ಡೋಕ್ಲಾಮ್‌ ಬಿಕ್ಕಟ್ಟು: ಚೀನಾದಿಂದ ಸಮರಾಭ್ಯಾಸ

ಹೊಸದಿಲ್ಲಿ: ಡೋಕ್ಲಾಮ್ ವಿವಾದ ಚೀನಾ-ಭಾರತ ರಾಷ್ಟ್ರಗಳ ಗಡಿಯಲ್ಲಿ ಸಂಘರ್ಷ ಏರ್ಪಟ್ಟಿದ್ದು ಚೀನಾ ಪೀಪಲ್ಸ್ ಲಿಬರೇಷನ್ ಆರ್ಮಿ ಗೌಪ್ಯ ಪ್ರದೇಶದಲ್ಲಿ ಸಮರಾಭ್ಯಾಸ ನಡೆಸಿದೆ ಎಂದು ಚೀನೀ ಮಾಧ್ಯಮ ವರದಿ ಮಾಡಿದೆ.

ಡೋಕ್ಲಾಮ್ ಗಡಿ ವಿವಾದಿಂದಾಗಿ ಕಳೆದ 3 ತಿಂಗಳಿನಿಂದಲೂ ಭಾರತ ಹಾಗೂ ಚೀನಾ ನಡುವಿನ ಸಂಬಂಧ ತೀವ್ರವಾಗಿ ಹದಗೆಟ್ಟಿದ್ದು, ಯುದ್ಧೋತ್ಸಾಹ ತೋರುತ್ತಿರುವ ಚೀನಾ ಯುದ್ಧ ತಾಲೀಮು ನಡೆಸಿರುವುದನ್ನು ಚೀನೀ ಮಾಧ್ಯಮ ಗ್ಲೋಬಲ್‌ ಟೈಮ್ಸ್‌ ವರದಿ ಮಾಡಿದೆ.

ಇದಕ್ಕೂ ಮುನ್ನ ಟಿಬೆಟಿಯನ್ ಪ್ರಸ್ಥಭೂಮಿ ಕ್ವಿಂಗೈನಲ್ಲಿ 10ಕ್ಕೂ ಅಧಿಕ ಚೀನಾ ಸೇನೆಯ ಯುನಿಟ್‌ಗಳನ್ನು ಅಭ್ಯಾಸದಲ್ಲಿ ಪಾಲ್ಗೊಂಡಿದ್ದವು ಎಂದು ಚೀನಾದ ಸೆಂಟ್ರಲ್ ಟೆಲಿವಿಷನ್ ಹಾಗೂ ಚೀನಾ ಮುದ್ರಣ ಮಾಧ್ಯಮ ವರದಿ ಮಾಡಿತ್ತು. ಇದನ್ನೇ ಉದಾಹರಣೆಯಾಗಿ ಬಳಸಿಕೊಂಡಿರುವ ಚೀನಾದ ಸರಕಾರಿ ಒಡೆತನದ ಪತ್ರಿಕೆ ಗ್ಲೋಬಲ್ ಟೈಮ್ಸ್ ಸಮರಾಭ್ಯಾದಲ್ಲಿ ಚೀನಾ ವಾಯುಪಡೆ ಕೂಡಾ ಭಾಗವಹಿಸಿತ್ತು ಎಂದು ಹೇಳಿದೆ.

ಚೀನೀ ಮಾಧ್ಯಮ ಯುದ್ಧಾಭ್ಯಾಸ ನಿರತ ಚೀನೀ ಪಡೆಗಳ 5 ನಿಮಿಷದ ವೀಡಿಯೋ ಕೂಡಾ ಟೆಲಿಕಾಸ್ಟ್‌ ಮಾಡಿತ್ತು, ವಾಯುಪಡೆ ಭಾರೀ ಸಮರಾಭ್ಯಾಸ ನಡೆಸಿದರೆ ಟ್ಯಾಂಕರ್‌ಗಳು ನಿಗದಿತ ಗುರಿಗೆ ದಾಳಿ ನಡೆಸುತ್ತಿರುವುದು ಈ ವೀಡಿಯೋದಲ್ಲಿ ದಾಖಲಾಗಿತ್ತು.

ಕಳೆದೆರಡು ತಿಂಗಳಿನಿಂದ ಭಾರತ-ಚೀನಾ ಗಡಿಯ ಸಿಕ್ಕಿಂ ವಲಯದಲ್ಲಿ ಸಂಘರ್ಷ ನಡೆಯುತ್ತಿದ್ದು, ಗಡಿ ಪ್ರದೇಶಕ್ಕೆ ಅಕ್ರಮವಾಗಿ ಪ್ರವೇಶಿಸಿದ ಚೀನೀ ಸೈನಿಕರು ಅಲ್ಲಿ ಇದ್ದ ಭಾರತೀಯ ಬಂಕರ್ ಗಳನ್ನು ನಾಶ ಮಾಡಿದ್ದರು.