ಕ್ಲಾಟ್‌ ಫಲಿತಾಂಶ ಇಂದು: ಸುಪ್ರೀ ಹಸಿರು ನಿಶಾನೆ

ಹೊಸದಿಲ್ಲಿ: ದೇಶದ 19 ಪ್ರತಿಷ್ಠಿತ ಕಾನೂನು ಕಾಲೇಜುಗಳ ಪ್ರವೇಶಕ್ಕಾಗಿ ನಡೆಸಲಾಗುವ 'ಸಾಮಾನ್ಯ ಕಾನೂನು ಪ್ರವೇಶ ಪರೀಕ್ಷೆ' (ಕ್ಲಾಟ್‌)2018ರ ಫಲಿತಾಂಶವನ್ನು ಗುರುವಾರ (ಮೇ 31) ಪ್ರಕಟಿಸಲು ಸುಪ್ರೀಂ ಕೋರ್ಟ್‌ ಹಸಿರು ನಿಶಾನೆ ತೋರಿದೆ.

ನ್ಯಾ. ಎಲ್‌.ಎನ್‌ ರಾವ್‌ ಮತ್ತು ಎಂ.ಎಂ. ಶಾಂತನಗೌಡರ್‌ ನೇತೃತ್ವದ ಪೀಠ, ಮರು ಪರೀಕ್ಷೆ ನಡೆಸಬೇಕೆಂಬ ಅರ್ಜಿದಾರರ ಮನವಿಯನ್ನು
ತಿರಸ್ಕರಿಸಿತು.

ಸುಮಾರು 54,000 ವಿದ್ಯಾರ್ಥಿಗಳು ಮೇ 13ರಂದು 2018ರ ಸಾಲಿನ ಕ್ಲಾಟ್‌ ಪರೀಕ್ಷೆಯನ್ನು ಬರೆದಿದ್ದರು. ಆದರೆ, ಪರೀಕ್ಷೆ ವೇಳೆ ಕೆಲವೊಂದು ತಾಂತ್ರಿಕ ತೊಂದರೆಗಳು ಕಾಣಿಸಿಕೊಂಡಿದ್ದ ಹಿನ್ನೆಲೆಯಲ್ಲಿ, ಮರು ಪರೀಕ್ಷೆ ನಡೆಸಬೇಕೆಂದು ಕೋರಿ ಕೆಲ ಅಭ್ಯರ್ಥಿಗಳು ಸುಪ್ರೀಂ ಕೋರ್ಟ್‌ ಮೆಟ್ಟಿಲೇರಿದ್ದರು.

ಈ ಮಧ್ಯೆ, ವಿದ್ಯಾರ್ಥಿಗಳ ದೂರಿನ ಸಂಬಂಧ ತನಿಖೆ ನಡೆಸಿ, ಜೂ. 6ರ ಒಳಗೆ ವರದಿ ಸಲ್ಲಿಸುವಂತೆ ನಿವೃತ್ತ ಹೈಕೋರ್ಟ್‌ ನ್ಯಾಯಮೂರ್ತಿ ನೇತೃತ್ವದ ಕುಂದುಕೊರತೆ ಸಮಿತಿಗೆ ಸುಪ್ರೀಂ ಕೋರ್ಟ್‌ ನಿರ್ದೇಶನ ನೀಡಿದೆ.