ಕೊರೊನಾ ಸೋಂಕು ಹೆಚ್ಚಿದರೂ 4ನೇ ಅಲೆಯ ಆತಂಕ ಇಲ್ಲ..! ತಜ್ಞರ ಅಭಯ
ಸದ್ಯ ಏರಿಕೆ ಆಗುತ್ತಿರುವ ಕೋವಿಡ್ ಹೊಸ ಕೇಸ್‌ಗಳನ್ನು ಗಮನಿಸಿದರೆ ಇದು ಮಹಾ ಸ್ಫೋಟವಲ್ಲ. ಕೆಲವು ನಿರ್ದಿಷ್ಟ ಪ್ರದೇಶಗಳಲ್ಲಷ್ಟೇ ಸೋಂಕು ಹೆಚ್ಚಳವಾಗುತ್ತಿದೆಯೇ ವಿನಃ ದಿನ ನಿತ್ಯವೂ ಎಲ್ಲ ರಾಜ್ಯಗಳಿಂದಲೂ ಭಾರಿ ಸಂಖ್ಯೆಯಲ್ಲಿ ವರದಿಯಾಗುತ್ತಿಲ್ಲ. ತ್ವರಿತ ಪ್ರಸರಣದ ಗುಣ ಹೊಂದಿರುವ ಒಮಿಕ್ರಾನ್‌ ರೂಪಾಂತರಿಯ ಬಿಎ.4 ಹಾಗೂ ಬಿಎ.5 ಉಪ ತಳಿ ವೈರಾಣುಗಳಿಂದ ಪ್ರಕರಣಗಳ ಸಂಖ್ಯೆ ತುಸು ಜಾಸ್ತಿ ಎಂಬಂತೆ ಕಾಣಿಸುತ್ತಿದೆ. ಕೊರೊನಾ ಹೊಸ ವೈರಾಣುಗಳು ಪತ್ತೆಯಾಗಿಲ್ಲ. ಈ ಸ್ಥಿತಿಯನ್ನು ನಾಲ್ಕನೇ ಅಲೆಯ ಮುನ್ಸೂಚನೆ ಎಂದು ಭಾವಿಸಬೇಕಿಲ್ಲ.
ಹೈಲೈಟ್ಸ್‌:
- ಮೂರು ಕೊರೊನಾ ಅಲೆಗಳಿಂದ ಭಾರತೀಯರಲ್ಲಿ ಸೋಂಕು ನಿರೋಧಕ ಶಕ್ತಿ ಸಹಜವಾಗಿಯೇ ಹೆಚ್ಚಿದೆ
- ಹೈಬ್ರಿಡ್‌ ಇಮ್ಯೂನಿಟಿಯು ಭಾರತೀಯರನ್ನು ರಕ್ಷಿಸುತ್ತಿದೆ
- ಸೋಂಕಿತರ ಸಂಖ್ಯೆ ಹೆಚ್ಚಳವಾಗುತ್ತಿದ್ದರೂ ಆಸ್ಪತ್ರೆ ಸೇರುತ್ತಿರುವ ಹಾಗೂ ಮೃತಪಡುವವರ ಸಂಖ್ಯೆಯಲ್ಲಿ ಏರಿಕೆಯಾಗಿಲ್ಲ
ಹೊಸ ದಿಲ್ಲಿ: ದೇಶದಲ್ಲಿ ಕೊರೊನಾ ಪ್ರಕರಣಗಳ ಸಂಖ್ಯೆ ದಿನೇ ದಿನೇ ಏರಿಕೆ ಆಗುತ್ತಿದೆಯಾದರೂ ಇದು ನಾಲ್ಕನೇ ಅಲೆಯ ಮುನ್ಸೂಚನೆ ಅಲ್ಲ. ಕೆಲವು ಪ್ರದೇಶಗಳಿಗಷ್ಟೇ ಸೋಂಕಿನ ಏರಿಕೆ ಸೀಮಿತವಾಗಿದೆ. ಓಮಿಕ್ರಾನ್‌ ಉಪ ತಳಿ ಬಿಟ್ಟು ಬೇರೆ ಯಾವ ಕೊರೊನಾ ಹೊಸ ಉಪ ತಳಿ ವೈರಾಣುಗಳು ಭಾರತದಲ್ಲಿ ಕಾಣಿಸಿಕೊಳ್ಳದಿರುವ ಹಿನ್ನೆಲೆಯಲ್ಲಿ ಆತಂಕ ಬೇಕಿಲ್ಲ ಎಂದು ತಜ್ಞರು ಅಭಯ ನೀಡಿದ್ದಾರೆ.
