ಲಡಾಖ್‌ನಲ್ಲಿ ಹೋದ ಮಾನ ಸಾಲದು ಎಂಬಂತೆ ಅರುಣಾಚಲ ಗಡಿಯಲ್ಲಿ ಚಟುವಟಿಕೆ ಹೆಚ್ಚಿಸಿದ ಚೀನಾ!

ನವದೆಹಲಿ: ಲಡಾಖ್‌ ಗಡಿಯಲ್ಲಿ ಹೂಂಕರಿಸಿ ಬಂದು ಭಾರತೀಯ ಸೇನೆಯಿಂದ ಪೆಟ್ಟು ತಿಂದಿರುವ ಚೀನಿ ಪಡೆ, ಇದೀಗ ಪ್ಯಾಂಗಾಂಗ್ ತ್ಸೋ ಸರೋವರದ ದಕ್ಚಿಣ ದಂಡೆಯಲ್ಲಿ ಕಳೆದುಕೊಂಡ ಮಾನ ಸಾಲದು ಎಂಬಂತೆ ಅರುಣಾಚಲ ಪ್ರದೇಶದ ಗಡಿಯಲ್ಲೂ ತನ್ನ ಚಟುವಟಿಕೆಯನ್ನು ಹೆಚ್ಚಿಸಿದೆ.

ಗುಪ್ತಚರ ಇಲಾಖೆ ವರದಿ ಪ್ರಕಾರ ಅರುಣಾಚಲ ಪ್ರದೇಶದ ಗಡಿಯಲ್ಲಿ ಚೀನಾ ಸೇನೆ ತೀವ್ರ ಚಟುವಟಿಕೆ ನಡೆಸುತ್ತಿದ್ದು, ಭಾರೀ ಸಂಖ್ಯೆಯಲ್ಲಿ ಸೈನಿಕರು ಹಾಗೂ ಶಸ್ತ್ರಾಸ್ತ್ರಗಳನ್ನು ಜಮಾವಣೆ ಮಾಡುತ್ತಿದೆ.

ಎಲ್ಲಾ ಸಂಭಾವ್ಯ ಅಪಾಯಗಳನ್ನು ಎದುರಿಸಲು ನಾವು ಸಜ್ಜಾಗಿದ್ದೇವೆ: ರಾಜನಾಥ್ ಭರವಸೆ!

ಅರುಣಾಚಲ ಪ್ರದೇಶದ ಗಡಿಗೆ ಹೊಂದಿಕೊಂಡಿರುವ ಅಸಾಫಿಯಾ, ಟುಟಿಂಗ್ ಆಕ್ಸಿಸ್ ಹಾಗೂ ಫಿಶ್ ಟೇಲ್-2 ರ ಬಳಿ ಚೀನಿ ಸೇನೆಯ ಚಟುವಟಿಕೆ ಗಮನಿಸಲಾಗಿದ್ದು, ಈ ಪ್ರದೇಶದಲ್ಲಿ ಹೆಚ್ಚಿನ ಗಸ್ತು ನೋಡಿಕೊಳ್ಳುವಂತೆ ಭಾರತೀಯ ಸೇನೆಗೆ ಸೂಚನೆ ನೀಡಲಾಗಿದೆ.

ಅರುಣಾಚಲ ಪ್ರದೇಶ ಗಡಿಗೆ 20 ಕಿ.ಮೀ ಹತ್ತಿರ ಬಂದಿರುವ ಚೀನಿ ಪಡೆಗಳು, ಭಾರತೀಯ ಸೇನೆಯ ಚಟುವಟಿಕೆಗಳನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಕಟ್ಟೆಚ್ಚರ ವಹಿಸುವಂತೆ ಮುಂಚೂಣಿ ಸೇನಾ ನೆಲೆಗಳಿಗೆ ಸಂದೇಶ ರವಾನೆ ಮಾಡಲಾಗಿದೆ.


ಪ್ಯಾಂಗಾಂಗ್ ತ್ಸೋ ಸರೋವರದ ಬಳಿ ನಡೆಸಿದ ವಿಫಲ ದುಸ್ಸಾಹಸವನ್ನು ಮರೆಮಾಚಲು, ಚೀನಿ ಸೇನೆ ಅರುಣಾಚಲ ಪ್ರದೇಶದಲ್ಲೂ ಇಂತಹುದೇ ದುಸ್ಸಾಹಸಕ್ಕೆ ಕೈ ಹಾಕುವ ಸಾಧ್ಯತೆ ಇದೆ ಎಂದು ಗುಪ್ತಚರ ಇಲಾಖೆ ಎಚ್ಚರಿಕೆ ನೀಡಿದೆ.

ನಾಪತ್ತೆಯಾಗಿದ್ದ ಅರುಣಾಚಲ ಪ್ರದೇಶದ ಐವರನ್ನು ಭಾರತೀಯ ಸೇನೆಗೆ ಹಸ್ತಾಂತರಿಸಿದ ಚೀನಾ!

ಒಟ್ಟಿನಲ್ಲಿ ಲಡಾಖ್‌ನ ಪ್ಯಾಂಗಾಂಗ್ ತ್ಸೋ ಸರೋವರದ ಬಳಿಕ ಭಾರತೀಯ ಸೇನೆಯಿಂದ ಪೆಟ್ಟು ತಿಂದಿರುವ ಚೀನಿ ಸೇನೆ, ಇದೀಗ ಅರುಣಾಚಲ ಪ್ರದೇಶದ ಗಡಿಯಲ್ಲೂ ಇದರ ಪುನರಾವರ್ತನೆ ಬಯಸಿದೆ ಎಂಬುದು ದಿಟ.