ಸದ್ದಿಲ್ಲದೆ ಶಸ್ತ್ರಾಸ್ತ್ರಗಳ ಆಧುನಿಕರಣದಲ್ಲಿ ಚೀನಾ

ಹೊಸದಿಲ್ಲಿ: ಯುದ್ಧ ಶಸ್ತ್ರಾಸ್ತ್ರಗಳ ತಯಾರಿಯಲ್ಲಿ ಮುಂಚೂಣಿಯಲ್ಲಿದ್ದ ಅಮೆರಿಕವನ್ನು ಚೀನಾ ಹಾಗೂ ರಷ್ಯಾ ಹಿಂದಿಕ್ಕಿದೆ.
ಹಲವಾರು ವರ್ಷಗಳಿಂದ ಯುದ್ಧ ವಿಮಾನ, ಆಧುನಿಕ ವೈಮಾಂತರಿಕ್ಷ ಶಸ್ತ್ರಾಸ್ತ್ರಗಳ ತಯಾರಿಯಲ್ಲಿ ಮುಂಚೂಣಿಯಲ್ಲಿದ್ದ ಅಮೆರಿಕಕ್ಕೆ ಚೀನಾ ಹಾಗೂ ರಷ್ಯಾ ಇದೀಗ ಪೈಪೋಟಿ ನೀಡಲು ಮುಂದಾಗಿದೆ.

ಯುದ್ಧವಿಮಾನಗಳ ಮೂಲಕ ಪ್ರಖರ ವೈಮಾನಿಕ ದಾಳಿ, ಆಗಸದಿಂದಲೇ ಕ್ಷಿಪಣಿ ದಾಳಿಗಳನ್ನು ನಡೆಸುವ ಅತ್ಯಾಧುನಿಕ ಶಸ್ತ್ರಗಳ ತಯಾರಿಯಲ್ಲಿ ಚೀನಾ ಹಾಗೂ ರಷ್ಯಾ ಮುಂಚೂಣಿ ಸಾಧಿಸಿದೆ. ಭಾರತ ಹಾಗೂ ಚೀನಾದ ನರೆಯ ರಾಷ್ಟ್ರಗಳು ಸೇರಿದಂತೆ ಪಾಶ್ಚಾತ್ಯ ದೇಶಗಳಿಗೆ ಈ ಬೆಳವಣಿಗೆ ಆತಂಕಕಾರಿಯಾಗಿದೆ. ಅಲ್ಲದೆ ಶಸ್ತ್ರಾಸ್ತ್ರ ವಹಿವಾಟು ವಿಭಾಗದಲ್ಲಿ ಜಾಗತಿಕ ಮಟ್ಟದಲ್ಲಿ ಚೀನಾ ಹಾಗೂ ರಷ್ಯಾ ಅಧಿಪತ್ಯ ಸಾಧಿಸುತ್ತಿದೆ ಎಂದು ತಿಳಿದು ಬಂದಿದೆ.

ಚೀನಾ ಈ ಹಿಂದಿನಿಂದಲೂ ಕಡಿಮೆ ಗುಣಮಟ್ಟ ಹಾಗೂ ಸಣ್ಣ ಶಸ್ತ್ರಾಸ್ತ್ರಗಳನ್ನು ಚಿಕ್ಕ ರಾಷ್ಟ್ರಗಳಿಗೆ ಮಾರಾಟ ಮಾಡುತ್ತಿದೆ. ಜಾಗತಿಕ ಮಟ್ಟದ ಶಸ್ತ್ರಾಸ್ತ್ರ ಮಾರಾಟ ವಹಿವಾಟಿನಲ್ಲಿ ಚೀನಾ 3ನೇ ಸ್ಥಾನದಲ್ಲಿ ಗುರುತಿಸಿಕೊಂಡಿದೆ. ರಷ್ಯಾ ಹಾಗೂ ಚೀನಾ ಶಸ್ತ್ರಾಸ್ತ್ರಗಳ ಆಧುನಿಕರಣದಲ್ಲಿ ಮುಂಚೂಣಿಯಲ್ಲಿರುವುದರ ಜತೆಗೆ, ಅವುಗಳನ್ನು ಕ್ಷಿಪ್ರವಾಗಿ ಬಳಕೆ ಮಾಡಲೂ ಉತ್ಸುಕವಾಗಿದೆ ಎನ್ನಲಾಗಿದೆ.