ಅಕ್ರಮವಾಗಿ ಪಾರ್ಕ್‌ ಮಾಡಿರುವ ವಾಹನಗಳ ಚಿತ್ರ ಕಳುಹಿಸಿ ಬಹುಮಾನ ಪಡೆಯಿರಿ

ಹೊಸದಿಲ್ಲಿ: ಅಕ್ರಮವಾಗಿ ಅಥವಾ ನೋ ಪಾರ್ಕಿಂಗ್‌ ಜಾಗದಲ್ಲಿ ವಾಹನಗಳನ್ನು ನಿಲ್ಲಿಸುವುದು ಕೆಟ್ಟ ಚಾಳಿಯಾಗಿದೆ. ಇಂಥ ಅಕ್ರಮಗಳನ್ನು ತಡೆಯಲು ಕೇಂದ್ರ ಸರಕಾರ ಈಗ ನಾಗರಿಕರಿಗೆ ಒಂದು ಯೋಜನೆಯನ್ನು ರೂಪಿಸಿದೆ. ಅದಕ್ಕೆ ಬಹುಮಾನ ಕೂಡ ನೀಡಲು ಮುಂದಾಗಿದೆ.

ಅಕ್ರಮವಾಗಿ ಪಾರ್ಕ್‌ ಮಾಡಿರುವ ವಾಹನಗಳ ಫೋಟೋ ತೆಗೆದು ಅಧಿಕಾರಿಗಳಿಗೆ ಕಳುಹಿಸಿದರೆ ಸೂಕ್ತ ಬಹುಮಾನ ದೊರೆಯಲಿದೆ.

ಅದರಲ್ಲೂ ರಾಜಧಾನಿ ಹೊಸದಿಲ್ಲಿಯ ಸಂಸತ್‌ ಭವನದ ಸುತ್ತಮುತ್ತಲಿನಲ್ಲಿಯೇ ಕೆಲವು ಜನಪ್ರತಿನಿಧಿಗಳು, ಹಿರಿಯ ಅಧಿಕಾರಿಗಳು ನೋ ಪಾರ್ಕಿಂಗ್‌ ಝೋನ್‌ನಲ್ಲಿ ವಾಹನಗಳನ್ನು ನಿಲ್ಲಿಸಿರುವುದು ಕಂಡು ಕೇಂದ್ರ ಸಾರಿಗೆ ಸಚಿವ ನಿತಿನ್‌ ಗಡ್ಕರಿ ಕೋಪೋದ್ರಿಕ್ತರಾಗಿದ್ದಾರೆ.

ಇದನ್ನು ಗಂಭೀರವಾಗಿ ಪರಿಗಣಿಸಿರುವ ನಿತಿನ್‌ ಗಡ್ಕರಿ ಈಗ ಹೊಸ ತಿದ್ದುಪಡಿವೊಂದನ್ನು ತರಲು ಮುಂದಾಗಿದೆ.

ಅಕ್ರಮವಾಗಿ ಅಥವಾ ನೋ ಪಾರ್ಕಿಂಗ್‌ ಝೋನ್‌ನಲ್ಲಿ, ರಸ್ತೆಗೆ ಅಡ್ಡವಾಗಿ ಪಾರ್ಕಿಂಗ್‌ ಮಾಡಿರುವ ವಾಹನಗಳ ಫೋಟೋಗಳನ್ನು ಕಳುಹಿಸಿ ಸೂಕ್ತ ಬಹುಮಾನವನ್ನು ಪಡೆಯಿರಿ. ಈ ವಾಹನಗಳ ಬಗ್ಗೆ ದೂರು ಸಲ್ಲಿಸಿದವರಿಗೆ ಬಹುಮಾನ ನೀಡಲಾಗುವುದು ಎಂದು ಸಚಿವರು ತಿಳಿಸಿದ್ದಾರೆ.

ಸಂಸತ್‌ ಭವನಕ್ಕೆ ಪ್ರತಿ ದಿನವೂ ಹಲವು ಗಣ್ಯರು ಬರುತ್ತಿರುತ್ತಾರೆ. ಇಂಥವರ ಮುಂದೆ ಸಾರಿಗೆ ದಟ್ಟಣೆ ಉಂಟಾದಾಗ ನಿಜಕ್ಕೂ ನಮಗೆ ನಾಚಿಕೆಯಾಗುತ್ತದೆ. ಈ ನಿಟ್ಟಿನಲ್ಲಿ ಈ ರೀತಿಯ ಕ್ರಮಗಳನ್ನು ಜಾರಿಗೆ ತರಲಾಗುತ್ತದೆ ಎಂದು ಗಡ್ಕರಿ ತಿಳಿಸಿದ್ದಾರೆ.

ಈ ಹಿಂದೆ ನಗರಾಭಿವೃದ್ಧಿ ಸಚಿವರಾಗಿದ್ದ ವೆಂಕಯ್ಯನಾಯ್ಡು ಜತೆ ಚರ್ಚಿಸಲಾಗಿತ್ತು ಎಂದು ಗಡ್ಕರಿ ತಿಳಿಸಿದ್ದಾರೆ.

click picures of illegally parked cars; get rewarded: gadkari