ಚೀನಾ ಮತ್ತೆ ತಗಾದೆ: ಡೋಕ್ಲಾಮ್‌ ಪ್ರಾಂತ್ಯದಲ್ಲಿ ಸೈನಿಕರ ಜಮೆ

ಹೊಸದಿಲ್ಲಿ: ಡೋಕ್ಲಾಮ್‌ ವಿವಾದ ಬಗೆಹರಿಯಿತು ಎಂಬ ವರದಿಗಳು ಬಂದಿರುವ ಬೆನ್ನಲ್ಲೇ ಮತ್ತೆ ಚೀನಾ ತನ್ನ ತಂಟೆ ಮುಂದುವರಿಸಿದೆ.

ಡೋಕ್ಲಾಮ್‌ ವಿವಾದ ಅಂತ್ಯಗೊಂಡಿದೆ ಎನ್ನುವಷ್ಟರಲ್ಲೇ ಈಗ ಮತ್ತೆ ಡೋಕ್ಲಾಮ್‌ ವಿವಾದ ಭುಗಿಲೆದ್ದಿದೆ.

ಚೀನಾದ ಸೈನಿಕರು ಈ ಪ್ರದೇಶದಲ್ಲಿ ಜಮೆಯಾಗಿದ್ದಾರೆ. ಆದರೆ ಕಳೆದ ಬಾರಿ ಭಾರತೀಯ ಸೈನಿಕರ ಜತೆ ನಡೆಸಿದ ಕುಸ್ತಿಯ ಪ್ರದೇಶದಿಂದ ತುಸು ದೂರದಲ್ಲಿಯೇ ಸೈನಿಕರು ಇದ್ದಾರೆ.

ಈ ನಡುವೆ ಭೂತಾನ್‌ ಕೂಡ ಚೀನಾ ಜತೆ ಗಡಿ ವಿವಾದ ಕುರಿತು ಮಾತುಕತೆ ನಡೆಸಲು ಮುಂದಾಗಿದೆ.

ಭಾರತದಲ್ಲಿರುವ ಭೂತಾನ್ ರಾಯಭಾರಿ ವೆಟ್ಸಾಪ್‌ ನ್ಯಾಮಗಲ್‌ ಅವರು ಚೀನಾದ ರಾಯಭಾರಿ ಲೂ ಝಾವಾಯಿ ಜತೆ ಮಾತುಕತೆ ನಡೆಸಿದರು.

ಡೋಕ್ಲಾಮ್‌ನಿಂದ ಯೋಧರನ್ನು ಹಿಂದಕ್ಕೆ ಕರೆಸಿಕೊಳ್ಳಬೇಕೆಂದು ಕೆಲವು ವಾರಗಳ ಹಿಂದೆ ಭಾರತ-ಚೀನಾ ನಿರ್ಧಾರ ತೆಗೆದುಕೊಂಡಿತ್ತು. ಆದರೆ ಚೀನಾ ಯೋಧರು ಇಲ್ಲಿಯೇ ಬೀಡುಬಿಟ್ಟಿದ್ದಾರೆಂದು ಕೆಲವು ಮಾಧ್ಯಮಗಳಲ್ಲಿ ವರದಿಯಾಗಿತ್ತು.

ಈಗ ಮತ್ತೆ ಚೀನಾ ತನ್ನ ತಂಟೆ ಆರಂಭಿಸಿದೆ.

Chinese troops in Doklam region