ಸ್ಟಾರ್ ಪ್ರಚಾರಕರ ಪಟ್ಟಿಯಿಂದ ಪ್ರಿಯಾಂಕಾ ಹೆಸರೇ ಕಣ್ಮರೆ!

ಹೊಸದಿಲ್ಲಿ: ಜಾರ್ಖಂಡ್‌ ವಿಧಾನಸಭೆ ಚುನಾವಣೆಯಲ್ಲಿ ಪ್ರಚಾರ ನಡೆಸುವ ಕಾಂಗ್ರೆಸ್‌ನ ತಾರಾ ಪ್ರಚಾರಕರ ಪಟ್ಟಿಯಿಂದ ಪಕ್ಷದ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ವಾದ್ರಾ ಅವರ ಹೆಸರೇ ಕಣ್ಮರೆ ಯಾಗಿರುವುದು ಕಾರ್ಯ ಕರ್ತ ರಲ್ಲಿಅಚ್ಚರಿ ಮೂಡಿಸಿದೆ.

ಜಾರ್ಖಂಡ್‌ ವಿಧಾನಸಭೆ ಚುನಾವಣೆ: ಬಿಜೆಪಿ, ಕಾಂಗ್ರೆಸ್‌ ಮೊದಲ ಪಟ್ಟಿ ಬಿಡುಗಡೆ

ಪಕ್ಷದ ಅಧ್ಯಕ್ಷೆ ಸೋನಿಯಾ ಗಾಂಧಿ, ಮಾಜಿ ಪ್ರಧಾನಿ ಡಾ.ಮನಮೋಹನ್‌ ಸಿಂಗ್‌, ಸಂಸದ ರಾಹುಲ್‌ ಗಾಂಧಿ ತಾರಾ ಪ್ರಚಾರಕರ ಪಟ್ಟಿ­ಯಲ್ಲಿದ್ದಾರೆ. ಈ ಅಚ್ಚ­ರಿಯ ಬೆಳವಣಿಗೆ ಬಗ್ಗೆ ಪ್ರತಿಕ್ರಿಯಿಸಿರುವ ರಾಜ್ಯದ ಕಾಂಗ್ರೆಸ್‌ ಮುಖಂಡರು, ''ಈಗ ಪ್ರಕಟವಾಗಿರು­ವುದು ಮೊದಲ ಪ್ರಚಾರಕರ ಪಟ್ಟಿ. ಎರಡನೇ ಪಟ್ಟಿಯಲ್ಲಿ ಖಂಡಿತ ಪ್ರಿಯಾಂಕಾ ಹೆಸರು ಕಾಣಿಸಲಿದೆ,'' ಎಂದಿ­ದ್ದಾರೆ.

ಪ್ರಿಯಾಂಕಾ ಗಾಂಧಿ ರ‍್ಯಾಲಿಗೆ ಗೈರಾಗಿ, ವಿಧಾನಸಭೆ ಅಧಿವೇಶನಕ್ಕೆ ಹೋಗಿದ್ದ 'ಕೈ' ಶಾಸಕಿಗೆ ನೋಟಿಸ್‌

ಆದರೆ, ಅದನ್ನು ನಂಬು ವಂತಿಲ್ಲ ಎಂದು ಪಕ್ಷದ ಕೆಲವು ಮುಖಂಡರು ಅಭಿ­­ಪ್ರಾಯ­ಪಟ್ಟಿದ್ದಾರೆ. ಇತ್ತೀಚೆಗೆ ನಡೆದ ಮಹಾರಾಷ್ಟ್ರ ಮತ್ತು ಹರಿಯಾಣ ವಿಧಾನ­ಸಭೆ ಚುನಾ­ವಣೆಯಲ್ಲಿಯೂ ಪ್ರಿಯಾಂಕಾ ವಾದ್ರಾ ಪ್ರಚಾರದಿಂದ ಹೊರ ಉಳಿದಿದ್ದರು.

ಐದು ಹಂತಗಳಲ್ಲಿ ಜಾರ್ಖಂಡ್‌ ವಿಧಾನಸಭೆಗೆ ಚುನಾವಣೆ, ಡಿ. 23ಕ್ಕೆ ಫಲಿತಾಂಶ

ಮೈತ್ರಿ ಖತಂ: ಬಿಜೆಪಿ ಹಾಗೂ ಅಖಿಲ ಜಾಖಂಡ್‌ ವಿದ್ಯಾರ್ಥಿ ಒಕ್ಕೂಟ (ಎಜೆಎಸ್‌ಯು) ಮೈತ್ರಿ ಮುರಿದು­ಬಿದ್ದಿದ್ದು, ಸ್ವತಂತ್ರ ಸ್ಪರ್ಧೆಗೆ ಉಭಯ ಪಕ್ಷಗಳೂ ನಿರ್ಧರಿಸಿವೆ. ಸ್ಥಾನ ಹೊಂದಾ­ಣಿಕೆಗೆ ಸಂಬಂಧಿಸಿ ಗುರುವಾರ ನಡೆದ ಅಂತಿಮ ಸುತ್ತಿನ ಮಾತುಕತೆ ವಿಫಲವಾದ ಬಳಿಕ ಪ್ರತ್ಯೇಕವಾಗಿ ಸ್ಪರ್ಧಿ ಸುವ ನಿರ್ಧಾರ­ವನ್ನು ಎರಡೂ ಪಕ್ಷಗಳು ಪ್ರಕಟಿಸಿದವು. ಎಲ್ಲ 81 ಕ್ಷೇತ್ರಗಳಲ್ಲಿಸ್ಪರ್ಧೆ ಮಾಡಲು ಬಿಜೆಪಿ ನಿರ್ಧರಿಸಿದೆ.