ನಿಮ್ಮ ಮನೆ ಮುಂದಿದೆ ಲಕ್ಷ್ಮಣ ರೇಖೆ..! ದಾಟಿದರೆ ‘ಪ್ರಾಣಾಪಹರಣ’ ಖಚಿತ..!

ಏಪ್ರಿಲ್ 14, 2020ರವರೆಗೂ ನಮಗೆಲ್ಲರಿಗೂ ಮನೆಯೇ ಮಂತ್ರಾಲಯ..! ಮನೆಯಿಂದ ಆಚೆಗೆ ಕಾಲಿಟ್ಟರೆ, ನಮ್ಮ ಜೀವಕ್ಕಿಲ್ಲ ಗ್ಯಾರಂಟಿ..! ಕೊರೊನಾ ವೈರಸ್ ವಿರುದ್ಧ ನಿರ್ಣಾಯಕ ಸಮರಕ್ಕೆ ಮುಂದಾಗಿರುವ ಪ್ರಧಾನಿ ನರೇಂದ್ರ ಮೋದಿ, ದೇಶದ ಜನರಲ್ಲಿ 21 ದಿನಗಳ ಸಮಯ ಕೇಳಿದ್ದಾರೆ. ಮುಂದಿನ 3 ವಾರಗಳ ಕಾಲ ನೀವು ನಿಮ್ಮ ಮನೆಯಲ್ಲೇ ಸುರಕ್ಷಿತವಾಗಿರಿ ಎಂದು ಮನವಿ ಮಾಡಿಕೊಂಡಿದ್ದಾರೆ. ಇಂಥಾ ನಿರ್ಧಾರಗಳು ಹೊಸದೇನಲ್ಲ..!

ಹಿಂದೆ ಮಲೇರಿಯಾ,ಸಿಡುಬು,ಕಾಲರಾದಂತಹ ಸಾಂಕ್ರಾಮಿಕ ರೋಗ ರುಜಿನಗಳು ಕಾಣಿಸಿಕೊಂಡಾಗ, ಊರಿಗೇ ಊರೇ ಖಾಲಿಯಾಗಿಬಿಡ್ತಿತ್ತು. ತಿಂಗಳುಗಟ್ಟಲೆ ತೋಟ, ಗದ್ದೆಗಳಲ್ಲಿ ತಾತ್ಕಾಲಿಕವಾಗಿ ಗುಡಿಸಲು ಕಟ್ಟಿಕೊಂಡು ಬದುಕಬೇಕಾಗಿ ಬರುತ್ತಿತ್ತು. ಒಂದು ಗುಡಿಸಲಿಗೂ, ಮತ್ತೊಂದಕ್ಕೂ ಬಹಳ ಅಂತರ ಕಾಯ್ದುಕೊಳ್ಳಬೇಕಾಗುತ್ತಿತ್ತು. ಸಾಂಕ್ರಾಮಿಕ ರೋಗ ಹತೋಟಿಗೆ ಬಂದ ನಂತರವಷ್ಟೇ ಎಲ್ಲರೂ ಊರಿಗೆ ಎಂಟ್ರಿ ಕೊಟ್ಟು ತಮ್ಮ ತಮ್ಮ ಮನೆಗಳಿಗೆ ವಾಪಸ್ ಆಗುತ್ತಿದ್ದರು.

ಇಂದೂ ನಮ್ಮ-ನಿಮ್ಮೆಲ್ಲರ ಜೊತೆ ಇರುವ ಹಿರಿಯ ಜೀವಗಳಿಗೆ ಇದು ಗೊತ್ತಿಲ್ಲದ ಸಂಗತಿ ಏನಲ್ಲ. ಸಾಂಕ್ರಾಮಿಕ ರೋಗಗಳಿಗೆ ತುತ್ತಾದಾಗ ಊರಿಗೆ ಊರೇ ಖಾಲಿ ಮಾಡಲೇಬೇಕಿತ್ತು, ಇಲ್ಲವಾದ್ರೆ, ಊರಿಗೆ ಊರೇ ಸ್ಮಶಾನವಾಗುವ ಭಯವಿತ್ತು..! ಆ ಸಂದರ್ಭದಲ್ಲಿ ಕೃಷಿ ಚಟುವಟಿಕೆಗಳು ನಿಂತು ಹೋಗಿ ಹೊಟ್ಟೆಗೆ ಹಿಟ್ಟಿಲ್ಲದೆ ಪರದಾಡುತ್ತಿದ್ದರು ಜನ.

