ತಾಯಿ ಮಗಳ ಮೇಲೆ 3 ವಾರ ರೇಪ್‌ ಮಾಡಿದ ಇನ್‌ಸ್ಪೆಕ್ಟರ್‌ ಪುತ್ರ

ಗುರುಗ್ರಾಮ್‌: ಚಲಿಸುವ ಆಟೋದಿಂದ ಮಗು ಎಸೆದು ತಾಯಿ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆದ ಘಟನೆ ಮರೆಯುವ ಮೊದಲೇ, ಗುರುಗ್ರಾಮದಲ್ಲಿ ಮತ್ತೊಂದು ಆಘಾತಕಾರಿ ಘಟನೆ ನಡೆದಿದೆ.

ಕಳೆದ ಮೂರು ವಾರದಿಂದ ವಿಧವೆ ಹಾಗೂ 15 ವರ್ಷದ ಪುತ್ರಿ ಮೇಲೆ ಪದೆಪದೇ ಅತ್ಯಾಚಾರ ಎಸಗಿದ್ದ ಆರೋಪದ ಮೇಲೆ ದಿಲ್ಲಿ ಇನ್‌ಸ್ಪೆಕ್ಟರ್‌ ಪುತ್ರ 23 ವರ್ಷ ಆಶಿಶ್‌ ಕುಮಾರ್‌ನನ್ನು ಬಂಧಿಸಲಾಗಿದೆ.

ಅತ್ಯಾಚಾರದ ಘಟನೆ ವೀಡಿಯೋ ಚಿತ್ರೀಕರಿಸಿದ್ದ ಬಿಎ 3ನೇ ವರ್ಷದ ವಿದ್ಯಾರ್ಥಿ ಆಶಿಶ್‌, ವಿಷಯ ಬಾಯಿ ಬಿಟ್ಟರೆ ಅದನ್ನು ಬಹಿರಂಗಪಡಿಸುವುದಾಗಿ ಸಂತ್ರಸ್ತರಿಗೆ ಬ್ಲ್ಯಾಕ್‌ ಮೇಲೆ ಮಾಡಿದ್ದ. ಆತನ ಸೆಲ್‌ಫೋನ್‌ನಲ್ಲಿ 10 ವೀಡಿಯೋ ಕ್ಲಿಪ್‌ಗಳಿದ್ದು, ಎಲ್ಲವನ್ನೂ ಮಹಿಳೆಯ ಮನೆಯಲ್ಲೇ ಚಿತ್ರೀಕರಿಸಲಾಗಿದೆ.

35 ವರ್ಷದ ಮಹಿಳೆ ಪುತ್ರಿ ಹಾಗೂ 11 ವರ್ಷದ ಮಗನ ಜತೆ ವಾಸವಿದ್ದಾರೆ. ವರ್ಷದ ಹಿಂದೆ ಪತಿಯನ್ನು ಕಳೆದುಕೊಂಡಿರುವ ಮಹಿಳೆ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಮಾರುಕಟ್ಟೆಯಲ್ಲಿ ಪರಿಚಯವಾಗಿದ್ದ ಆಶೀಶ್‌ ಒಮ್ಮೆ ಮಹಿಳೆಯ ಮನೆಯ ವಿಳಾಸ ಪಡೆದಿದ್ದ. ನಂತರ ಮನೆಗೆ ಬಂದು ಕಿರುಕುಳ ನೀಡಲು ಆರಂಭಿಸಿದ್ದ.

ಮಗಳ ಮೇಲೆ ಆಶೀಶ್‌ ಕೆಟ್ಟ ದೃಷ್ಟಿ ಬಿದ್ದ ನಂತರ ಮಹಿಳೆ ಧೈರ್ಯ ಮಾಡಿ, ಪೊಲೀಸರಿಗೆ ದೂರು ನೀಡಿದ್ದರು. ಮಹಿಳೆಯ ಮನೆಯಲ್ಲಿದ್ದಾಗಲೇ ಆಶೀಶ್‌ನನ್ನು ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ.

ಆಶೀಶ್‌ ವಿರುದ್ಧ ಪೊಲೀಸರು ಭಾರತೀಯ ದಂಡ ಸಂಹಿತೆ 376 (ರೇಪ್‌), 506 (ಬೆದರಿಕೆ ) ಹಾಗೂ ಪೋಸ್ಕೊ ಕಾಯಿದೆ ಅಡಿ ಪ್ರಕರಣ ದಾಖಲಿಸಿದ್ದಾರೆ.