‘ಮೋದಿ, ಶಾ ಜೀವಂತವಾಗಿರುವುದು ಸೋನಿಯಾ, ರಾಹುಲ್‌ಗೆ ಇಷ್ಟವಿರಲಿಲ್ಲ’

ನೋಯ್ಡಾ: ಪ್ರಧಾನಿ ನರೇಂದ್ರ ಮೋದಿ ಮತ್ತು ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಅವರು ಜೀವಂತವಾಗಿರುವುದು ಕಾಂಗ್ರೆಸ್‌ ಮುಖಂಡರಾದ ಸೋನಿಯಾ ಗಾಂಧಿ ಹಾಗೂ ರಾಹುಲ್‌ ಗಾಂಧಿಗೆ ಇಷ್ಟವಿರಲಿಲ್ಲಎಂದು ಯೋಗ ಗುರು ಬಾಬಾ ರಾಮದೇವ್‌ ಆರೋಪಿಸಿದ್ದಾರೆ.
ನೋಯ್ಡಾದಲ್ಲಿಕಾರ್ಯಕ್ರಮವೊಂದನ್ನು ಉದ್ದೇಶಿಸಿ ಮಾತನಾಡಿದ ಅವರು, ''ಯುಪಿಎ ಸರಕಾರ ಕೇಂದ್ರದಲ್ಲಿಅಧಿಕಾರದಲ್ಲಿಇದ್ದಾಗ ಅಮಿತ್‌ ಶಾ ಅವರು ಜೈಲಿನಲ್ಲೇ ಸಾಯಬೇಕೆಂದು ಕಾಂಗ್ರೆಸ್‌ ನಾಯಕರು ಬಯಸಿದ್ದರು. ಆದರೆ, ಅಂದು ಅಮಿತ್‌ ಶಾ ಅವರನ್ನು ಜೈಲಿಗೆ ಕಳುಹಿಸಿದ್ದ ಕಾಂಗ್ರೆಸ್‌ ನಾಯಕ ಪಿ. ಚಿದಂಬರಂ ಅವರು ತಾವೊಂದು ದಿನ ಕಾನೂನು ಕುಣಿಕೆಗೆ ಸಿಲುಕಿ ಜೈಲುಪಾಲಾಗುವ ಬಗ್ಗೆ ಕನಸಿನಲ್ಲೂಎಣಿಸಿರಲಿಲ್ಲ. ಅವರು ಮಾಡಿದ ತಪ್ಪಿಗೆ ಈಗ ಶಿಕ್ಷೆ ಅನುಭವಿಸುತ್ತಿದ್ದಾರೆ,'' ಎಂದು ಹೇಳಿದ್ದಾರೆ.

''ಚಿದಂಬರಂ ಅವರು ಹಣಕಾಸು ಸಚಿವರಾಗಿದ್ದಾಗ ಇಡೀ ದೇಶವೇ ತಮ್ಮ ಸಾಮ್ರಾಜ್ಯ ಎಂದು ತಿಳಿದಿದ್ದರು. ಗೃಹ ಸಚಿವರಾಗಿದ್ದಾಗ ಕಾನೂನು ತಮ್ಮ ಕೈಗೊಂಬೆ ಎಂದು ಎಣಿಸಿದ್ದರು. ಆದರೆ, 'ಕಾನೂನು ಉಲ್ಲಂಘನೆ'ಯ ತಪ್ಪಿಗೆ ಇಂದು ಅವರು ಪರಿಣಾಮ ಎದುರಿಸುತ್ತಿದ್ದಾರೆ,'' ಎಂದಿದ್ದಾರೆ.