'ಸದ್ಯ ಏರಿಕೆ ಆಗುತ್ತಿರುವ ಕೋವಿಡ್ ಹೊಸ ಕೇಸ್‌ಗಳನ್ನು ಗಮನಿಸಿದರೆ ಇದು ಮಹಾ ಸ್ಫೋಟವಲ್ಲ. ಕೆಲವು ನಿರ್ದಿಷ್ಟ ಪ್ರದೇಶಗಳಲ್ಲಷ್ಟೇ ಸೋಂಕು ಹೆಚ್ಚಳವಾಗುತ್ತಿದೆಯೇ ವಿನಃ ದಿನ ನಿತ್ಯವೂ ಎಲ್ಲ ರಾಜ್ಯಗಳಿಂದಲೂ ಭಾರಿ ಸಂಖ್ಯೆಯಲ್ಲಿ ವರದಿಯಾಗುತ್ತಿಲ್ಲ. ತ್ವರಿತ ಪ್ರಸರಣದ ಗುಣ ಹೊಂದಿರುವ ಒಮಿಕ್ರಾನ್‌ ರೂಪಾಂತರಿಯ ಬಿಎ.4 ಹಾಗೂ ಬಿಎ.5 ಉಪ ತಳಿ ವೈರಾಣುಗಳಿಂದ ಪ್ರಕರಣಗಳ ಸಂಖ್ಯೆ ತುಸು ಜಾಸ್ತಿ ಎಂಬಂತೆ ಕಾಣಿಸುತ್ತಿದೆ. ಕೊರೊನಾ ಹೊಸ ವೈರಾಣುಗಳು ಪತ್ತೆಯಾಗಿಲ್ಲ. ಈ ಸ್ಥಿತಿಯನ್ನು ನಾಲ್ಕನೇ ಅಲೆಯ ಮುನ್ಸೂಚನೆ ಎಂದು ಭಾವಿಸಬೇಕಿಲ್ಲ' ಎಂದು ವೈರಾಣು ತಜ್ಞ ಟಿ. ಜಾಕೋಬ್‌ ಜಾನ್‌ ಹೇಳಿದ್ದಾರೆ.
ಇದೇ ವೇಳೆ ಅವರು ಕೊರೊನಾ ಮಾರ್ಗಸೂಚಿಗಳನ್ನು ಕಡೆಗಣಿಸಿದಲ್ಲಿ ದೇಶಾದ್ಯಂತ ವ್ಯಾಪಿಸಿ ಮತ್ತೆ ಪರಿಸ್ಥಿತಿ ಬಿಗಡಾಯಿಸಬಹುದು ಎಂದು ಎಚ್ಚರಿಸಿದ್ದಾರೆ. 'ಮೂರು ಕೊರೊನಾ ಅಲೆಗಳಿಂದ ಭಾರತೀಯರಲ್ಲಿ ಸೋಂಕು ನಿರೋಧಕ ಶಕ್ತಿ ಸಹಜವಾಗಿಯೇ ಹೆಚ್ಚಿದೆ. ಲಸಿಕೆಯೂ ಇಲ್ಲಿ ಪರಿಣಾಮಕಾರಿಯಾಗಿ ಕೆಲಸ ಮಾಡಿದೆ. ಹೈಬ್ರಿಡ್‌ ಇಮ್ಯೂನಿಟಿಯು ಭಾರತೀಯರನ್ನು ರಕ್ಷಿಸುತ್ತಿದೆ. ಸೋಂಕಿತರ ಸಂಖ್ಯೆ ಹೆಚ್ಚಳವಾಗುತ್ತಿದ್ದರೂ ಆಸ್ಪತ್ರೆ ಸೇರುತ್ತಿರುವ ಹಾಗೂ ಮೃತಪಡುವವರ ಸಂಖ್ಯೆಯಲ್ಲಿ ಏರಿಕೆಯಾಗಿಲ್ಲ ಎಂಬುದೇ ಇದಕ್ಕೆ ಸಾಕ್ಷಿಯಾಗಿದೆ' ಎಂದು ಡಾ. ಚಂದ್ರಕಾಂತ್‌ ಲಹಾರಿಯಾ ಅಭಿಪ್ರಾಯಪಟ್ಟಿದ್ದಾರೆ. ಇನ್ನೂ ಕೆಲವು ತಜ್ಞರು ಇದೇ ರೀತಿಯ ನಿಲುವು ತಾಳಿದ್ದರೂ ಕೊರೊನಾ ನಿಯಮಗಳ ಪಾಲನೆ ವಿಚಾರದಲ್ಲಿ ನಿರ್ಲಕ್ಷ್ಯ ಬೇಡ ಎಂದಿದ್ದಾರೆ.
