಿದ್ದರು. 2017ರ ವೇಳೆಗೆ ಚೀನಾದಲ್ಲಿ ಒಂದೇ ಒಂದು ಮಲೇರಿಯಾ ಪ್ರಕರಣ ಪತ್ತೆಯಾಗಿಲ್ಲ. ಇದೊಂದು ಯಶಸ್ಸಿನ ದೊಡ್ಡ ನಿದರ್ಶನ ಎಂದು ಶೃಂಗಸಭೆ ಬಣ್ಣಿಸಿದೆ. ಈ ಯಶಸ್ಸಿನ ಮಾದರಿಯನ್ನೇ ಉಳಿದ ದೇಶಗಳೂ ಹಂಚಿಕೊಳ್ಳುವ ಅಗತ್ಯ ಇದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಮಲೇರಿಯಾ ನಿರ್ಮೂಲನಾ ಕಾರ್ಯಕ್ರಮದ ಮುಖ್ಯಸ್ಥ ಡಾ.ಕಿಮ್ ಲಿಂಡ್ಬ್ಲೇಡ್ ಹೇಳಿದ್ದಾರೆ.
ಮಲೇರಿಯಾ ನಿರ್ಮೂಲನೆಗೆ ಪಣ
ಚೀನಾ, ಪರುಗ್ವೆ, ಅಲ್ಜೀರಿಯಾ ಸೇರಿದಂತೆ ಹಲವು ರಾಷ್ಟ್ರಗಳು ಮಲೇರಿಯಾ ಮುಕ್ತಗೊಂಡಿವೆ. 1940ರಲ್ಲಿ ಚೀನಾ ಒಂದರಲ್ಲಿಯೇ ಮೂರು ಕೋಟಿ ಜನ ಮಲೇರಿಯಾ ಪಿಡುಗಿನಿಂದ ಬಳಲಿದ್ದರು.
PTI 21 Jun 2019, 5:00 am