ಮೊದಲ ಶಿಕ್ಷಣ ಸಚಿವರ ಹೆಸರನ್ನೇ ತಪ್ಪು ಬರೆದ ಕಾಂಗ್ರೆಸ್‌ನಿಂದ ಮತ್ತೆ ಎಡವಟ್ಟು

ಹೊಸದಿಲ್ಲಿ: ಕಾಂಗ್ರೆಸ್‌ ಈಗ ಮತ್ತೊಂದು ಎಡವಟ್ಟು ಮಾಡಿಕೊಂಡಿದೆ.

ದೇಶದ ಮೊದಲ ಶಿಕ್ಷಣ ಸಚಿವರ ಹೆಸರನ್ನೇ ತಪ್ಪು ಬರೆದು ಪ್ರಮಾದ ಎಸಗಿದೆ.

ಆಲ್‌ ಇಂಡಿಯಾ ಮಹಿಳಾ ಕಾಂಗ್ರೆಸ್‌ ಈ ಎಡವಟ್ಟು ಮಾಡಿದೆ.

ದೇಶದ ಮೊದಲ ಶಿಕ್ಷಣ ಸಚಿವ ಮೌಲಾನ ಅಬುಲ್‌ ಕಲಾಂ ಆಜಾದ್ ಹೆಸರನ್ನು ಮೌಲಾನ ಅಬ್ದುಲ್‌ ಕಲಾಂ ಆಜಾದ್‌ ಎಂದು ಬರೆದು ಟ್ವೀಟ್‌ ಮಾಡಿದೆ.

ಮೊದಲ ಶಿಕ್ಷಣ ಸಚಿವರ ಜನ್ಮದಿನಾಚರಣೆಯಲ್ಲಿ ಅವರನ್ನು ಸ್ಮರಿಸಿ ಟ್ವೀಟ್ ಮಾಡಿದ ವೇಳೆ ಈ ಪ್ರಮಾದವಾಗಿದೆ.

ರಾಷ್ಟ್ರೀಯ ಶಿಕ್ಷಣ ದಿನವನ್ನಾಗಿ ಆಜಾದ್‌ ಅವರ ಜನ್ಮದಿನ ಆಚರಿಸಲಾಗುತ್ತಿದೆ ಎಂದು ಟ್ವೀಟ್‌ ಮಾಡಲಾಗಿದೆ.


ಭಾರತದ ಶಿಕ್ಷಣ ಕ್ಷೇತ್ರಕ್ಕೆ ಮೌಲಾನ ಅಬ್ದುಲ್‌ ಕಲಾಂ ಆಜಾದ್ ಅಪಾರ ಕೊಡುಗೆ ನೀಡಿದ್ದಾರೆ ಎಂದು ಟ್ವೀಟ್‌ನಲ್ಲಿ ತಿಳಿಸಲಾಗಿದೆ.

ಅಖಿಲ ಭಾರತ ಮಹಿಳಾ ಕಾಂಗ್ರೆಸ್‌ ಟ್ವೀಟ್‌ಗೆ ನೆಟ್ಟಿಗರು ಸಾಕಷ್ಟು ಟ್ರೋಲ್ ಮಾಡಿದ್ದಾರೆ.