​ಎನ್‌ಡಿ ತಿವಾರಿ, ಪುತ್ರ ಬಿಜೆಪಿಗೆ ಸೇರ್ಪಡೆ

ಹೊಸದಿಲ್ಲಿ: ಕಾಂಗ್ರೆಸ್‌ ಮುಖಂಡ, ಉತ್ತರಾಖಂಡ ಮತ್ತು ಉತ್ತರಪ್ರದೇಶಗಳ ಮಾಜಿ ಮುಖ್ಯಮಂತ್ರಿ ನಾರಾಯಣ ದತ್‌ ತಿವಾರಿ ಮತ್ತು ಅವರ ಪುತ್ರ ರೋಹಿತ್‌ ಶೇಖರ್‌ ತಿವಾರಿ ಬಿಜೆಪಿಗೆ ಸೇರ್ಪಡೆಗೊಂಡಿದ್ದಾರೆ. ಇದು ಕಾಂಗ್ರೆಸ್‌ಗೆ ದೊಡ್ಡ ಹಿನ್ನಡೆ ಎಂದೇ ವಿಶ್ಲೇಷಿಸಲಾಗುತ್ತಿದೆ.

ದಿಲ್ಲಿಯಲ್ಲಿ ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಅವರ ಸಮ್ಮುಖದಲ್ಲಿ ಇವರಿಬ್ಬರೂ ಬಿಜೆಪಿಗೆ ಸೇರಿದ್ದಾರೆ. ನಾರಾಯಣ ದತ್‌ ತಿವಾರಿ ಅವರು ಪುತ್ರ ಶೇಖರ್‌ ತಿವಾರಿಗೆ ಉತ್ತರಾಖಂಡದಲ್ಲಿ ಟಿಕೆಟ್‌ ನೀಡಬೇಕು ಎಂದು ಬಯಸಿದ್ದಾರೆ ಎನ್ನಲಾಗಿದೆ.

ನಾರಾಯಣ ತಿವಾರಿ ಅವರು (1976-77, 1984-85, 1988-89) ಅವಧಿಯಲ್ಲಿ ಉತ್ತರಪ್ರದೇಶದ ಮುಖ್ಯಮಂತ್ರಿಯಾಗಿದ್ದರು. 2002-2007ರ ಅವಧಿಯಲ್ಲಿ ಉತ್ತರಾಖಂಡದ ಮುಖ್ಯಮಂತ್ರಿಯಾಗಿದ್ದರು. 1986-1987ಅವಧಿಯಲ್ಲಿ ದಿ. ಪ್ರಧಾನಿ ರಾಜೀವ್‌ ಗಾಂಧಿ ಅವರ ಸಂಪುಟದಲ್ಲಿ ವಿದೇಶ ವ್ಯವಹಾರಗಳ ಸಚಿವರಾಗಿದ್ದರು. ಇವರ ಪುತ್ರ ರೋಹಿತ್‌ ಶೇಖರ್‌ ಪಿತೃತ್ವ ರುಜುವಾತಿಗೆ ಸಂಬಂಧಿಸಿದಂತೆ ನಡೆಸಿದ್ದ ಕಾನೂನು ಹೋರಾಟ ಸಾಕಷ್ಟು ಸುದ್ದಿ ಮಾಡಿತ್ತು. ಕೊನೆಗೆ ರೋಹಿತ್‌ ಶೇಖರ್‌ ಪುತ್ರ ಎಂಬುದನ್ನು ತಿವಾರಿ ಒಪ್ಪಿಕೊಂಡಿದ್ದರು.

Congress veteran ND Tiwari, son join BJP
NEW DELHI: Former Uttarakhand and Uttar Pradesh chief minister and a senior Congress leader, Narayan Dutt Tiwari along with his son Rohit Shekhar joined the Bharatiya Janata Party (BJP) today.