ಕತ್ತು ಸೀಳಿ, ನೇಣು ಬಿಗಿದುಕೊಂಡು ಸಾವಿಗೆ ಶರಣಾದ ಪೊಲೀಸ್ ಪೇದೆ

ತಿರುಚಿ: ಪೊಲೀಸ್ ಪೇದೆಯೊಬ್ಬ ಕತ್ತು ಸೀಳಿಕೊಂಡು, ಬಳಿಕ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾದ ಘಟನೆ ನೆರೆಯ ರಾಜ್ಯ ತಮಿಳುನಾಡಿನಲ್ಲಿ ಶನಿವಾರ ನಡೆದಿದೆ.

ಅರಿಯಲೂರ್ ಜಿಲ್ಲೆಯ ರಂಗನ ಪೇಟೆ ಮೂಲದ 26 ವರ್ಷದ ಜಿ ಮುತ್ತು ಮೃತ ಪೇದೆ.

ಬೆಳಗಿನ ಉಪಹಾರಕ್ಕೆ ಬಾ ಎಂದು ಆತನ ಸಹೋದ್ಯೋಗಿಗಳು ಫೋನ್ ಕರೆ ಮಾಡಿದಾಗ ಆತ ಸ್ವೀಕರಿಸಿಲ್ಲ. ಏನಾಯ್ತು ಎಂದು ಆತ ವಾಸವಾಗಿದ್ದ ಕೋಣೆಗೆ ಹೋಗಿ ನೋಡಿದಾಗ ವಿಷಯ ಬೆಳಕಿಗೆ ಬಂದಿದೆ.

ಬಹುಶಃ ಕುತ್ತಿಗೆ ಸೀಳಿಕೊಂಡು ಆತ್ಮಹತ್ಯೆಗೆ ಪ್ರಯತ್ನಿಸಿರಬೇಕು. ಆದರೂ ಜೀವ ಹೋಗದಿದ್ದಾಗ ನೇಣು ಹಾಕಿಕೊಂಡಿದ್ದಾನೆ. ಈ ದುಡುಕಿನ ನಿರ್ಧಾರಕ್ಕೆ ಕಾರಣ ತಿಳಿದು ಬಂದಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಆತನ ಕೋಣೆಯಲ್ಲಿ ಡೆತ್ ನೋಟ್ ಪತ್ತೆಯಾಗಿದೆ. ಆದರೆ ಅದರಲ್ಲಿ ಏನನ್ನು ಬರೆಯಲಾಗಿದೆ ಎಂದು ಪೊಲೀಸರು ಬಹಿರಂಗ ಪಡಿಸಿಲ್ಲ.

ಮುತ್ತು ಅವಿವಾಹಿತನಾಗಿದ್ದು 2016ರಲ್ಲಿ ಪೊಲೀಸ್ ಇಲಾಖೆಗೆ ಸೇರಿದ್ದ ಎಂದು ತಿಳಿದುಬಂದಿದೆ.