30 ಕೋಟಿ ವಾರಿಯರ್‌ಗಳಿಗೆ ಮೊದಲು ಕೊರೊನಾ ಲಸಿಕೆ, ಪೂರೈಕೆಗೆ ಸರಕಾರದಿಂದ ಸಿದ್ಧತೆ ಜೋರು!

ಹೊಸದಿಲ್ಲಿ: ದೇಶಾದ್ಯಂತ ಕೊರೊನಾ ಸೋಂಕಿನ ಪ್ರಮಾಣ ತಗ್ಗುತ್ತಿರುವ ನಡುವೆಯೇ ಲಸಿಕೆ ಪೂರೈಕೆಗೆ ಸಿದ್ಧತೆ ಜೋರಾಗಿದೆ. ಲಸಿಕೆ ಲಭ್ಯವಾದ ಕೂಡಲೇ 'ಕೋವಿಡ್‌-19 ಲಸಿಕಾ ಕಾರ್ಯಕ್ರಮ'ದ ಹೆಸರಿನ ವಿಶೇಷ ಯೋಜನೆ ಮೂಲಕ ಕೇಂದ್ರ ಸರಕಾರವೇ ಅದನ್ನು ವಿತರಿಸಲಿದೆ.

ಈ ಸಂಬಂಧ ಪ್ರತ್ಯೇಕ ಯೋಜನೆ ರೂಪಿಸದಂತೆ ರಾಜ್ಯಗಳಿಗೆ ಸೂಚಿಸಲಾಗಿದೆ. ಲಸಿಕೆಯ ಫಲಾನುಭವಿಗಳನ್ನು ನಾಲ್ಕು ವರ್ಗಗಳಾಗಿ ವಿಂಗಡಿಸಲಾಗಿದ್ದು, ಆರಂಭಿಕವಾಗಿ ವೈದ್ಯರು ಹಾಗೂ ಕೊರೊನಾ ವಾರಿಯರ್ಸ್ ಸೇರಿದಂತೆ 30 ಕೋಟಿ ಫಲಾನುಭವಿಗಳಿಗೆ ಮೊದಲ ಆದ್ಯತೆ ಮೇರೆಗೆ ವ್ಯಾಕ್ಸಿನ್‌ ದೊರೆಯಲಿದೆ.

ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳ ನೆರವಿನೊಂದಿಗೆ ಇಂತಹ ಫಲಾನುಭವಿಗಳ ಪಟ್ಟಿಯನ್ನು ಕೇಂದ್ರ ಸಿದ್ಧಪಡಿಸುತ್ತಿದೆ. ಈ ಮಧ್ಯೆ, ದೇಶಾದ್ಯಂತ ಕೊರೊನಾ ಸೋಂಕಿತರ ಸಂಖ್ಯೆ ಕಳೆದ 2 ತಿಂಗಳಲ್ಲಿಇದೇ ಮೊದಲ ಬಾರಿಗೆ 7 ಲಕ್ಷಕ್ಕಿಂತ ಕೆಳಗಿಳಿದಿದೆ. ಕಳೆದ 24 ಗಂಟೆಯಲ್ಲಿ 54,356 ಹೊಸ ಪ್ರಕರಣಗಳು ವರದಿಯಾಗಿವೆ. 73,979 ಸೋಂಕಿತರು ಗುಣಮುಖರಾಗಿದ್ದಾರೆ.

1004 ಹೊಸ ನಕ್ಷತ್ರಗಳನ್ನು ಪತ್ತೆಮಾಡಿದ ವಿಜ್ಞಾನಿಗಳು

ಇನ್ನು ಕೊರೊನಾ ಲಸಿಕೆ ಪ್ರತಿಯೊಬ್ಬರಿಗೂ ನೀಡುವ ಉದ್ದೇಶದಿಂದ 50,000 ಕೋಟಿ ಮೀಸಲಿಟ್ಟಿದೆಯೆಂದು ವರಿದಯಾಗಿದೆ. ಪ್ರತಿಯೊಬ್ಬರಿಗೂ ಎಷ್ಟು ಖರ್ಚಾಗಲಿದೆಯೆಂದು ಕೂಡ ಲೆಕ್ಕಹಾಕಲಾಗಿದೆ. ಹಾಗಾಗಿ ಕೊರೊನಾ ಲಸಿಕೆ ಸಿಗುವ ಭರವಸೆ ಮೂಡಿದೆ. ಕೇಂದ್ರ ಸರಕಾರದ ನಡೆಯನ್ನು ಗಮನಿಸಿದರೆ ಭಾರತದಿಂದಲೇ ಕೊರೊನಾ ಲಸಿಕೆ ಸಿಗುವ ಎಲ್ಲಾ ಲಕ್ಷಣಗಳು ಗೋಚರಿಸುತ್ತಿದೆ.