ಸಣ್ಣ ಅಲೆ ಸಹಜ: 'ಪ್ರತಿ ನಾಲ್ಕು ತಿಂಗಳಿಗೊಮ್ಮೆ ಕೊರೊನಾ ಪ್ರಕರಣಗಳ ಸಂಖ್ಯೆಯಲ್ಲಿ ದಿಢೀರ್‌ ಏರಿಳಿತಗೊಂಡು ಮಿನಿ ಅಲೆಗಳಂತೆ ಕಾಣಿಸಿಕೊಳ್ಳಬಹುದು. ವಿಶ್ವದ ಕೆಲವು ಕಡೆ ಈಗಾಗಲೇ ಇಂತಹ ಸನ್ನಿವೇಶಗಳು ನಿರ್ಮಾಣಗೊಂಡಿವೆ. ಭಾರತದಲ್ಲಿಯೂ ಈ ರೀತಿ ಆಗಬಹುದು. ಹಾಗಾಗಿ ಕೊರೊನಾ ರೂಪಾಂತರಿ ವೈರಾಣುಗಳ ಉಪ ತಳಿಗಳನ್ನು ಪತ್ತೆ ಮಾಡುವುದು ಅಗತ್ಯವಾಗಿದೆ' ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ವಿಜ್ಞಾನಿ ಡಾ. ಸೌಮ್ಯ ಸ್ವಾಮಿನಾಥನ್‌ ಹೇಳಿದ್ದಾರೆ.
'ಸದ್ಯ ಏರಿಕೆ ಆಗುತ್ತಿರುವ ಕೋವಿಡ್ ಹೊಸ ಕೇಸ್‌ಗಳನ್ನು ಗಮನಿಸಿದರೆ ಇದು ಮಹಾ ಸ್ಫೋಟವಲ್ಲ. ಕೆಲವು ನಿರ್ದಿಷ್ಟ ಪ್ರದೇಶಗಳಲ್ಲಷ್ಟೇ ಸೋಂಕು ಹೆಚ್ಚಳವಾಗುತ್ತಿದೆಯೇ ವಿನಃ ದಿನ ನಿತ್ಯವೂ ಎಲ್ಲ ರಾಜ್ಯಗಳಿಂದಲೂ ಭಾರಿ ಸಂಖ್ಯೆಯಲ್ಲಿ ವರದಿಯಾಗುತ್ತಿಲ್ಲ. ತ್ವರಿತ ಪ್ರಸರಣದ ಗುಣ ಹೊಂದಿರುವ ಒಮಿಕ್ರಾನ್‌ ರೂಪಾಂತರಿಯ ಬಿಎ.4 ಹಾಗೂ ಬಿಎ.5 ಉಪ ತಳಿ ವೈರಾಣುಗಳಿಂದ ಪ್ರಕರಣಗಳ ಸಂಖ್ಯೆ ತುಸು ಜಾಸ್ತಿ ಎಂಬಂತೆ ಕಾಣಿಸುತ್ತಿದೆ. ಕೊರೊನಾ ಹೊಸ ವೈರಾಣುಗಳು ಪತ್ತೆಯಾಗಿಲ್ಲ. ಈ ಸ್ಥಿತಿಯನ್ನು ನಾಲ್ಕನೇ ಅಲೆಯ ಮುನ್ಸೂಚನೆ ಎಂದು ಭಾವಿಸಬೇಕಿಲ್ಲ' ಎಂದು ವೈರಾಣು ತಜ್ಞ ಟಿ. ಜಾಕೋಬ್‌ ಜಾನ್‌ ಹೇಳಿದ್ದಾರೆ.
