ಹೊಸದಿಲ್ಲಿ: ಮುನ್ನೆಚ್ಚರಿಕೆ, ಜನ ಜಾಗೃತಿ ಅಭಿಯಾನ ಹಾಗೂ ಟೆಸ್ಟಿಂಗ್ ಹೆಚ್ಚಳದ ಪರಿಣಾಮ ಕೊರೊನಾ ಅಬ್ಬರ ದೇಶದಲ್ಲಿ ಕ್ರಮೇಣ ಇಳಿಮುಖವಾಗುತ್ತಿದೆ. ಸೋಮವಾರ ಹೊಸ ಕೋವಿಡ್ ಪ್ರಕರಣಗಳ ಸಂಖ್ಯೆ 50 ಸಾವಿರಕ್ಕಿಂತಲೂ ಕಡಿಮೆ ವರದಿಯಾಗಿದ್ದು, ಈ ಇಳಿಕೆ ಅಕ್ಟೋಬರ್ನಲ್ಲಿಯೇ ಎರಡನೇ ಬಾರಿಯಾಗಿದೆ.
ಸಾವಿನ ವಿಚಾರದಲ್ಲೂ ಆಶಾದಾಯಕ ಬೆಳವಣಿಗೆ ಇದ್ದು, 108 ದಿನಗಳ ನಂತರ ದಿನದ ಸೋಂಕಿತರ ಸಾವಿನ ಸಂಖ್ಯೆ 500ರ ಕೆಳಗೆ ಇಳಿದಿದೆ. ದೇಶದಲ್ಲಿ ಸೋಮವಾರ ಹೊಸದಾಗಿ 45,148 ಸೋಂಕಿತರು ಪತ್ತೆಯಾಗಿದ್ದು, ಒಟ್ಟು ಪ್ರಕರಣಗಳ ಸಂಖ್ಯೆ 80 ಲಕ್ಷದ ಗಡಿ ಸಮೀಪ ಬಂದು ತಲುಪಿದೆ. 480 ಸಾವಿನೊಂದಿಗೆ ಕೋವಿಡ್ಗೆ ಬಲಿಯಾದವರ ಒಟ್ಟು ಸಂಖ್ಯೆ 1,19,014ಕ್ಕೆ ಏರಿಕೆಯಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಪ್ರಕಟಣೆ ತಿಳಿಸಿದೆ.
ಗುಣಮುಖರ ಪ್ರಮಾಣ!
ಸೋಂಕಿನಿಂದ ಗುಣಮುಖರಾಗುವವರ ಪ್ರಮಾಣ ಶೇಕಡ 90.23 ರಷ್ಟಿದ್ದರೆ, ಸಾವಿನ ಪ್ರಮಾಣ ಶೇಕಡ 1.50ಕ್ಕೆ ಇಳಿದಿದೆ. ಕಳೆದ ನಾಲ್ಕು ದಿನಗಳಿಂದ ಸಕ್ರಿಯ ಪ್ರಕರಣಗಳ ಸಂಖ್ಯೆ 7 ಲಕ್ಷಕ್ಕಿಂತಲೂ ಕಡಿಮೆ ಇದ್ದು, ಇದು ಹೊಸ ಭರವಸೆ ಮೂಡಿಸಿದೆ. ಒಟ್ಟು ಸೋಂಕಿತರ ಪೈಕಿ ಈಗ ಕೇವಲ 6,53,717 ಸಕ್ರಿಯ ಪ್ರಕರಣಗಳಿವೆ.
ಮಧ್ಯಪ್ರದೇಶ: ತಂದೆಯಿಂದಲೇ ಕಿಡ್ನಾಪ್ ಆದ ಬಾಲಕಿಯ ರಕ್ಷಿಸಲು ಎಲ್ಲೂ ಸ್ಟಾಪ್ ನೀಡದೆ 210 ಕಿ.ಮೀ ಓಡಿದ ರೈಲು!
10.34 ಕೋಟಿ ಟೆಸ್ಟಿಂಗ್!
ಅಕ್ಟೋಬರ್ 25ರ ಲೆಕ್ಕಾಚಾರದಂತೆ ದೇಶಾದ್ಯಂತ ಒಟ್ಟು 10,34,62,778 ಕೊರೊನಾ ತಪಾಸಣೆಗಳನ್ನು ನಡೆಸಲಾಗಿದೆ ಎಂದು ಅಖಿಲ ಭಾರತ ವೈದ್ಯಕೀಯ ಸಂಶೋಧನಾ ಮಂಡಳಿ ಹೇಳಿದೆ. ಟೆಸ್ಟಿಂಗ್ ಹೆಚ್ಚಿಸಿದಷ್ಟೂ ಸೋಂಕಿತರು ಪತ್ತೆಯಾಗಿ ಸೋಂಕು ಪಸರಿಸುವ ಸರಣಿ ಸಂಪರ್ಕ ಕಡಿತಗೊಳ್ಳುತ್ತದೆ. ಕೊರೊನಾ ತಗ್ಗಲು ಇದೂ ಒಂದು ಕಾರಣವಾಗಿದೆ ಎಂದು ಹೇಳಲಾಗುತ್ತಿದೆ. ಚಳಿಗಾಲದಲ್ಲಿ ಸೋಂಕಿನ ಎರಡನೇ ಅಲೆ ಅಪ್ಪಳಿಸುವ ಸಾಧ್ಯತೆ ಇದ್ದು, ಅಗತ್ಯ ಕೋವಿಡ್ ಸುರಕ್ಷತಾ ಕ್ರಮಗಳನ್ನು ಪಾಲಿಸಲು ಮರೆಯಬೇಡಿ ಎಂದು ತಜ್ಞರ ತಂಡ ಎಚ್ಚರಿಕೆ ನೀಡಿದೆ.
