ಘಟಿಕೋತ್ಸವ: ನಿಲುವಂಗಿ, ಕ್ಯಾಪ್‌ಗೆ ಉತ್ತರಾಖಂಡ್‌ ಟಾಟಾ

ಡೆಹ್ರಾಡೂನ್‌: ಘಟಿಕೋತ್ಸವ ಸಮಾರಂಭದಲ್ಲಿ ವಸಾಹತುಶಾಹಿಯ ಕುರುಹಾಗಿ ಉಳಿದಿರುವ ನಿಲುವಂಗಿ ಮತ್ತು ಕ್ಯಾಪ್‌ ಅನ್ನು ಕೈ ಬಿಡುವುದಾಗಿ ಉತ್ತರಾಖಂಡ್‌ನ ಶಿಕ್ಷಣ ಮಂತ್ರಿ ಧನ್‌ ಸಿಂಗ್‌ ರಾವತ್‌ ಹೇಳಿದ್ದಾರೆ.

ಘಟಿಕೋತ್ಸವ ಸಮಾರಂಭದಲ್ಲಿ ಮುಖ್ಯಮಂತ್ರಿ ತ್ರಿವೇಂದ್ರ ಸಿಂಗ್‌ ರಾವತ್‌ ಅವರು ನಿಲುವಂಗಿ ಮತ್ತು ಕ್ಯಾಪ್‌ ಧರಿಸಲು ನಿರಾಕರಿಸಿದ ಮರುದಿನ ಈ ಬೆಳವಣಿಗೆ ನಡೆದಿದೆ.

ವಸಾಹತುಶಾಹಿ ಕಾಲದಲ್ಲಿ ಜಾರಿಗೆ ಬಂದಿರುವ ಈ ನಿಲುವಂಗಿ , ಕ್ಯಾಪ್‌ ಧರಿಸುವ ಸಂಪ್ರದಾಯ ಈಗಲೂ ದೇಶದ ವಿಶ್ವವಿದ್ಯಾಲಯಗಳು, ಕಾಲೇಜುಗಳಲ್ಲಿ ಉಳಿದುಕೊಂಡಿದೆ. ಉತ್ತರಾಖಂಡ್‌ ಇದನ್ನು ಕೈಬಿಡುವ ಹೆಜ್ಜೆ ಇಟ್ಟು ಗಮನ ಸೆಳೆದಿದೆ.