21 ದಿನ ದೇಶಾದ್ಯಂತ ಕೊರೊನಾ ಕರ್ಫ್ಯೂ..! 3 ವಾರ ನಿರ್ಬಂಧ ಘೋಷಿಸಿದ ಪ್ರಧಾನಿ ಮೋದಿ

ಸಾಂಕ್ರಾಮಿಕ ರೋಗಗಳನ್ನು ತಡೆಗಟ್ಟಲು ಜನಸಂಪರ್ಕವನ್ನ ಕಡಿಮೆಗೊಳಿಸಿ, ರೋಗದ ಸರಪಳಿಯನ್ನ ಮುರಿಯುವ ಪದ್ದತಿ ಹೊಸದೇನಲ್ಲ. ಇಂದಿನ ಆಧುನಿಕ ಯುಗದಲ್ಲಿ ಮಲೇರಿಯಾ,ಸಿಡುಬು,ಕಾಲರಾದಂಥಾ ಸಾಂಕ್ರಾಮಿಕ ರೋಗಗಳಿಗೆ ಮನೆ ಬಿಟ್ಟ ಉದಾಹರಣೆ ಇರಲಿಲ್ಲವಾದ್ರೂ, ಕೊರೊನಾ ವೈರಸ್‌ ಮನೆಯೊಳಗೇ ಇರುವ ಪಾಠ ಕಲಿಸುತ್ತಿದೆ..!

ಮೋದಿ ಭಾಷಣ ಲೈಪ್‌ ಅಪ್‌ಡೇಟ್ಸ್‌: ಇಡೀ ದೇಶದಲ್ಲಿ ಕರ್ಫ್ಯೂ ಜಾರಿ

ಮನೆಯೊಳಗಿರಿ, ಕುಟುಂಬದ ಜೊತೆ ಸುರಕ್ಷಿತವಾಗಿರಿ, ಮನೆಯಿಂದ ಹೊರಗೆ ಬರಬೇಡಿ ಎಂಬ ಸರಳ ಸೂತ್ರವನ್ನು ಇಡೀ ದೇಶ ಪಾಲಿಸಲೇಬೇಕಿದೆ. ಇಲ್ಲವಾದ್ರೆ ಮಹಾಮಾರಿ ಆರ್ಭಟಕ್ಕೆ ಇಡೀ ದೇಶವೇ ಸ್ತಬ್ಧವಾಗಿಬಿಡುತ್ತೆ. 21 ದಿನಗಳ ಕಾಲ ಎಲ್ಲರೂ ತಮ್ಮ ತಮ್ಮ ಮನೆಯಲ್ಲಿದ್ದು, ವೈರಾಣು ಹರಡದಂತೆ ತಡೆಯಲೇಬೇಕಿದೆ. ಇಲ್ಲವಾದ್ರೆ, ಅಂದು ಲಕ್ಷ್ಮಣ ರೇಖೆ ದಾಟಿದ ಸೀತೆ ರಾವಣನಿಂದ ಅಪಹರಣಕ್ಕೆ ಈಡಾದಂತೆ ಇಂದು ನಾವು ಪ್ರಾಣಾಪಹರಣಕ್ಕೆ ಬಲಿಯಾಗಬೇಕಾಗುತ್ತೆ.

ನಾಳೆಯಿಂದ ರಾಜ್ಯಾದ್ಯಂತ ಸಂಪೂರ್ಣ ನಾಕಾಬಂದಿ: ಸಿಎಂ ಯಡಿಯೂರಪ್ಪ ಸ್ಪಷ್ಟನೆ