ಲಡಾಖ್ ಗಡಿಯಲ್ಲಿ ಭಾರತೀಯ ಸೇನೆಗೆ ಸೆರೆಸಿಕ್ಕ ಚೀನಿ ಯೋಧ: ಎಲ್‌ಎಸಿ ದಾಟಿ ಹೇಗೆ ಬಂದ?

ಲಡಾಖ್: ಮಹತ್ವದ ಬೆಳವಣಿಗೆಯೊಂದರಲ್ಲಿ ಭಾರತ-ಚೀನಾ ನಡುವಿನ ಲಡಾಖ್ ವಾಸ್ತವ ಗಡಿ ನಿಯಂತ್ರಣ ರೇಖೆ(ಎಲ್‌ಎಸಿ) ಬಳಿ, ಚೀನಾದ ಪಿಎಲ್‌ಎ ಸೇನೆಯ ಯೋಧನೋರ್ವನನ್ನು ಭಾರತೀಯ ಸೇನೆ ಸೆರೆಹಿಡಿದಿದೆ.

ಇಲ್ಲಿನ ಪೂರ್ವ ಲಡಾಖ್ ಗಡಿಯ ಚುಮಾರ್-ಡೆಮ್ಚೋಕ್ ಎಲ್‌ಎಸಿ ಬಳಿ ಚೀನಾದ ವಾಂಗ್ ಯಾ ಲಾಂಗ್ ಎಂಬ ಚೀನಿ ಯೋಧನನ್ನು ಸೆರೆಹಿಡಿಯಲಾಗಿದೆ ಎಂದು ಭಾರತೀಯ ಸೇನೆ ಸ್ಪಷ್ಟಪಡಿಸಿದೆ.

ಆದರೆ ಈ ಚೀನಿ ಯೋಧ ಎಲ್‌ಎಸಿ ಗಡಿ ದಾಟಿ ಹೇಗೆ ಬಂದ ಎಂಬುದರ ಕುರಿತು ಇನ್ನಷ್ಟೇ ತನಿಖೆ ನಡೆಯಬೇಕಿದೆ ಎಂದು ಭಾರತೀಯ ಸೇನೆ ಮಾಹಿತಿ ನೀಡಿದೆ. ಸೆರೆಸಿಕ್ಕ ಯೋಧನನ್ನು ಮಿಲಿಟರಿ ನಿಯಮಾವಳಿಗಳ ಪ್ರಕಾರ ನಡೆಸಿಕೊಳ್ಳಲಾಗುತ್ತಿದೆ ಎಂದೂ ಸೇನೆ ಖಚಿತಪಡಿಸಿದೆ.

ಮಾತುಕತೆ ನಡುವೆಯೇ ಯುದ್ಧದ ಕಾರ್ಮೋಡ..! ಸೇನಾ ವಾಪಸಾತಿಗೆ ಭಾರತ-ಚೀನಾ ಹಿಂದೇಟು


ಸೆರೆಸಿಕ್ಕ ಚೀನಿ ಯೋಧ ವಾಂಗ್ ಯಾ ಲಾಂಗ್‌ನಿಗೆ ಪ್ರಾಥಮಿಕ ಚಿಕಿತ್ಸೆ ನೀಡಲಾಗಿದ್ದು, ಆತನಿಗೆ ಎಲ್ಲಾ ಅಗತ್ಯ ನೆರವು ನೀಡಲಾಗಿದೆ ಎಂದು ಗಡಿ ಪಡೆಯ ಕಮಾಂಡರ್‌ ಒಬ್ಬರು ಮಾಹಿತಿ ನೀಡಿದ್ದಾರೆ.

ಈಗಾಗಲೇ ಚೀನಿ ಪಡೆಗಳಿಗೆ ವಾಂಗ್ ಯಾ ಲಾಂಗ್ ಸುರಕ್ಷಿತವಾಗಿರುವ ಬಗ್ಗೆ ಮಾಹಿತಿ ರವಾನಿಸಲಾಗಿದ್ದು, ಮಿಲಿಟರಿ ಹಸ್ತಾಂತರ ನಿಯಮಾವಳಿಗಳನ್ನು ಅನುಸರಿಸಿ ಆತನನ್ನು ಪಿಎಲ್‌ಎಗೆ ಹಸ್ತಾಂತರಿಸಲಾಗುವುದು ಎಂದು ಹೇಳಲಾಗಿದೆ.

ಭಾರತ-ಚೀನಾ ಕಮಾಂಡರ್‌ ಮಟ್ಟದ ಸಭೆ: ಗಡಿಯಿಂದ ಡ್ರ್ಯಾಗನ್‌ ಸೇನೆ ಪೂರ್ಣ ವಾಪಸ್‌ಗೆ ಪಟ್ಟು!

ಲಡಾಖ್ ಗಡಿಯಲ್ಲಿ ಭಾರತ-ಚೀನಾ ಸೇನೆಗಳ ನಡುವೆ ಉದ್ವಿಗ್ನ ವಾತಾವರಣ ನಿರ್ಮಾಣವಾಗಿದ್ದರೂ, ಸೆರೆಸಿಕ್ಕ ಚೀನಿ ಸೈನಿಕನನ್ನು ಭಾರತೀಯ ಯೋಧರು ನಡೆಸಿಕೊಂಡ ರೀತಿ ಭಾರೀ ಮೆಚ್ಚುಗೆಗೆ ಪಾತ್ರವಾಗಿದೆ.


ಗಡಿಯಲ್ಲಿ ಕ್ಷಿಪಣಿ ನಿಯೋಜಿಸಿದ ಭಾರತ, ಚೀನಾ ತಂತ್ರಕ್ಕೆ ಸೇನೆಯ ಪ್ರತಿತಂತ್ರ

ಭಾರತೀಯ ಸೇನೆ ನಿಯಮಾವಳಿಗಳಿಗೆ ಬದ್ಧವಾದ ಸೇನೆಯಾಗಿದ್ದು, ಶತ್ರುಗಳನ್ನೂ ಗೌರವದಿಂದ ಕಾಣುತ್ತದೆ ಎಂಬುದಕ್ಕೆ ಈ ಘಟನೆ ತಾಜಾ ಉದಾಹರಣೆಯಾಗಿದೆ ಎಂದು ಹೇಳಬಹುದು.