ಕಾಂಗ್ರೆಸ್‌ಗೆ ಮುಸ್ಲಿಂ ಮಹಿಳೆಯರ ಮೇಲೆ ಕಾಳಜಿ ಇರಲಿಲ್ಲ: ಸ್ಮೃತಿ ಇರಾನಿ ವಾಗ್ದಾಳಿ!

ನವದೆಹಲಿ: ತ್ರಿವಳಿ ತಲಾಖ್ ನಿಷೇಧ ಕಾನೂನು ಜಾರಿಯಾಗಿ ಒಂದು ವರ್ಷವಾಗಿದ್ದು, ಈ ಹಿನ್ನೆಲೆಯಲ್ಲಿ ಸರ್ಕಾರ ಈ ಐತಿಹಾಸಿಕ ಕಾನೂನಿನ ವರ್ಷಾಚರಣೆಯಲ್ಲಿ ತೊಡಗಿದೆ.

ಈ ಮಧ್ಯೆ ತ್ರಿವಳಿ ತಲಾಖ್ ನಿಷೇಧ ಕಾನೂನು ಜಾರಿಯ ಕುರಿತು ಕಾಂಗ್ರೆಸ್ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿರುವ ಕೇಂದ್ರ ಸಚಿವೆ ಸ್ಮೃತಿ ಇರಾನಿ, ಕೇವಲ ಮತ ಬ್ಯಾಂಕ್‌ ಭದ್ರಪಡಿಸಿಕೊಳ್ಳಲು ಕಾಂಗ್ರೆಸ್ ತ್ರಿವಳಿ ತಲಾಖ್ ನಿಷೇಧ ಕಾನೂನನ್ನು ಜಾರಿಗೆ ತರಲಿಲ್ಲ ಎಂದು ಆರೋಪಿಸಿದ್ದಾರೆ.

ತ್ರಿವಳಿ ತಲಾಕ್‌ ನಿ‍ಷೇಧವಾಗಿ ಒಂದು ವರ್ಷ, ಶೇ.82 ರಷ್ಟು ಇಳಿದ ಪ್ರಕರಣ!

ಕಾಂಗ್ರಸ್ 1980ರ ದಶಕದಲ್ಲಿ ಲೋಕಸಭೆಯಲ್ಲಿ ಸಂಪೂರ್ಣ ಬಹುಮತದೊಂದಿಗೆ ಅಧಿಕಾರದಲ್ಲಿತ್ತು. ಆಗ ಮನಸ್ಸು ಮಾಡಿದ್ದರೆ ತ್ರಿವಳಿ ತಲಾಖ್ ನಿಷೇಧ ಕಾನೂನನ್ನು ಜಾರಿಗೆ ತಬಹುದಿತ್ತು. ಆದರೆ ತನ್ನ ವೋಟ್ ಬ್ಯಾಂಕ್ ಭದ್ರಪಡಿಸಿಕೊಳ್ಳುವಲ್ಲಿ ನಿರತವಾದ ಕಾಂಗ್ರೆಸ್ ಮುಸ್ಲಿಂ ಮಹಿಳೆಯರ ಹಕ್ಕುಗಳನ್ನು ರಕ್ಷಿಸಲು ಹಿಂದೇಟು ಹಾಕಿತು ರಂದು ಸ್ಮೃತಿ ಇರಾನಿ ಹರಿಹಾಯ್ದಿದ್ದಾರೆ.

ಮುಸ್ಲಿಂ ಮಹಿಳೆಯರ ಬದುಕನ್ನು ಹಸನಾಗಿಸುವ ಅವಕಾಶವನ್ನು ಕಳೆದುಕೊಂಡ ಕಾಂಗ್ರೆಸ್, ಅಧಿಕಾರಕ್ಕಾಗಿ ತುಷ್ಠೀಕರಣದ ರಾಜಕಾರಣ ಮಾಡಿದ್ದೇ, ನಮ್ಮ ಮುಸ್ಲಿಂ ಸಹೋದರಿಯರು ಕಷ್ಟ ಅನುಭವಿಸಲು ಕಾರಣ ಎಂದು ಸ್ಮೃತಿ ಇರಾನಿ ಕಿಡಿಕಾರಿದರು.

ಕಾನೂನು ಜಾರಿ ನಂತರ ತ್ರಿವಳಿ ತಲಾಖ್ ಪ್ರಕರಣದಲ್ಲಿ ಶೇ.82ರಷ್ಟು ಕುಸಿತ : ಅಬ್ಬಾಸ್ ನಖ್ವಿ

ಆದರೆ ಮುಸ್ಲಿಂ ಸಹೋದರಿಯರ ಯಾತನೆಯನ್ನು ಹೋಗಲಾಡಿಸಲು ಪ್ರಧಾನಿ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ತ್ರಿವಳಿ ತಲಾಖ್ ನಿಷೇಧ ಕಾನೂನನ್ನು ಜಾರಿಗೆ ತರುವ ಐತಿಹಾಸಿಕ ನಿರ್ಣಯ ಕೈಗೊಂಡಿತು. ಬಿಜೆಪಿಗೆ ವೋಟ್‌ ಬ್ಯಾಂಕ್‌ಗಿಂತ ನ್ಯಾಯವೇ ಮುಖ್ಯ ಎಂದು ಸ್ಮೃತಿ ಇರಾನಿ ಹೇಳಿದರು.

ಈ ಐತಿಹಾಸಿಕ ಕಾನೂನು ಜಾರಿಯಾಗಿ ಒಂದು ವರ್ಷವಾಗಿದ್ದು, ಈ ಕಾನೂನು ಯಶಸ್ವಿಯಾಗಿರುವುದಕ್ಕೆ ದೇಶದಲ್ಲಿ ಮುಸ್ಲಿಂ ಮಹಿಳೆಯರ ವಿಚ್ಛೇದನಾ ಪ್ರಮಾಣ ಕಡಿಮೆಯಾಗಿರುವುದೇ ಸಾಕ್ಷಿ ಎಂದು ಸ್ಮೃತಿ ಇರಾನಿ ಸಂತಸ ವ್ಯಕ್ತಪಡಿಸಿದರು.