ಕಾಂಗ್ರೆಸ್‌ ಮುಖಂಡ ಗುರುದಾಸ್‌ ಕಾಮತ್‌ ನಿಧನ

ಹೊಸದಿಲ್ಲಿ: ಕಾಂಗ್ರೆಸ್‌ನ ಹಿರಿಯ ಮುಖಂಡ ಗುರುದಾಸ್‌ ಕಾಮತ್‌(63) ಚಾಣಕ್ಯಪುರಿಯ ಆಸ್ಪತ್ರೆಯಲ್ಲಿ ನಿಧನರಾದರು.

ಈಶಾನ್ಯ ಮುಂಬಯಿ ಲೋಕಸಭೆಯಿಂದ ಕಾಮತ್‌ ಅವರು ಐದು ಬಾರಿ ಕಾಂಗ್ರೆಸ್‌ ಸಂಸದರಾಗಿ ಆಯ್ಕೆಯಾಗಿದ್ದರು.

ಗೃಹ ಸಚಿವಾಲಯ, ಮಾಹಿತಿ ಸಚಿವಾಲಯಗಳಲ್ಲಿ ಸಹಾಯಕ ಸಚಿವರಾಗಿ ಕಾರ್ಯ ನಿರ್ವಹಿಸಿದ್ದ ಅವರು ಮಾಹಿತಿ ತಂತ್ರಜ್ಞಾನ ಸಚಿವರಾಗಿಯೂ ಕೆಲಸ ಮಾಡಿದ್ದರು. ಮುಂಬಯಿ ರೀಜನಲ್‌ ಕಾಂಗ್ರೆಸ್‌ ಕಮಿಟಿಯ ಮಾಜಿ ಅಧ್ಯಕ್ಷರಾಗಿದ್ದರು.

ಮುಂಬಯಿನ ಆರ್‌.ಎ. ಪೊದಾರ್‌ ಕಾಲೇಜಿನಲ್ಲಿ ವಾಣಿಜ್ಯ ಮತ್ತು ಸರಕಾರಿ ಲಾ ಕಾಲೇಜಿನಲ್ಲಿ ಕಾನೂನು ಪದವಿ ಪಡೆದಿದ್ದ ಕಾಮತ್‌ ವಕೀಲರೂ ಆಗಿದ್ದರು.