ಸೋಮವಾರದ ಲೆಕ್ಕ
45,148
ಹೊಸ ಸೋಂಕಿತರು
....
480
ಸೋಂಕಿತರ ಸಾವು
....
ಶೇ.90.23
ಗುಣಮುಖರ ಪ್ರಮಾಣ
ಸಾವಿನ ವಿಚಾರದಲ್ಲೂ ಆಶಾದಾಯಕ ಬೆಳವಣಿಗೆ ಇದ್ದು, 108 ದಿನಗಳ ನಂತರ ದಿನದ ಸೋಂಕಿತರ ಸಾವಿನ ಸಂಖ್ಯೆ 500ರ ಕೆಳಗೆ ಇಳಿದಿದೆ. ದೇಶದಲ್ಲಿ ಸೋಮವಾರ ಹೊಸದಾಗಿ 45,148 ಸೋಂಕಿತರು ಪತ್ತೆಯಾಗಿದ್ದು, ಒಟ್ಟು ಪ್ರಕರಣಗಳ ಸಂಖ್ಯೆ 80 ಲಕ್ಷದ ಗಡಿ ಸಮೀಪ ಬಂದು ತಲುಪಿದೆ. 480 ಸಾವಿನೊಂದಿಗೆ ಕೋವಿಡ್ಗೆ ಬಲಿಯಾದವರ ಒಟ್ಟು ಸಂಖ್ಯೆ 1,19,014ಕ್ಕೆ ಏರಿಕೆಯಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಪ್ರಕಟಣೆ ತಿಳಿಸಿದೆ.
ಗುಣಮುಖರ ಪ್ರಮಾಣ!
ಸೋಂಕಿನಿಂದ ಗುಣಮುಖರಾಗುವವರ ಪ್ರಮಾಣ ಶೇಕಡ 90.23 ರಷ್ಟಿದ್ದರೆ, ಸಾವಿನ ಪ್ರಮಾಣ ಶೇಕಡ 1.50ಕ್ಕೆ ಇಳಿದಿದೆ. ಕಳೆದ ನಾಲ್ಕು ದಿನಗಳಿಂದ ಸಕ್ರಿಯ ಪ್ರಕರಣಗಳ ಸಂಖ್ಯೆ 7 ಲಕ್ಷಕ್ಕಿಂತಲೂ ಕಡಿಮೆ ಇದ್ದು, ಇದು ಹೊಸ ಭರವಸೆ ಮೂಡಿಸಿದೆ. ಒಟ್ಟು ಸೋಂಕಿತರ ಪೈಕಿ ಈಗ ಕೇವಲ 6,53,717 ಸಕ್ರಿಯ ಪ್ರಕರಣಗಳಿವೆ.
ಮಧ್ಯಪ್ರದೇಶ: ತಂದೆಯಿಂದಲೇ ಕಿಡ್ನಾಪ್ ಆದ ಬಾಲಕಿಯ ರಕ್ಷಿಸಲು ಎಲ್ಲೂ ಸ್ಟಾಪ್ ನೀಡದೆ 210 ಕಿ.ಮೀ ಓಡಿದ ರೈಲು!
10.34 ಕೋಟಿ ಟೆಸ್ಟಿಂಗ್!
ಅಕ್ಟೋಬರ್ 25ರ ಲೆಕ್ಕಾಚಾರದಂತೆ ದೇಶಾದ್ಯಂತ ಒಟ್ಟು 10,34,62,778 ಕೊರೊನಾ ತಪಾಸಣೆಗಳನ್ನು ನಡೆಸಲಾಗಿದೆ ಎಂದು ಅಖಿಲ ಭಾರತ ವೈದ್ಯಕೀಯ ಸಂಶೋಧನಾ ಮಂಡಳಿ ಹೇಳಿದೆ. ಟೆಸ್ಟಿಂಗ್ ಹೆಚ್ಚಿಸಿದಷ್ಟೂ ಸೋಂಕಿತರು ಪತ್ತೆಯಾಗಿ ಸೋಂಕು ಪಸರಿಸುವ ಸರಣಿ ಸಂಪರ್ಕ ಕಡಿತಗೊಳ್ಳುತ್ತದೆ. ಕೊರೊನಾ ತಗ್ಗಲು ಇದೂ ಒಂದು ಕಾರಣವಾಗಿದೆ ಎಂದು ಹೇಳಲಾಗುತ್ತಿದೆ. ಚಳಿಗಾಲದಲ್ಲಿ ಸೋಂಕಿನ ಎರಡನೇ ಅಲೆ ಅಪ್ಪಳಿಸುವ ಸಾಧ್ಯತೆ ಇದ್ದು, ಅಗತ್ಯ ಕೋವಿಡ್ ಸುರಕ್ಷತಾ ಕ್ರಮಗಳನ್ನು ಪಾಲಿಸಲು ಮರೆಯಬೇಡಿ ಎಂದು ತಜ್ಞರ ತಂಡ ಎಚ್ಚರಿಕೆ ನೀಡಿದೆ.
ಸೋಮವಾರದ ಲೆಕ್ಕ
45,148
ಹೊಸ ಸೋಂಕಿತರು
....
480
ಸೋಂಕಿತರ ಸಾವು
....
ಶೇ.90.23
ಗುಣಮುಖರ ಪ್ರಮಾಣ