ರಾಮ್‌ದೇವ್ ಫುಡ್ ಪಾರ್ಕ್‌ಗೆ ಸಂಪೂರ್ಣ ಸಿಐಎಸ್ಎಫ್

ಹೊಸದಿಲ್ಲಿ : ಹರಿದ್ವಾರದಲ್ಲಿರುವ ಬಾಬಾ ರಾಮ್‌ದೇವ್ ಅವರ ಫುಡ್‌ ಪಾರ್ಕ್‌ಗೆ ಸಂಪೂರ್ಣ ಕೇಂದ್ರ ಕೈಗಾರಿಕಾ ಭದ್ರತಾಪಡೆಯಿಂದ ಭದ್ರತೆ ಕಲ್ಪಿಸಲಾಗಿದ್ದು, ಮೂರು ಡಜನ್ ಸಶಸ್ತ್ರ ಕಮಾಂಡೊಗಳನ್ನು ನಿಯೋಜಿಸಲಾಗಿದೆ.

ಕೇಂದ್ರ ಗೃಹ ಸಚಿವಾಲಯದ ಆದೇಶದಂತೆ ಈ ವರ್ಷಾರಂಭದಲ್ಲಿ ಸಿಆರ್‌ಪಿಎಫ್ ಸಂಪೂರ್ಣ ಭದ್ರತೆ ಕಲ್ಪಿಸಲಾಗಿದೆ. ಈ ಭದ್ರತಾ ಸಿಬ್ಬಂದಿಗಾಗಿ ವಾರ್ಷಿಕ 40 ಲಕ್ಷ ರೂ.ವೆಚ್ಚವಾಗುವುದು. ಸಾರಿಗೆ, ಬ್ಯಾರಿಕೇಡ್ ವಾಹನಗಳನ್ನು ಸಂಸ್ಥೆಯೇ ಭರಿಸುತ್ತಿರುವುದಾಗಿ ಎಂದು ಪತಂಜಲಿ ಫುಡ್ ಅಂಡ್ ಹರ್ಬಲ್ ಪಾರ್ಕ್‌ನ ಹಿರಿಯ ಅಧಿಕಾರಿ ತಿಳಿಸಿದ್ದಾರೆ.

ಕಳೆದ ವರ್ಷ ತಾತ್ಕಾಲಿಕವಾಗಿ ಭದ್ರತೆ ನೀಡಲಾಗಿತ್ತು. ಈ ವರ್ಷಾರಂಭದಲ್ಲಿ ಪ್ರತಿಭಟನೆ ನಡೆದ ಗೃಹ ಸಚಿವಾಲಯ ಬಳಿಕ ಸೂಕ್ತ ಭದ್ರತೆಗಾಗಿ ಸಂಪೂರ್ಣ ಪಡೆಯನ್ನು ನಿಯೋಜಿಸಿದೆ. ಎಂಟು ಖಾಸಗಿ ಸಂಸ್ಥೆಗಳಿಗೆ ಗೃಹ ಸಚಿವಾಲಯ ಈ ಮಾದರಿಯಲ್ಲಿ ಭದ್ರತೆ ಕಲ್ಪಿಸಿದೆ.