ಇದೇ ವೇಳೆ ಅವರು ಕೊರೊನಾ ಮಾರ್ಗಸೂಚಿಗಳನ್ನು ಕಡೆಗಣಿಸಿದಲ್ಲಿ ದೇಶಾದ್ಯಂತ ವ್ಯಾಪಿಸಿ ಮತ್ತೆ ಪರಿಸ್ಥಿತಿ ಬಿಗಡಾಯಿಸಬಹುದು ಎಂದು ಎಚ್ಚರಿಸಿದ್ದಾರೆ. 'ಮೂರು ಕೊರೊನಾ ಅಲೆಗಳಿಂದ ಭಾರತೀಯರಲ್ಲಿ ಸೋಂಕು ನಿರೋಧಕ ಶಕ್ತಿ ಸಹಜವಾಗಿಯೇ ಹೆಚ್ಚಿದೆ. ಲಸಿಕೆಯೂ ಇಲ್ಲಿ ಪರಿಣಾಮಕಾರಿಯಾಗಿ ಕೆಲಸ ಮಾಡಿದೆ. ಹೈಬ್ರಿಡ್‌ ಇಮ್ಯೂನಿಟಿಯು ಭಾರತೀಯರನ್ನು ರಕ್ಷಿಸುತ್ತಿದೆ. ಸೋಂಕಿತರ ಸಂಖ್ಯೆ ಹೆಚ್ಚಳವಾಗುತ್ತಿದ್ದರೂ ಆಸ್ಪತ್ರೆ ಸೇರುತ್ತಿರುವ ಹಾಗೂ ಮೃತಪಡುವವರ ಸಂಖ್ಯೆಯಲ್ಲಿ ಏರಿಕೆಯಾಗಿಲ್ಲ ಎಂಬುದೇ ಇದಕ್ಕೆ ಸಾಕ್ಷಿಯಾಗಿದೆ' ಎಂದು ಡಾ. ಚಂದ್ರಕಾಂತ್‌ ಲಹಾರಿಯಾ ಅಭಿಪ್ರಾಯಪಟ್ಟಿದ್ದಾರೆ. ಇನ್ನೂ ಕೆಲವು ತಜ್ಞರು ಇದೇ ರೀತಿಯ ನಿಲುವು ತಾಳಿದ್ದರೂ ಕೊರೊನಾ ನಿಯಮಗಳ ಪಾಲನೆ ವಿಚಾರದಲ್ಲಿ ನಿರ್ಲಕ್ಷ್ಯ ಬೇಡ ಎಂದಿದ್ದಾರೆ.
ಸಣ್ಣ ಅಲೆ ಸಹಜ: 'ಪ್ರತಿ ನಾಲ್ಕು ತಿಂಗಳಿಗೊಮ್ಮೆ ಕೊರೊನಾ ಪ್ರಕರಣಗಳ ಸಂಖ್ಯೆಯಲ್ಲಿ ದಿಢೀರ್‌ ಏರಿಳಿತಗೊಂಡು ಮಿನಿ ಅಲೆಗಳಂತೆ ಕಾಣಿಸಿಕೊಳ್ಳಬಹುದು. ವಿಶ್ವದ ಕೆಲವು ಕಡೆ ಈಗಾಗಲೇ ಇಂತಹ ಸನ್ನಿವೇಶಗಳು ನಿರ್ಮಾಣಗೊಂಡಿವೆ. ಭಾರತದಲ್ಲಿಯೂ ಈ ರೀತಿ ಆಗಬಹುದು. ಹಾಗಾಗಿ ಕೊರೊನಾ ರೂಪಾಂತರಿ ವೈರಾಣುಗಳ ಉಪ ತಳಿಗಳನ್ನು ಪತ್ತೆ ಮಾಡುವುದು ಅಗತ್ಯವಾಗಿದೆ' ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ವಿಜ್ಞಾನಿ ಡಾ. ಸೌಮ್ಯ ಸ್ವಾಮಿನಾಥನ್‌ ಹೇಳಿದ್ದಾರೆ.